ముంబై ఇండియన్స్ జట్టు తన ప్రధాన ఆటగాళ్లలో ఐదుగురిని రిటైన్ చేసుకోవడంపై ఆల్‌రౌండర్ హార్దిక్ పాండ్యా ఆసక్తికరంగా స్పందించాడు ఈ జాబితాలో రోహిత్ శర్మ, జస్‌ప్రీత్ బుమ్రా, సూర్య కుమార్ యాదవ్, హార్దిక్ పాండ్యా, తిలక్ వర్మలు ఉన్నారు, వీరంతా ముంబై జట్టులో కీలక స్థానాలను ఆక్రమిస్తున్నారు
తన అభిప్రాయాన్ని వ్యక్తం చేస్తూ, హార్దిక్ పాండ్యా మాట్లాడుతూ తన క్రికెట్ ప్రయాణం ముంబై ఇండియన్స్‌తోనే ప్రారంభమైందని, తన ప్రగతి మరియు విజయాలకు ఈ జట్టుతో అటు గాఢమైన అనుబంధం ఉందని చెప్పాడు. తనను మళ్లీ రిటైన్ చేసుకోవడం పట్ల తన ఆనందాన్ని వ్యక్తం చేస్తూ, ముంబై యాజమాన్యం తనను ఎల్లప్పుడూ ఎంతగానో ఆదరిస్తుందని, వారి ప్రేమ తనకు ఎంతో విలువైనదని చెప్పాడు ప్రతి ఏడాది కొత్తగా జట్టుకు సేవలు అందించడంలో తనకు ప్రత్యేకమైన ఉత్సాహం ఉంటుందని, మళ్లీ ముంబై ఇండియన్స్ తరఫున ఆడటానికి అవకాశం లభించడం తనకెంతో సంతోషాన్నిచ్చిందని అభిప్రాయపడ్డాడు.
తన జట్టు సభ్యుల మధ్య ఉన్న అనుబంధం గురించి చెప్పిన హార్దిక్, 2013, 2015, 2017, 2019, 2020ల్లో తమ ఐదుగురం కలిసి జట్టును బలోపేతం చేసిన సంగతులను గుర్తు చేశాడు. 2025లో కూడా తాము మరింత బలంగా, సమష్టిగా తిరిగి వస్తామని నమ్మకం వ్యక్తం చేశాడు. ముంబై ఇండియన్స్‌లో ఉన్న అనుభవాలు తమకు ఒకే ఒక్క కుటుంబం లాంటివి అని, తాము ఐదు వేళ్ల మాదిరిగా వేరువేరు వ్యక్తులుగా ఉన్నప్పటికీ పిడికిలి బిగించేలా కలిసి ఉంటామని పేర్కొన్నాడు. తమ మధ్య ఉన్న సోదర ప్రేమ, స్నేహం ఎల్లకాలం ఇలానే కొనసాగుతుందని హార్దిక్ ఆశాభావం వ్యక్తం చేశాడు.