భారత సైన్యం పట్ల గౌరవాన్ని కలిగించే మరో అద్భుతమైన అభివృద్ధి చోటు చేసుకుంది. దేశానికి రక్షణగా, అత్యంత కఠిన భౌగోళిక పరిస్థితుల్లో సేవలందిస్తున్న సైనికులకు డిజిటల్ ప్రపంచంలోకి ప్రవేశించేందుకు దారితీసే నూతన కార్యాచరణ ప్రారంభమైంది. లడఖ్, సియాచిన్, గల్వాన్ వంటి భూభాగాల్లో సేవలందిస్తున్న భారత సైనికులకు 4G, 5G మొబైల్ కనెక్టివిటీ ఇప్పుడు అందుబాటులోకి వచ్చింది. ఇది వారి భద్రతా విధుల్లో మానసిక ధైర్యాన్ని పెంచడమే కాకుండా, దేశంలో డిజిటల్ విప్లవాన్ని సరిహద్దుల్లోకి తీసుకువచ్చే చారిత్రాత్మక మైలురాయిగా నిలిచింది.
సైనికుల కోసం డిజిటల్ విప్లవం
18,వేల అడుగుల ఎత్తులో పనిచేస్తున్న సైనికులకు ప్రస్తుతం ఉన్న మౌలిక సదుపాయాలు పరిమితంగా ఉండటమే కాకుండా, కుటుంబ సభ్యులతో సంబంధం కొనసాగించడంలో కూడా అసాధ్యమే. కానీ ఇప్పుడు, గల్వాన్, డౌలత్ బేగ్ ఓల్డీ, డెమ్చోక్, చుమార్, ద్రాస్, బటాలిక్, సియాచిన్ వంటి ప్రదేశాల్లో 4G, 5G టవర్లను ఏర్పాటు చేయడం ద్వారా ఈ సమస్యలకు తెరపడింది. ఇదే కాదు, మారుమూల గ్రామాలైన ‘ఫస్ట్ విలేజెస్’ కు కూడా ఈ టెక్నాలజీ చేరడం ద్వారా స్థానికులు కూడా నూతన అవకాశాలను పొందనున్నారు. తూర్పు లడఖ్, పశ్చిమ లడఖ్, సియాచిన్ హిమానీనదంలోని ముందు స్థానాలతో సహా లడఖ్లోని మారుమూల ఎత్తైన ప్రాంతాలలో డిజిటల్ అంతరాన్ని తగ్గించడం, మారుమూల కమ్యూనిటీలకు సాధికారత కల్పించడంలో ఇది ఒక పరివర్తనాత్మక ముందడుగు అని భారత సైన్యం అభివర్ణించింది. ప్రపంచంలోనే ఎత్తైన యుద్ధభూమి అయిన సియాచిన్ గ్లేసియర్పై 5G మొబైల్ టవర్ను విజయవంతంగా ఏర్పాటు చేయడం ఒక చారిత్రాత్మక మైలురాయి అని జమ్మూకు చెందిన రక్షణ మంత్రిత్వ శాఖ PRO లెఫ్టినెంట్ కల్నల్ సునీల్ బార్త్వాల్ ఒక ప్రకటనలో తెలిపారు. ఇదంతా భారత ప్రభుత్వం ప్రత్యేక చొరవతో సాధ్యం అయింది. భారత సైన్యపు బలమైన ఆప్టికల్ ఫైబర్ కేబుల్ మౌలిక సదుపాయాలను ఉపయోగించుకుని టెలికాం సర్వీస్ ప్రొవైడర్లు (TSP) ఈ సేవలు అందిస్తున్నాయి.
ఈ సినర్జీని సాధ్యం చేయడంలో ఫైర్ అండ్ ఫ్యూరీ కార్ప్స్ ప్రముఖ పాత్ర పోషించిందని, ఫలితంగా ఆర్మీ మౌలిక సదుపాయాలపై బహుళ మొబైల్ టవర్లను ఏర్పాటు చేశారు. వీటిలో లడఖ్, కార్గిల్ జిల్లాల్లోనే నాలుగు కీలక టవర్లు ఉన్నాయి. ‘ఫస్ట్ విలేజెస్’ (సరిహద్దుల వెంబడి ఉన్నవి) ను జాతీయ డిజిటల్ నెట్వర్క్లో అనుసంధానించడం ద్వారా, ఈ ప్రయత్నం డిజిటల్ అంతరాన్ని తగ్గించడం, స్థానిక ఆర్థిక వ్యవస్థలను పెంచడం, సరిహద్దు పర్యాటకాన్ని ప్రోత్సహించడం, వైద్య సహాయం, అత్యవసర సేవలను మెరుగుపరచడం, విద్యా ప్రాప్తిని ప్రారంభించడం, స్థానిక వాణిజ్యాన్ని బలోపేతం చేయడం, సాంస్కృతిక వారసత్వాన్ని కాపాడటం, సరిహద్దు గ్రామాల నుండి వలసలను నిరోధించడంలో కీలక పాత్ర పోషించనుంది.
Read also: Omar Abdullah: ఢిల్లీ విమానాశ్రయ సేవలపై అసహనం వ్యక్తం చేసిన ఒమర్ అబ్దుల్లా
