చర్చల ద్వారానే పరిష్కారం
Bhatti Vikramarka : ఆర్టీసీ కార్మికుల సమస్యలపై చర్చల ద్వారా పరిష్కారం కనుగొనాలని తెలంగాణ డిప్యూటీ సీఎం భట్టి విక్రమార్క సూచించారు. సచివాలయంలో మంత్రుల బృందంతో కలిసి జేఏసీ నేతలతో సమావేశమై, సమస్యలు ఎంత క్లిష్టమైనా చర్చల ద్వారానే పరిష్కరించుకోవాలని అన్నారు. ప్రాణాలు తీసుకోవడం సరైన మార్గం కాదని హితవు పలికారు.
డ్రైవర్ మృతి పట్ల సంతాపం
ఆర్టీసీ డ్రైవర్ శంకర్ గౌడ్ మృతి పట్ల భట్టి తీవ్ర సంతాపం వ్యక్తం చేశారు. గతంలో కార్మికుల పట్ల కఠిన వైఖరి ఉండేదని, కానీ ప్రస్తుత ప్రభుత్వం అలా వ్యవహరించదని స్పష్టం చేశారు. ఈ ఘటనతో ప్రభుత్వం బాధపడుతోందని, కార్మికుల సమస్యలను సానుకూలంగా పరిష్కరించేందుకు కట్టుబడి ఉన్నామని తెలిపారు.
Read Also: France Visa Update: వీసా బాధలు ఇక లేవు: భారతీయుల కోసం ఫ్రాన్స్ కీలక నిర్ణయం!
కార్మికుల సమస్యల పరిష్కారంపై హామీ
ఆర్టీసీని బలోపేతం చేసి, కార్మికుల సమస్యలను త్వరితగతిన పరిష్కరించేందుకు చర్యలు తీసుకుంటామని భట్టి విక్రమార్క హామీ ఇచ్చారు. ప్రభుత్వం ప్రజా ప్రభుత్వం అని, ఎవరినీ శత్రువులుగా చూడబోమని చెప్పారు. భవిష్యత్తులో ఇలాంటి ఘటనలు పునరావృతం కాకుండా చర్యలు తీసుకుంటామని తెలిపారు.
Read Also hindi news: hindi.vaartha.com
Epaper : epaper.vaartha.com
Read Also
