న్యూఢిల్లీ: కాంగ్రస్ పార్టీ ప్రధాన కార్యదర్శి ప్రియాంకా గాంధీ ఇటీవల వయనాడ్ లోక్‌సభ స్థానం కోసం నామినేషన్‌ దాఖలు చేశారు. రాహుల్ గాంధీ రాజీనామాతో జరుగుతున్న ఉప ఎన్నికల్లో ప్రియాంకా గాంధీ ప్రత్యక్షంగా పోటీ చేస్తారు. ఈ నేపథ్యంలో, ఆమె వయనాడ్ ప్రజలకు ఒక భావోద్వేగపూరిత సందేశం పంపించారు. ఎన్నికల పోటీ కొత్తగా ఉండవచ్చు కానీ, ప్రజల కోసం పోరాడటం తనకు కొత్త కాదని తెలిపారు.
“కొన్ని నెలల క్రితం, నేను మరియు నా సోదరుడు రాహుల్ కలిసి మండక్కై మరియు చూరాల్‌మల ప్రాంతాలకు వెళ్లాం. ప్రకృతి కారణంగా సంభవించిన విపత్తు, మీరు ఎదుర్కొన్న కష్టాలు, ఆవేదనను నేను దగ్గర నుంచి చూశాను. పిల్లలను కోల్పోయిన తల్లుల బాధ, కుటుంబాన్ని కోల్పోయిన చిన్నారుల దుఃఖం మన్నించలేనిది. ఆ చీకటి కాలంలో మీరు చూపించిన ధైర్యం, మీ పోరాటం స్ఫూర్తిదాయకంగా ఉంది. మీకు ప్రాతినిధ్యం వహించేందుకు అవకాశం రావడం నాకు గౌరవంగా ఉంది” అని ప్రియాంకా అన్నారు.
“నా సోదరుడికి మీరు చూపించిన ప్రేమ, మీరంతా నాకు కూడా చూపించాలని కోరుకుంటున్నాను. చట్టసభలో మీ గొంతు వినిపించేందుకు అవకాశం ఇవ్వాలని ఆశిస్తున్నాను. పిల్లల భవిష్యత్తు, మహిళల సంక్షేమం కోసం నా శక్తి శీలంగా కృషి చేస్తానని మాటిస్తున్నాను. ప్రజల తరఫున పోరాడటం నాకు కొత్త కాదు, కానీ ఈ ప్రయాణం నాకు కొత్తగా అనిపిస్తుంది. మీరందరూ నాకు మార్గదర్శకంగా ఉండాలని ఆశిస్తున్నాను” అని ఆమె జోడించారు.
ఇటీవల జరిగిన లోక్‌సభ ఎన్నికల్లో, రాహుల్ గాంధీ 3.6 లక్షల ఓట్ల మెజార్టీతో సీపీఐ నాయకురాలు అన్నీరాజాపై విజయం సాధించారు. ఆయన రాజీనామాతో జరుగుతున్న ఉప ఎన్నికలో ప్రియాంకా గాంధీ కాంగ్రెస్‌ తరఫున పోటీ చేస్తున్నారు. కేరళలో పాలక్కాడ్, చెలక్కర అసెంబ్లీ స్థానాలతో పాటు వయనాడ్‌లో నవంబర్ 13న ఉప ఎన్నిక జరగనుంది. ఫలితాలు నవంబర్ 23న విడుదల కానున్నాయి.
తిరుపతిలో నిన్న జరిగిన తొక్కిసలాట ఘటనపై సీఎం చంద్రబాబు నాయుడు తీవ్ర ఆగ్రహం వ్యక్తం చేశారు. ఈ ఘటనలో బాధ్యతారాహిత్యంగా వ్యవహరించిన అధికారులపై చర్యలు తీసుకోవాలని నిర్ణయించారు. Read more
చాలా కాలంగా దేశీయ ఐటీ సేవల కంపెనీలు తమ ఉద్యోగులకు వేతన పెంపులతో పాటు బోనస్ ప్రకటన గురించి కీలక సమాచారాన్ని అధికారికంగా పంచుకుంటున్నాయి. ఇప్పటికే ఇన్ఫోసిస్, Read more
హైదరాబాద్‌: తెలంగాణ బోర్డ్‌ ఆఫ్‌ సెకండరీ ఎడ్యుకేషన్‌.. పదో తరగతి పరీక్షల హాల్ టికెట్లను ఇవాళ వెబ్‌సైటులో అందుబాటులోకి తీసుకురానుంది. https://bse.telangana.gov.in/ సైట్‌లో విద్యార్థులు లాగిన్‌ అయి Read more
డెన్మార్క్‌కు చరిత్రాత్మక విజయాన్ని తీసుకువచ్చిన 21 ఏళ్ల విక్టోరియా క్జెర్ థియల్‌విగ, మిస్ యూనివర్స్ 2024 పోటీలో విజేతగా నిలిచారు. మెక్సికోలో జరిగిన ఈ ప్రతిష్టాత్మక పోటీలో Read more