బుధవారం కోల్‌కతాలోని ఈడెన్ గార్డెన్స్ వేదికగా ఇంగ్లండ్‌తో ఐదు మ్యాచ్‌ల టీ20 సిరీస్‌లో తొలి మ్యాచ్ జరిగింది.ఈ మ్యాచ్‌లో భారత జట్టు తన శక్తిని పూర్తి స్థాయిలో ప్రదర్శించి ఘనవిజయం సాధించింది.ఇంగ్లండ్ నిర్దేశించిన 133 పరుగుల లక్ష్యాన్ని టీమిండియా కేవలం 12.5 ఓవర్లలో 3 వికెట్లు మాత్రమే కోల్పోయి సునాయాసంగా ఛేదించింది. టీమిండియా యువ ఓపెనర్ అభిషేక్ శర్మ తన ఆటతో అబ్బురపరిచాడు.అతను కేవలం 34 బంతుల్లోనే 79 పరుగులు చేస్తూ మ్యాచ్‌ను వన్‌సైడ్ చేశాడు.ఈ అద్భుత ఇన్నింగ్స్‌లో 8 సిక్సర్లు, 5 ఫోర్లు నమోదు కావడం విశేషం.
ముఖ్యంగా, అభిషేక్ తన హాఫ్ సెంచరీని కేవలం 20 బంతుల్లోనే పూర్తి చేసి చరిత్ర సృష్టించాడు.ఈ ఇన్నింగ్స్‌తో అభిషేక్,ఇంగ్లండ్‌పై అత్యంత వేగంగా అర్ధ శతకం నమోదు చేసిన రెండో భారతీయ బ్యాటర్‌గా రికార్డు సాధించాడు. ఈ ఘనత సాధించిన మొదటి భారత ఆటగాడు 2007 టీ20 ప్రపంచ కప్‌లో కేవలం 12 బంతుల్లో అర్ధ శతకం చేసిన యువరాజ్ సింగ్.
విశేషంగా, యువరాజ్ ప్రస్తుతం అభిషేక్‌కు మెంటార్‌గా ఉన్నారు.అభిషేక్ శర్మ ఈ మ్యాచ్‌లో మరో అరుదైన రికార్డును కూడా సొంతం చేసుకున్నాడు.ఒక మ్యాచ్‌లో అత్యధిక సిక్సులు (8) కొట్టిన మూడో భారత బ్యాటర్‌గా నిలిచాడు.అభిషేక్ తన టీ20 అంతర్జాతీయ కెరీర్‌ను గ‌తేడాది జింబాబ్వేపై మ్యాచ్‌లో ప్రారంభించాడు.తొలి మ్యాచ్‌లోనే సెంచరీ చేసి అందరి దృష్టిని ఆకర్షించాడు.అయితే, ఆ తర్వాత అతని ప్రదర్శన అంతగా మెప్పించలేదు.కానీ,ఈ మ్యాచ్‌లో కీలక ఇన్నింగ్స్ ఆడి టీమిండియాకు విజయాన్ని అందించాడు. ఇప్పటి వరకు అభిషేక్ 13 టీ20 మ్యాచ్‌ల్లో 27.91 సగటు, 183.06 స్ట్రైక్ రేట్‌తో 335 పరుగులు సాధించాడు.ఈ మ్యాచ్‌లో అభిషేక్ ప్రదర్శనపై ప్రేక్షకులు, క్రికెట్ అభిమానులు ప్రశంసల వర్షం కురిపిస్తున్నారు. యువరాజ్ లాంటి మెంటార్ తోడవడంతో అతని ఆటలో మరింత మెరుగుదల కనిపిస్తోంది.
క్రికెట్ లో విరాట్ కోహ్లీ vs బాబర్ అజామ్ గురించి అభిమానుల మధ్య ఎప్పటినుంచో చర్చ కొనసాగుతూనే ఉంది. ఈ ఇద్దరూ తమ తమ జట్లకు అత్యంత Read more
టాటా గ్రూప్‌ ఛైర్మన్ రతన్ టాటా క్రీడల పట్ల ఉన్న అంకితభావం మరియు ముఖ్యంగా క్రికెట్‌పై ఉన్న ఆసక్తి అత్యంత ప్రత్యేకమైనది. క్రికెట్‌ను ఎంతో ప్రేమించే రతన్ Read more
ప్రఖ్యాత టాటా స్టీల్ చెస్ మాస్టర్స్-2025 ఛాంపియన్‌షిప్‌లో భారత గ్రాండ్‌మాస్టర్ ఆర్. ప్రజ్ఞానంద విజేతగా నిలిచారు. నెదర్లాండ్స్‌లోని Wijk aan Zeeలో జరిగిన ఉత్కంఠభరిత టైబ్రేక్ మ్యాచ్‌లో Read more
న్యూజిలాండ్ పర్యటనలో ఉన్న పాకిస్తాన్ క్రికెట్ జట్టు వరుస ఓటములతో కష్టాల్లో పడింది. ఐదు మ్యాచ్‌ల టీ20 సిరీస్‌లో భాగంగా రెండో టీ20లోనూ పాకిస్తాన్ జట్టు ఓటమి Read more