తెలంగాణ రాష్ట్రంలో ఆర్థికంగా బలహీన వర్గాలకు ఇళ్ల సౌకర్యాన్ని అందించేందుకు ముఖ్యమంత్రి రేవంత్ రెడ్డి సర్కారు కసరత్తును ప్రారంభించింది. గతంలో బీఆర్ఎస్ ప్రభుత్వం నిర్మించిన డబుల్ బెడ్‌రూం ఇళ్లను ఇప్పుడు “ఇందిరమ్మ” పథకంలో భాగంగా ఎల్-2 (సొంత స్థలం లేని వారు) జాబితాలో ఉన్న లబ్ధిదారులకు కేటాయించేందుకు ముఖ్యమంత్రి రేవంత్ రెడ్డి చర్యలు తీసుకున్నాడు.
ఇందిరమ్మ పథకాన్ని ఏకీకృతంగా నిర్వహించడానికి ప్రభుత్వం జాబితాలను మూడు విభాగాలుగా విడగొట్టింది. ఎల్-1 (సొంత స్థలం ఉన్న వారు), ఎల్-2 (సొంత స్థలం లేని వారు), ఎల్-3 (ఇళ్లను ఇప్పటికే పరిగణించిన వారు) అని విభజించారు. ఇప్పుడు, రేవంత్ సర్కారు ఎల్-1 జాబితాలో సొంత స్థలం ఉన్న 21.93 లక్షల మంది లబ్ధిదారులను చేర్చారు. వీరందరికి ఇల్లు కట్టుకోవడానికి ప్రభుత్వం నాలుగు విడతల్లో రూ.5 లక్షల చొప్పున ఆర్థిక సాయం అందించనుంది. ఎల్-2 జాబితాలో ఉన్న 19.96 లక్షల మందిని గుర్తించారు. వీరికి వచ్చే ఆర్థిక సంవత్సరంలో ఖాళీ జాగాతో పాటుగా ఇంటి నిర్మాణానికి కావాల్సిన రూ.5 లక్షలు ఇవ్వాలని భావిస్తోంది.
బీఆర్ఎస్ ప్రభుత్వ గతంలో నిర్మించిన డబుల్ బెడ్‌రూం ఇళ్లు
మొత్తం, 80 వేల మందికి డబుల్ బెడ్‌రూం ఇళ్లు కేటాయించేందుకు అధికారులు ప్రణాళికలు చేస్తున్నట్లు సమాచారం. ఈ డబుల్ బెడ్‌రూం ఇళ్లు, బీఆర్ఎస్ ప్రభుత్వం గతంలో నిర్మించిన 2.36 లక్షల ఇళ్లలో భాగంగా వేర్వేరు దశల్లో ఉన్నాయి. వీటిలో 1.58 లక్షల ఇళ్లు పూర్తయి, 1.36 లక్షలకు పైగా ఇళ్లు పంపిణీ చేయబడ్డాయి. అయితే, ఇంకా కొన్ని ఇళ్ల నిర్మాణాలు మధ్యలోనే ఆగిపోయాయి.
ఈ క్రమంలో, బీఆర్ఎస్ సర్కారు రెండవ దశలో ఈ నిర్మాణాలు పూర్తి చేయడానికి కాంట్రాక్టర్లతో వివిధ చర్చలు జరుపుతోంది. కొంతమంది కాంట్రాక్టర్లు తమ బిల్లులు ఇంకా రాకపోవడంతో పనులు నిలిచిపోయాయి. ఇక, హౌసింగ్ బోర్డు వీళ్లతో కొత్తగా చర్చలు ప్రారంభించి, అవసరమైతే మరికొన్ని రాయితీలు ఇస్తూ, నిర్మాణాలను పూర్తి చేయాలని భావిస్తోంది.
అయితే, ఈ నిర్మాణాలు కొన్నిరోజుల్లో ప్రారంభం అవుతాయని, అప్పుడు అవి మరింత వేగంగా పూర్తవుతాయని భావిస్తున్నారు.
ఇందిరమ్మ పథకంలో ఎల్-2 జాబితా: ఎవరికీ ఇళ్ల కేటాయింపు?
ఎల్-2 కేటగిరిలో పెద్దఎత్తున అఫ్లికేషన్లు ఉండడంతో ఈ ఇండ్లను కేటాయిస్తే కొంతమేర ఆర్థిక భారం కూడా తగ్గే ఛాన్స్ ఉందని సర్కార్ భావిస్తోంది. ఇందులో భాగంగా నియోజకవర్గాల వారీగా మధ్యలో ఆగిపోయిన, పూర్తయిన ఇండ్ల సమాచారాన్ని ప్రభుత్వం సేకరించింది. అక్కడక్కడ డబుల్ బెడ్ రూం ఇండ్లకు లబ్ధిదారుల పేర్లను ప్రకటించినా వారికి కేటాయింపులు మాత్రం చేయలేదు. దీంతో మరోసారి పూర్తిస్థాయి విచారణ జరిపి వారు అర్హులైతే వారికే ఇండ్లను కేటాయించనున్నారు. వారికి కేటాయించగా.. మిగిలిపోయిన ఇళ్లను ఎల్-2 జాబితాలోని పేదలకు ఇచ్చేందుకు సర్కార్ కసరత్తు చేస్తోంది. గ్రామసభలు ఏర్పాటు చేసి నిబంధనల ప్రకారం లబ్ధిదారులను ఎంపిక చేయాలని సర్కార్ భావిస్తోంది.
తెలుగు రాష్ట్రాల్లో మద్యం ధరలకు రెక్కలు వచ్చాయి. ఈ ఆదాయంతోనే ప్రభుత్వాలు తమ మనుగడకు సాగించేలా వున్నాయి. తాజాగా తెలంగాణలో మద్యం ధరల పెంపుకు రంగం సిద్దమైంది. Read more
కర్ణాటకలో ఆర్టిసి టిక్కెట్ల ధరలలో 15 శాతం పెరుగుదల, హిమాచల్ ప్రదేశ్లో టాయిలెట్ పన్నును ప్రవేశపెట్టడాన్ని ఎత్తి చూపిన కేటీఆర్, ప్రజలపై అదనపు ఆర్థిక భారం మోపడానికి Read more
తెలుగు రాష్ట్రాల్లో బర్డ్ ఫ్లూ భయాలు పెరిగిపోయాయి. మొట్టమొదట ఆంధ్రప్రదేశ్‌లో నమోదైన కేసులు ఇప్పుడు తెలంగాణకూ విస్తరించాయి. కోళ్లు మృత్యువాత పడటంతో ప్రజలు తీవ్ర ఆందోళనకు గురవుతున్నారు. Read more
హైదరాబాద్ అశోక్ నగర్‌లో మరోసారి తీవ్ర ఉద్రిక్తత చోటు చేసుకుంది. గ్రూప్-1 మెయిన్స్ వాయిదా వేయాలని, జీవో 29ని రద్దు చేయాలని డిమాండ్ చేస్తూ పెద్ద సంఖ్యలో Read more