ఇటీవల పారాలింపిక్స్‌లో పతకం సాధించి తెలుగు ప్రజల గర్వకారణంగా నిలిచిన దీప్తి జీవన్‌జీ, వరంగల్ జిల్లాలోని ఒక చిన్న గ్రామానికి చెందిన వ్యక్తి. తన విజయంతో దేశానికే గౌరవాన్ని తీసుకొచ్చిన ఆమె, తన కృషితో ప్రత్యేకమైన గుర్తింపు పొందింది.
పతకాన్ని గెలుచుకున్న తరువాత, ఆమె చిరంజీవి గారిని కలవాలనుకుంటుందని తెలిపింది. ఈ విషయం మెగాస్టార్‌కి తెలియజేయగానే, తనను కలిసేందుకు చిరంజీవి గారు ఆసక్తి వ్యక్తం చేశారు. “ఇంత గొప్ప విజయాన్ని సాధించిన వ్యక్తిని నేను కలవకుండా ఎలా ఉంటాను?” అని చిరంజీవి అన్నారు. చిరంజీవి స్వయంగా ఆమెను కలవడానికి ఆమె అకాడమీకి వెళ్లారు.
చిరంజీవి అకాడమీకి వెళ్లి దాదాపు రెండు గంటలపాటు పిల్లలతో మాట్లాడారు. ఆయన మాటలు, ప్రేరణ అందరికీ ప్రత్యేకమైన ఉత్సాహాన్ని ఇచ్చాయి. పారాలింపిక్స్ విజేతకు చిరంజీవి ఆర్థిక సహాయం
“చిరంజీవి గారు రూ. 3 లక్షలు విరాళంగా ప్రకటించడం మాకు ఎంతో గౌరవకరమైన విషయం. ఆయన ప్రోత్సాహంతో మరిన్ని ఔత్సాహిక క్రీడాకారులు క్రీడల్లో ఉన్నత స్థానాలను చేరుకోవాలని ఆశిస్తున్నాము,” అని ప్రఖ్యాత బ్యాడ్మింటన్ కోచ్ పుల్లేల గోపీచంద్ అన్నారు. గోపీచంద్ ప్రస్తుతం భారత జాతీయ బ్యాడ్మింటన్ జట్టుకు ప్రధాన కోచ్‌గా సేవలు అందిస్తున్నారు.