ఇటీవల OTT వేదికలపై క్రైమ్ థ్రిల్లర్లు, సస్పెన్స్ థ్రిల్లర్లు, హారర్ థ్రిల్లర్లు ప్రేక్షకులను ప్రధానంగా ఆకట్టుకున్నాయి. ఈసారి వాటికి భిన్నంగా ‘స్క్రీన్ లైఫ్ థ్రిల్లర్’ అనే కొత్త జానర్‌లో వచ్చిన సినిమా ‘CTRL’. ఈ సినిమా అనన్య పాండే ప్రధాన పాత్రలో నటించగా, నెట్‌ఫ్లిక్స్ వేదికగా తెలుగు సహా ఇతర భాషల్లో అక్టోబర్ 4న విడుదలైంది. ఈ కథలో సాంకేతికత, ప్రేమ, ఎమోషన్, రహస్యాలు కలగలసి ప్రేక్షకులను ఏ మేరకు ఆకట్టుకున్నాయో తెలుసుకుందాం.
కథ నాయిక ‘నెల్లా’ (అనన్య పాండే) ఒక ప్రఖ్యాత సోషల్ మీడియా ఇన్‌ఫ్ల్యూయెన్సర్. ఆమె కంటే పెద్ద ఇన్‌ఫ్ల్యూయెన్సర్ జో (విహాన్ సమత్)తో స్నేహం చేస్తూ, వారి స్నేహం ప్రేమగా మారుతుంది. జోతో కలిసి నెల్లా ప్రతి క్షణాన్ని ఆనందంగా గడుపుతుంది. ఆ క్షణాలను సోషల్ మీడియా వేదికగా పంచుకుంటూ, వారు తమ జీవితాలను ఎంతో హ్యాపీగా కొనసాగిస్తారు. కానీ అనుకోని ఒక సంఘటన వారి అనుబంధానికి ముడిపడిన ప్రతి సంబంధాన్ని తారుమారుచేస్తుంది. జో తనకంటే వేరే యువతితో సన్నిహితంగా ఉండడం చూసిన నెల్లా అతనిపై కోపంతో విరుచుకుపడుతుంది.జోపై రగిలిన కోపం కారణంగా, నెల్లా అతనికి దూరంగా ఉండటానికి ప్రయత్నిస్తుంది. తన ఒంటరితనంతో పోరాడుతూ, ఆమె ‘మంత్ర AI’ అనే ఒక కొత్త ఆర్టిఫిషియల్ ఇంటెలిజెన్స్ (AI) టెక్నాలజీని ఉపయోగిస్తుంది. ‘మంత్ర’లో ఆమె తనకు నచ్చిన ప్రొఫైల్‌ను క్రియేట్ చేసుకుని, తన భావాలను స్క్రీన్ పై ఉన్న ఆ రూపంతో పంచుకుంటుంది. ఈ సమయంలో జో నెల్లా ఇంటికి వచ్చి, ఆమెతో అత్యవసరంగా మాట్లాడాలనుకుంటాడు. కానీ కోపంతో మండుతున్న నెల్లా అతన్ని ఎవరైనా అనుకుని బయటకు పంపివేస్తుంది.
జో కనిపించకుండా పోవడం కథకు ఊహించని మలుపు ఇస్తుంది. అతనికి ఏదో జరిగినట్లు అనుమానపడిన నెల్లా, అతన్ని సంప్రదించేందుకు అనేక ప్రయత్నాలు చేస్తుంది. చివరికి జో చనిపోయాడన్న వార్త ఆమెను షాక్‌కు గురిచేస్తుంది. అతను ఎలా చనిపోయాడో, ఎందుకు చనిపోయాడో తెలుసుకోవాలనే ఆసక్తి నెల్లాలో పెరుగుతుంది.తన దర్యాప్తు కొనసాగించగా, నెల్లా జో రికార్డ్ చేసిన ఒక సెల్ఫీ వీడియోను కనుగొంటుంది. ఆ వీడియోలో, జో ‘మంత్ర’ అనే యాప్ వెనుక దాగిన అబద్ధాలను వెల్లడిస్తాడు. ఆ యాప్ వలన వ్యక్తులు తమ వ్యక్తిగత సమాచారాన్ని ప్రమాదకరంగా పంచుకుంటున్నారనే విషయం జోకు అర్థమవుతుంది. అతను తన స్నేహితుడితో కలిసి ‘మంత్ర’ యాప్ వెనుక ఉన్న కుట్రను కనుక్కొన్నట్లు చెబుతాడు. ఆ దానివల్ల తన స్నేహితుడిని చంపేశారనీ, తన ప్రాణాలపైనా ప్రమాదం ఉందనీ జో వెల్లడిస్తాడు.
జో చేసిన ఆ సెల్ఫీ వీడియోతో నెల్లా కంగారులో పడుతుంది. ‘మంత్ర’ యాప్ మోసం ఏకంగా తన జీవితాన్ని ఎలా ముంచేస్తుందనే ఆలోచన ఆమెను వెంటాడుతుంది. తన ప్రియమైన వ్యక్తిని కోల్పోవడానికి కారణమైన ఈ యాప్ గురించి మరింత తెలుసుకోవడం కోసం ఆమె వెనకడుగు వేయదు. ఈ యాప్ ఆపరేషన్ల వెనుక ఉన్న డార్క్ రహస్యాలు బయటపెట్టాలని ఆమె సంకల్పిస్తుంది.’CTRL’ సినిమా సోషల్ మీడియా ఇన్‌ఫ్లూయెన్సర్ల జీవితాలపై ఆధారపడిన కథ. టెక్నాలజీ వారి జీవితాల్లో ఎలా ప్రభావం చూపిస్తుందో అనేది ప్రధానంగా చూపించబడింది. ప్రతి కొత్త టెక్నాలజీ, ముఖ్యంగా ఆర్టిఫిషియల్ ఇంటెలిజెన్స్ (AI), వారి సాంకేతిక పరిజ్ఞానం మన జీవన విధానాన్ని ఎలా నియంత్రిస్తుందో స్పష్టంగా చూపిస్తుంది. అనుకోకుండా AI ఆధారిత యాప్స్ మన వ్యక్తిగత సమాచారాన్ని ఎలా దుర్వినియోగం చేస్తాయో, భవిష్యత్తులో ఇవి మన జీవితాలకు పెనుభూతికావో చర్చకు తెరతీస్తుంది.
దర్శకుడు కథను రెండు ప్రధాన పాత్రల చుట్టూ సవ్యంగా మలిచారు. AI టెక్నాలజీ ఎలా మన జీవితాల్లోకి చొరబడిందో స్పష్టంగా చూపించడంలో ఆయన విజయవంతమయ్యారు. AI అనేది కేవలం వినోదం కాదని, ఇది మన జీవితాన్ని మారుస్తుందన్న ఆలోచన ఈ సినిమా ప్రధాన బలంగా నిలుస్తుంది. ముఖ్యంగా ఈ కథ ‘యూత్’ను టార్గెట్ చేస్తూ రూపొందించబడింది.
నటీనటులు మరియు సాంకేతిక విభాగం
అనన్య పాండే ఈ చిత్రంలో తన నటనతో మెప్పించింది. ప్రధాన కథను ఆమె తన నేటివ్ ఎక్స్‌ప్రెషన్స్‌తో ముందుకు నడిపించింది. విజువల్ ఎఫెక్ట్స్ కూడా సినిమాను మెరుగుపరిచాయి. ప్రతీక్ షా ఫోటోగ్రఫీ సినిమాకి మంచి సహకారం అందించింది. స్నేహా ఖన్వాల్కర్ నేపథ్య సంగీతం కాస్త అధ్వాన్నం అని చెప్పినా, కథను మోస్తుంది. జహాన్ ఎడిటింగ్ క్లిష్టమైన సన్నివేశాలను హైలైట్ చేయడంలో విజయవంతమైంది.
‘CTRL’ సినిమా కొత్త తరహాలో వచ్చిన స్క్రీన్ లైఫ్ థ్రిల్లర్. ఇది మామూలు లవ్ స్టోరీ లేదా రొమాంటిక్ డ్రామా కాదు. సాంకేతికత మన జీవితాలను ఎలా ప్రభావితం చేస్తుందన్నదే ఈ కథ. సోషల్ మీడియా ఆధారపడి జీవిస్తున్న యువతను ఈ సినిమా ఆకట్టుకుంటుంది.
