ఇటీవల తెలంగాణ రాజకీయాల్లో రోజుకో సంచలనం చోటు చేసుకుంటోంది. అధికార కాంగ్రెస్ పార్టీ, ప్రతిపక్ష బీఆర్ఎస్, ఇతర పార్టీల నేతల మధ్య మాటల తూటాలు పేలుతున్న నేపథ్యంలో, రాష్ట్రంలో ఎప్పుడు ఏ రాజకీయం మలుపు తిరుగుతుందో చెప్పలేని పరిస్థితి నెలకొంది. ముఖ్యంగా 2024 అసెంబ్లీ ఎన్నికల తరువాత తెలంగాణ రాజకీయాలు వేడెక్కుతూనే ఉన్నాయి. ఈ క్రమంలో బీఆర్ఎస్ సీనియర్ నేత, మాజీ మంత్రి ఎర్రబెల్లి దయాకర్ రావు చేసిన సంచలన వ్యాఖ్యలు కొత్త చర్చకు తెరలేపాయి.మహబూబాబాద్ జిల్లా తొర్రూరు పట్టణంలో నిర్వహించిన పార్టీ సమావేశంలో పాల్గొన్న ఎర్రబెల్లి, సీఎం రేవంత్ రెడ్డి ప్రభుత్వాన్ని లక్ష్యంగా చేసుకుని షాకింగ్ కామెంట్లు చేశారు. ఆయన మాట్లాడుతూ, రేవంత్ రెడ్డి ప్రభుత్వానికి ప్రమాద ఘంటికలు మోగుతున్నాయని, కాంగ్రెస్ పార్టీలో అంతర్గత పెనుసంఘర్షణ నడుస్తోందని పేర్కొన్నారు. ముఖ్యంగా 25 మంది కాంగ్రెస్ ఎమ్మెల్యేలు కలసి రేవంత్ రెడ్డిని సీఎం పీఠం నుంచి దించేందుకు కుట్ర పన్నుతున్నారని సంచలన ఆరోపణలు చేశారు.కాంగ్రెస్ సర్కార్ కూలిపోవడం ఖాయమని వ్యాఖ్యానించిన ఎర్రబెల్లి, వచ్చే స్థానిక సంస్థల ఎన్నికల్లో ప్రజలు కాంగ్రెస్ పార్టీకి గుణపాఠం చెప్పేందుకు సిద్ధంగా ఉన్నారని ధీమా వ్యక్తం చేశారు. ఓటమి భయంతోనే కాంగ్రెస్ ప్రభుత్వం స్థానిక ఎన్నికలను వాయిదా వేస్తోందని ఆరోపించారు. రేవంత్ రెడ్డి పాలనపై కాంగ్రెస్ పార్టీ అధిష్టానం కూడా సంతృప్తిగా లేనట్లు పేర్కొన్న ఎర్రబెల్లి, రాహుల్ గాంధీ వరంగల్ పర్యటనను రద్దు చేసుకోవడం కూడా దీని సంకేతమేనని అభిప్రాయపడ్డారు.రాష్ట్ర ప్రజలు కేసీఆర్ పాలనను మిస్ అవుతున్నారని, ఇప్పటికిప్పుడు ఎన్నికలు జరిగినా బీఆర్ఎస్ పార్టీ వందకు పైగా స్థానాలు గెలుచుకుంటుందని ఎర్రబెల్లి ధీమా వ్యక్తం చేశారు.
కార్యకర్తలెవరూ భయపడవద్దని, ఎన్ని కేసులు పెట్టిన తన సపోర్ట్ ఎప్పుడూ కార్యకర్తలకు ఉంటుందంటూ భరోసా ఇచ్చారు. రాబోయే స్థానిక సంస్థల ఎన్నికల్లో బీఆర్ఎస్ పార్టీ విజయం సాధించి, మరోసారి బలపడుతుందని పేర్కొన్నారు.తెలంగాణ అసెంబ్లీ ఎన్నికల్లో తాను ఓడిపోతాన‌న్న విషయం త‌న‌కు ఆరు నెల‌ల ముందే తెలుస‌ని తెలంగాణ రాష్ట్ర మాజీ మంత్రి ఎర్రబెల్లి ద‌యాక‌ర్‌రావు అన్నారు. కానీ, అధినేత కేసీఆర్ ప్రోత్సాహంతోనే ఎన్నికల్లో పోటీ చేసిన‌ట్లు ఆయన తెలిపారు. గురువారం మహబూబాబాద్ జిల్లా తొర్రూరు మండ‌లం వెలిక‌ట్ట‌లో పార్టీ కార్య‌క‌ర్త‌ల‌తో నిర్వహించిన సమావేశంలో ఎర్రబెల్లి మాట్లాడారు. కేసీఆర్ రాష్ట్రాన్ని 10 ఏళ్లు దార్శ‌నిక‌త‌తో పాలిస్తే కాంగ్రెస్ 15 నెల‌ల్లోనే అన్ని రంగాల్లో దివాలా తీయించింద‌ని దుయ్య‌బ‌ట్టారు.సమావేశంలో పాల్గొన్న బీఆర్ఎస్ నాయకులు, కార్యకర్తలు ఎర్రబెల్లి వ్యాఖ్యలకు స్పందిస్తూ ఉత్సాహం వ్యక్తం చేశారు. తెలంగాణ రాజకీయ సమీకరణాలు రోజుకో మలుపు తిరుగుతున్న ఈ సమయంలో, ఎర్రబెల్లి వ్యాఖ్యలు మరింత ఆసక్తికరంగా మారాయి. ముఖ్యంగా 25 మంది ఎమ్మెల్యేలు రేవంత్ రెడ్డిపై తిరుగుబాటు చేస్తున్నారన్న వ్యాఖ్యలు రాజకీయ వర్గాల్లో హాట్ టాపిక్‌గా మారాయి. రాబోయే రోజుల్లో రాష్ట్ర రాజకీయాల్లో మరిన్ని ఉత్కంఠభరిత పరిణామాలు చోటుచేసుకునే అవకాశం ఉంది.
ఇప్పటికిప్పుడు ఎన్నికలు జరిగినా 100 సీట్లు గెలుస్తాం
ఎర్రబెల్లి ధీమాగా ప్రకటించిన మరో కీలక అంశం – ఇప్పుడు ఎన్నికలు జరిగితే బీఆర్ఎస్ పార్టీ వంద సీట్లు గెలుచుకుంటుందన్న విశ్వాసం. ప్రజల్లో పార్టీపై విశ్వాసం తిరిగి పెరుగుతుందని, ఇటీవల జరిగిన పరిణామాలే ఇందుకు నిదర్శనమని తెలిపారు.
మాజీ మంత్రి , పాలకుర్తి మాజీ ఎమ్మెల్యే ఎర్రబెల్లి దయాకర్ రావు పై సీఎం రేవంత్ వరంగల్ సభలో ఘాటైన వ్యాఖ్యలు చేయడంపై ఆయన రియాక్ట్ అయ్యారు. Read more
హైదరాబాద్‌లోని ఉప్పల్ రాజీవ్ గాంధీ ఇంటర్నేషనల్ స్టేడియంలో జరగబోయే భారత్-బంగ్లాదేశ్ ట్వంటీ 20 మ్యాచ్ పై విశ్వహిందూ పరిషత్ (VHP) తీవ్ర ఆందోళన వ్యక్తం చేస్తోంది. బంగ్లాదేశ్‌లో Read more
ఇటీవల కాలంలో వరుసగా రైలు ప్రమాదాలు చోటుచేసుకుంటున్నాయి. సాంకేతిక సమస్య , డ్రైవర్ల నిర్లక్ష్యం కారణంగా ఈ ప్రమాదాలు జరుగుతూ ..ఆస్థి , ప్రాణ నష్టం వాటిల్లుతుంది. Read more
మూసీ పునరుజ్జీనం ప్రాజెక్టును రాష్ట్ర ప్రభుత్వం ప్రతిషాత్మకంగా చేపట్టింది, ఇది ముఖ్యంగా దక్షిణ కొరియాలోని నదుల సుందరీకరణ మరియు మురునీటి శుద్ధి కార్యక్రమాలను పరిశీలించడానికి మంత్రులు, అధికారుల Read more