సినీనటుడు అల్లు అర్జున్ మరియు వైసీపీ మాజీ ఎమ్మెల్యే రవిచంద్రకిశోర్‌రెడ్డి దాఖలు చేసిన పిటిషన్‌పై వాదనలు ముగిసిన తర్వాత హైకోర్టు నవంబర్‌ 6న తుది నిర్ణయం వెలువరించనుంది ఈ పిటిషన్‌ ఎన్నికల నియమావళిని ఉల్లంఘించారన్న కేసును రద్దు చేయాలని కోరుతూ దాఖలు చేయబడింది అల్లు అర్జున్ తరఫున న్యాయవాది వై నాగిరెడ్డి వాదనలు వినిపిస్తూ ఆయన పర్యటన పూర్తి వ్యక్తిగతమని కేవలం స్నేహితుడైన రవిచంద్రకిశోర్‌రెడ్డిని అభినందించేందుకు మాత్రమే నంద్యాల వెళ్లారని తెలిపారు ఈ సందర్భంగా అల్లు అర్జున్ అభిమానులు కిశోర్‌రెడ్డి ఇంటివద్దకు చేరుకున్నారని దీనిని ఎన్నికల నియమావళి ఉల్లంఘనగా పరిగణించరాదని అన్నారు తహశీల్దార్‌ ఇచ్చిన ఫిర్యాదు కూడా చట్టపరంగా నిలబడదని పేర్కొన్నారు.
ఇక పోలీసుల తరఫున అసిస్టెంట్‌ పబ్లిక్‌ ప్రాసిక్యూటర్‌ వాదిస్తూ కేసులో ఇప్పటికే ఛార్జిషీట్‌ దాఖలైందని తెలిపారు కానీ ట్రయల్‌ కోర్టు దీనికి ఇంకా నంబర్‌ కేటాయించలేదని వివరించారు ఈ నేపథ్యంలో హైకోర్టు న్యాయమూర్తి జస్టిస్‌ వీఆర్‌కె కృపాసాగర్‌ స్పందిస్తూ ఛార్జిషీట్‌ దాఖలు అయిన తర్వాత కేసును హైకోర్టు వద్ద క్వాష్‌ చేయడానికి పిటిషన్‌ వేయవచ్చా అని సందేహం వ్యక్తం చేశారు నాగిరెడ్డి ఈ సందర్భంలో కోర్టుకు వివరిస్తూ, ట్రయల్‌ కోర్టు ఛార్జిషీట్‌ విషయాన్ని ఇంకా పరిశీలించకపోయందున పిటిషనర్లపై నమోదైన ఎఫ్‌ఐఆర్‌ ఆధారంగా ఏ చర్యలూ కొనసాగరాదని వాదించారు. ఆయన అభ్యర్థనపై స్పందించిన న్యాయమూర్తి నవంబర్‌ 6న పిటిషన్‌పై తుది నిర్ణయం వెల్లడించేంతవరకు ఎలాంటి చర్యలూ తీసుకోకూడదని మధ్యంతర ఉత్తర్వులు జారీ చేశారు ఈ విచారణ తర్వాత నవంబర్‌ 6న హైకోర్టు అల్లు అర్జున్ పిటిషన్‌పై తుది నిర్ణయం ప్రకటించనుంది.