తెలంగాణలో కలకలం రేపుతున్న రంగారెడ్డి జిల్లా కంచ గచ్చిబౌలిలోని 400 ఎకరాల భూమి వివాదంపై రాష్ట్ర ప్రభుత్వం స్పందించింది. సుప్రీంకోర్టు మధ్యలోకి రావడంతో, రేవంత్ రెడ్డి నేతృత్వంలోని ప్రభుత్వం ఈ అంశాన్ని పరిష్కరించేందుకు కీలక చర్యలు చేపట్టింది. భూమి వ్యవహారంపై స్పష్టత తీసుకురావడానికి మంత్రులతో కూడిన ప్రత్యేక కమిటీ ఏర్పాటు చేసింది. ఈ కమిటీలో డిప్యూటీ సీఎం మల్లు భట్టి విక్రమార్క, మంత్రులు శ్రీధర్ బాబు, పొంగులేటి శ్రీనివాస్ రెడ్డి సభ్యులుగా ఉన్నారు.
హెచ్సీయూ అధికారులతో సంప్రదింపులు జరగనున్న కమిటీ
ఈ త్రిసభ్య కమిటీ హైదరాబాద్ సెంట్రల్ యూనివర్సిటీ (HCU) అధికారులు, విద్యార్థులు, ప్రజా సంఘాలతో సమావేశమవుతూ వారి అభిప్రాయాలు తెలుసుకోనుంది. ప్రభుత్వం చేపట్టే అభివృద్ధి కార్యక్రమాలపై స్పష్టత ఇవ్వడమే కాకుండా, ఎవరికీ అభ్యంతరాలు లేకుండా వివాదాన్ని పరిష్కరించడమే లక్ష్యంగా సర్కార్ ముందడుగు వేసింది. ప్రజా సంఘాల ఆందోళనలు, విద్యార్థుల నిరసనలు దృష్టిలో ఉంచుకొని ప్రభుత్వం ఈ సంప్రదింపుల మార్గాన్ని ఎంచుకుంది.
విద్యార్థులు, పర్యావరణవేత్తల అభ్యంతరాలు
విద్యార్థులు, పర్యావరణవేత్తలు ఈ భూమిని గతంలో హెచ్సీయూకి కేటాయించారని ఆరోపిస్తున్నారు. కానీ ప్రభుత్వం మాత్రం ఇది ప్రభుత్వ భూమి అని స్పష్టం చేస్తోంది. టెక్ సిటీగా అభివృద్ధి చేయాలన్న ఉద్దేశంతో ప్రైవేట్ సంస్థలకు భూములు కేటాయించేందుకు చర్యలు చేపడుతోంది. దీనికి వ్యతిరేకంగా విద్యార్థులు, పర్యావరణవేత్తలు, ప్రజా సంఘాలు పెద్ద ఎత్తున నిరసనలు నిర్వహిస్తున్నాయి. ఈ నేపథ్యంలో భూమి వివాదం రాజకీయంగానూ తీవ్ర దుమారం రేపుతోంది.
కోర్టుల ఆదేశాలతో సర్కార్ ఒత్తిడిలో
ఇప్పటికే సుప్రీంకోర్టు ఈ వివాదంపై తీవ్ర అసంతృప్తి వ్యక్తం చేస్తూ, చెట్ల నరికి వేయడాన్ని తక్షణమే నిలిపివేయాలని ఆదేశించింది. ప్రభుత్వం చట్టాన్ని ఎలా చేతుల్లోకి తీసుకుంటుందని ప్రశ్నించింది. రాష్ట్ర ప్రభుత్వ ప్రధాన కార్యదర్శి నుంచి అఫిడవిట్ కోరుతూ తదుపరి విచారణను ఏప్రిల్ 16కి వాయిదా వేసింది. హైకోర్టు రిజిస్ట్రార్‌ను భూముల పరిశీలనకు ఆదేశించడంతో ఈ వ్యవహారం మరింత సీరియస్‌గా మారింది. ఈ భూమి వ్యవహారం అభివృద్ధి పేరుతో ప్రకృతికి హాని చేస్తోందా? లేక వాస్తవంగానే ప్రజలకు మేలుకలిగించే ప్రాజెక్ట్ అనేది త్వరలో స్పష్టమవుతుందని విశ్లేషకులు అభిప్రాయపడుతున్నారు.
బీజేపీ నేత బండి సంజయ్ వ్యాఖ్యలపై టీపీసీసీ అధ్యక్షుడు మహేష్ కుమార్ గౌడ్ తీవ్రంగా స్పందించారు. బీసీలకు రిజర్వేషన్ల విషయంలో బండి సంజయ్‌కు నిజంగా దమ్ముంటే, ప్రధాని Read more
Software Engineer : ప్రాణాలు కాపాడిన సెల్ ఫోన్ వెలుగు! క్రికెట్ బెట్టింగ్‌లో లక్షల రూపాయలు కోల్పోయి ఆత్మహత్యకు ప్రయత్నించిన ఓ సాఫ్ట్‌వేర్ ఇంజినీర్ ప్రాణాలు ఊహించని Read more
మన తెలుగు అమ్మాయిలకు రెండు అర్జున పుర‌స్కారాలు లభించాయి.కేంద్రం ప్ర‌క‌టించిన జాతీయ క్రీడా పుర‌స్కారాల్లో తెలుగు తేజాలు ఇద్ద‌రు ఎంపిక‌య్యారు. అథ్లెటిక్స్ విభాగంలో య‌ర్రాజి జ్యోతి, పారా Read more
టీమ్ ఇండియా కెప్టెన్ రోహిత్ శర్మ మరోసారి తన పేలవ బ్యాటింగ్‌తో చరిత్ర సృష్టించాడు. ఐసీసీ వన్డే టోర్నమెంట్లలో అత్యధిక సిక్సర్లు కొట్టిన ఆటగాడిగా రోహిత్ రికార్డు Read more