అమెరికాలో పనిచేస్తున్న హెచ్-1బి వీసా (H-1B visa)దారులకు ఊహించని షాకు తగులుతున్నాయి. ఎవరైనా హెచ్-1బీ వీసా ఉన్నవాళ్లు ఉద్యోగం లేకుండా ఖాళీగా ఉండడం లేదా వేరే ఉద్యోగం మారడం లాంటివి జరిగినప్పుడు వాళ్ల వీసా గ్రేస్ పిరియడ్లో ఉంటుంది. ఇది 60 రోజులు ఉంటుంది. ఈ గ్రేస్ పిరియడ్లో అమెరికా (America)లో వారు ఏ పని చేయకపోయినా ఉండవచ్చును. ఇప్పటి వరకు ఉన్న నిబంధల ప్రకారం. అయితే ఇప్పుడు వారిపై కూడా చర్యలు మొదలుపెట్టింది అమెరికా డిపార్ట్మెంట్ ఆఫ్ హోమ్ల్యాండ్ సెక్యూరిటీ.
ఇకపై గ్రేస్ పిరియడ్లో ఉన్నా ఇంటికే పయనం..
గ్రేస్ పిరియడ్లో ఉన్న హెచ్-1బీ వీసాదారులకు (H-1B visa) నోటీసు టు అప్పియర్ను పంపిస్తోంది యుఎస్ పౌరసత్వం అండ్ ఇమ్మిగ్రేషన్ సర్వీసెస్ (Immigration Services). దీనినే ఎన్డీఎ అంటారు. ఇది దేశ బహిష్కరణలో మొదటిచర్య. మామూలుగా అయితే దీనిని యూఎస్లో చట్టవిరుద్ధంగా ఉంటున్నవారికి పంపిస్తారు. ఇప్పుడు ఇది వీసాస్థితి మార్పు దరఖాస్తులు పెండింగ్ లో ఉన్న వారికి కూడా అందుతోంది. ఒకసారి ఎన్టిఎ అందితే హెచ్ -1బి వీసాదారులు వీసా సమయ పరిమితి మరింత పెరుగుతుంది. అదే కాక గ్రీన్కార్డ్ రావడం కూడా కష్టమౌతుంది. భవిష్యత్తులో అమెరికాలో ప్రవేశించకుండా 3 నుంచి 10 ఏళ్ల నిషేధం కూడా విధించే అవకాశాలు ఉంటాయి.
రూల్స్ అన్నీ పక్కన పెట్టేసిన అధికారులు
స్టేటస్ మార్పు కోసం దరఖాస్తును 60 రోజుల గ్రేస్ పీరియడ్లోపు చేయవచ్చు. ఈలోపు ఎన్డీఎ పంపకూడదు. దరఖాస్తుపై నిర్ణయం వచ్చేవరకు వెయిట్ చేయాలి. కానీ ఇప్పుడు యుఎస్ సిఐఎస్ ఈ రూల్స్ అన్నింటిని పక్కన పెట్టేసింది. గ్రేస్ పిరియడ్లో ఉంటే చాలు నోటీసులు అప్పియర్ను పంపించేస్తోంది. దీంతో హెచ్-1బీ వీసా హోల్డర్లు వారి 1:539 (స్టేటస్ మూర్పు కోసం దరఖాస్తు) పెండింగ్ లో ఉన్న సమయంలో ఎన్టిఎ పొందుతున్నారు .
Read hindi news: hindi.vaartha.com
Read also: Modi: అందరి చూపు ప్రధాని మోదీ మాల్దీవుల పర్యటనపైనే..
