ప్రభాస్ హీరోగా సందీప్ రెడ్డి వంగా దర్శకత్వంలో రూపొందనున్న ‘స్పిరిట్ సినిమాపై భారీ అంచనాలు నెలకొన్నాయి. తాజాగా ఈ సినిమాలో సీతారామం ఫేమ్ నటి మృణాల్ ఠాకూర్ హీరోయిన్‌గా నటించబోతున్నారని..అలాగే సైఫ్ అలీఖాన్, కరీనా కపూర్ కీలక పాత్రల్లో కనిపించనున్నారని బాలీవుడ్ మీడియాలో వార్తలు చక్కర్లు కొడుతున్నాయి. ఈ వార్తలపై చిత్ర బృందం స్పష్టతనిచ్చింది. మృణాల్ ఠాకూర్, సైఫ్ అలీఖాన్, కరీనా కపూర్ నటించబోతున్నారని ప్రచారం అవుతున్న మాట నిజం కాదని, ఈ ముగ్గురిలో ఎవరితోనూ ఇంకా చర్చలు జరగలేదని వెల్లడించింది. ప్రస్తుతం తారాగణం ఎంపిక దశలో ఉందని, త్వరలో అధికారిక ప్రకటన చేయనున్నామని సినిమా టీమ్ తెలిపింది.
ప్రభాస్ ఈ సినిమాలో పవర్‌ఫుల్ పోలీస్ ఆఫీసర్ పాత్రలో కనిపించనున్నారన్న ఊహాగానాలు అభిమానుల్లో హైప్‌ను మరింత పెంచుతున్నాయి. స్పిరిట్ ప్రభాస్ కెరీర్‌లో 25వ సినిమా కావడంతో ఇది ప్రత్యేకతను సంతరించుకుంది. మృణాల్ ఠాకూర్ గతంలో తన అందం, నటనతో తెలుగు ప్రేక్షకులను ఆకట్టుకున్న నేపథ్యంలో ఆమె పేరు తెరపైకి రావడం పలు చర్చలకు దారి తీసింది. అయితే, సినిమా యూనిట్ ఇంకా తారాగణాన్ని ఖరారు చేయకపోవడంతో, అధికారిక ప్రకటన కోసం వేచి చూడాల్సిందే.
మృణాల్ విషయానికి వస్తే…
ప్రస్తుతం టాలీవుడ్‌లో కూడా స్టార్ హీరోయిన్‌గా మారుతోంది. మహారాష్ట్రలో జన్మించిన మృణాల్, మొదటిగా హిందీ టెలివిజన్ సీరియల్స్‌లో నటించి, తన కెరీర్‌ను ఆరంభించింది. కుమ్‌కుమ్ భాగ్య అనే ప్రముఖ హిందీ సీరియల్ ద్వారా ఆమెకు దేశవ్యాప్త గుర్తింపు లభించింది. సినీ రంగంలో మృణాల్ అడుగుపెట్టిన తర్వాత ఆమెకు అవకాశాలు వెల్లువెత్తాయి. లవ్ సోనియా అనే బాలీవుడ్ చిత్రంలో తన సహజమైన నటనతో విమర్శకుల ప్రశంసలు పొందింది. అనంతరం హృతిక్ రోషన్ సరసన సూపర్ 30 లో, షాహిద్ కపూర్‌తో జెర్సీ వంటి చిత్రాల్లో నటించి ప్రేక్షకులకు మరింత దగ్గరైంది. తెలుగులో మృణాల్ తొలిసారి నాని సరసన నటించిన సీతారామం సినిమాలో కనిపించింది. ఈ సినిమాలో ఆమె సీత పాత్రలో అద్భుతమైన నటనతో తెలుగు ప్రేక్షకుల హృదయాలను గెలుచుకుంది. ఈ చిత్రంతో మృణాల్‌కు టాలీవుడ్‌లో పెద్ద బ్రేక్ వచ్చింది. తర్వాత ఆమెకు తెలుగులో బిజీ గా మారింది.
న్యూఢిల్లీ: నేడు అనగా 19 నవంబర్ 2024, అంతర్జాతీయ పురుషుల దినోత్సవం జరుపుకుంటున్నారు. సమాజంలో పురుషుల సహకారాన్ని ప్రశంసించే లక్ష్యంతో అంతర్జాతీయ పురుషుల దినోత్సవాన్ని జరుపుకుంటారు. కుటుంబం, Read more
తమిళ స్టార్ హీరో విజయ్ తమిళ రాజకీయాల్లోకి ప్రవేశించడం తమిళనాడులో రాజకీయంగా పెద్ద సంచలనం రేపుతోంది. విజయ్ తన కొత్త రాజకీయ పార్టీ "తమిళగ వెట్రి కళగం" Read more
ముంబై : ప్రముఖ భారతీయ టైర్ తయారీదారు అయిన సియట్, వరల్డ్ ఎకనామిక్ ఫోరం (WEF) గ్లోబల్ లైట్‌హౌస్ నెట్‌వర్క్‌లో భాగంగా దాని చెన్నై ప్లాంట్ ద్వారా Read more
మహారాష్ట్రలో బీజేపీ విజయాన్ని జరుపుకోవడానికి కేంద్ర హోమ్ మంత్రి అమిత్ షా మరియు రక్షణ మంత్రి రాజ్‌నాథ్ సింగ్ ఢిల్లీలోని బీజేపీ ప్రధాన కార్యాలయానికి చేరుకున్నారు. ఈ Read more