పవర్‌స్టార్ పవన్ కళ్యాణ్ ప్రధాన పాత్రలో నటిస్తున్న ‘హరహర వీరమల్లు’ సినిమా గురించి హోలీ పండుగ సందర్భంగా మేకర్స్ ఓ బిగ్ అప్‌డేట్‌ను ప్రకటించారు. ఈ చిత్రానికి సంబంధించి కొత్త విడుదల తేదీని వెల్లడించారు. ముందుగా ప్రకటించిన మార్చి 28 విడుదల తేదీని మారుస్తూ, మే 9, 2025న సినిమాను థియేటర్లలో రిలీజ్ చేయనున్నట్లు చిత్రబృందం ప్రకటించింది.
ముందుగా 2025 మార్చి 28న ఈ చిత్రాన్ని విడుదల చేయనున్నట్లు చిత్రయూనిట్ ప్రకటించినా, కొన్ని పోస్ట్ ప్రొడక్షన్ పనుల కారణంగా తాజా నిర్ణయం తీసుకున్నట్లు తెలుస్తోంది. భారీ విజువల్ ఎఫెక్ట్స్, గ్రాండ్ యాక్షన్ సీక్వెన్స్‌లు ఉన్న ఈ సినిమా పనులను మరింత మెరుగుపరిచేలా మేకర్స్ కృషి చేస్తున్నారు. అందుకే సినిమాను వేసవిలో ప్రేక్షకుల ముందుకు తీసుకురానున్నారు. నూతన రిలీజ్ డేట్ ప్రకటిస్తూ హోలీ స్పెషల్ పోస్టర్‌ను కూడా విడుదల చేశారు. ఈ కొత్త పోస్టర్‌లో పవన్ కళ్యాణ్, కథానాయిక నిధి అగర్వాల్ గుర్రపు స్వారీ చేస్తూ పవర్‌ఫుల్ లుక్‌లో కనిపించారు. ఈ పోస్టర్‌తో చిత్రబృందం పవన్ ఫ్యాన్స్‌కి, సినీ ప్రేక్షకులకు హోలీ శుభాకాంక్షలు తెలియజేశారు. ఈ చిత్రం 17వ శతాబ్దంలో మఘల్, కుతుబ్‌షాహి పాలన నేపథ్యంలో రొమాంచకమైన కథతో తెరకెక్కుతోంది. మెగా సూర్య ప్రొడక్షన్స్ పతాకంపై ఏ.దయాకర్ రావు ఈ చిత్రాన్ని నిర్మిస్తుండగా, ప్రముఖ దర్శకుడు క్రిష్ జాగర్లమూడి దర్శకత్వం వహిస్తున్నారు. ఆస్కార్ అవార్డు గ్రహీత ఎం.ఎం. కీరవాణి స్వరాలు అందిస్తున్న ఈ సినిమా రెండు భాగాలుగా రూపొందనుంది.
మూవీపై భారీ అంచనాలు!
పవన్ కళ్యాణ్ ఈ సినిమాలో అవంతి యోధుడిగా ఓ పవర్‌ఫుల్ పాత్రలో కనిపించనున్నారు. ఈ సినిమా విడుదలకు ఇంకా రెండు నెలల సమయం ఉన్నప్పటికీ, అభిమానుల్లో ఇప్పటికే భారీ అంచనాలు నెలకొన్నాయి. ఫస్ట్ లుక్, టీజర్‌కి అదిరిపోయే రెస్పాన్స్ రావడంతో, ఇప్పుడు విడుదల తేదీ మార్పుపై మిక్స్‌డ్ రియాక్షన్స్ వ్యక్తమవుతున్నాయి. అయితే, భారీ బడ్జెట్, గ్రాండ్ విజువల్స్‌తో ప్రేక్షకుల్ని విశేషంగా అలరించే సినిమా కానుందనే నమ్మకం ఉందని మేకర్స్ చెబుతున్నారు.
హీరో: పవన్ కళ్యాణ్
హీరోయిన్: నిధి అగర్వాల్
ప్రధాన పాత్రలు: బాలీవుడ్ నటుడు బాబీ డియోల్, నర్గీస్ ఫక్రీ, నోరా ఫతేహి, సునీల్ తదితరులు
సంగీతం: ఎం.ఎం. కీరవాణి
దర్శకత్వం: క్రిష్ జాగర్లమూడి
నిర్మాణం: మెగా సూర్య ప్రొడక్షన్స్
హరహర వీరమల్లు నుంచి త్వరలో టీజర్, ట్రైలర్
తాజా సమాచారం ప్రకారం, ఏప్రిల్ మూడో వారంలో మేకర్స్ టీజర్ విడుదల చేయనున్నారు. ఇక ట్రైలర్‌ను మే మొదటి వారంలో రిలీజ్ చేసే అవకాశం ఉంది.
The battle is set, and the fight for JUSTICE and DHARMA will be unstoppable!
— Hari Hara Veera Mallu (@HHVMFilm) March 14, 2025#HariHaraVeeraMallu charges into battle at breakneck speed, and NOTHING will alter the hunt this time.
A saga of valor is all set to ignite the screens on May 9th, 2025
A POWER-PACKED… pic.twitter.com/BOE4mmmbXY
బ్రహ్మ ఆనందం' – ఫస్ట్ డే కలెక్షన్స్ విశేషాలు బ్రహ్మ ఆనందం" సినిమా మూవీ అంచనా ప్రకారం 10 CR చేయొచ్చు అని మూవీ మేకర్స్ చెప్తున్నారు. Read more
జూనియర్ ఎన్టీఆర్ నటించిన సూపర్ హిట్ చిత్రాల్లో "ఊసరవెల్లి" ఒకటి. స్టైలిష్ మేకింగ్‌కి ప్రసిద్ధి చెందిన సురేందర్ రెడ్డి దర్శకత్వంలో రూపొందిన ఈ చిత్రం, ఎన్టీఆర్ అభిమానులతో Read more
అత్యంత పాపులర్ టాలీవుడ్ హీరో విజయ్ దేవరకొండ గురించి ప్రత్యేకంగా చెప్పాల్సిన అవసరం లేదు. అతని క్రేజ్ తెలుగు సినీ ఇండస్ట్రీలో అమితమైనది. తక్కువ సినిమాలు చేసినప్పటికీ, Read more
నాలుగోవరోజు టోటల్ కలెక్షన్స్ 14.84 Cr ‘కోర్ట్: స్టేట్ వర్సెస్ ఏ నోబడీ’ 2025 మార్చి 14న విడుదలైన ఒక ఆసక్తికరమైన తెలుగు కోర్ట్ రూం డ్రామా. Read more