23 మంది సభ్యులతో కూడిన టీటీడీ బోర్డు ముగ్గురు ఎమ్మెల్యేలకు అవకాశం సాక్షి, అమరావతి/సాక్షి, హైదరాబాద్‌: టీటీడీ (తిరుమల తిరుపతి దేవస్థానం) నూతన బోర్డు సభ్యులను ప్రకటించారు ముఖ్యమంత్రి చంద్రబాబు నాయుడు టీటీడీ చైర్మన్ పదవిని టీవీ-5 అధినేత బీఆర్ నాయుడికి అప్పగించారు. టీటీడీ బోర్డు సభ్యులుగా మొత్తం 23 మందిని నియమించారు బోర్డులో నియమితులైన సభ్యులలో ముగ్గురు ఎమ్మెల్యేలు జగ్గంపేట నుంచి జ్యోతుల నెహ్రూ కోవూరు నుంచి వేమిరెడ్డి ప్రశాంతిరెడ్డి మడకశిర నుంచి ఎంఎస్ రాజు ఉన్నారు వీరితో పాటు టీడీపీ నాయకులు పనబాక లక్ష్మి, జాస్తి శివ (సాంబశివరావు) నన్నపనేని సదాశివరావు కోటేశ్వరరావు మల్లెల రాజశేఖర్ గౌడ్ జంగా కృష్ణమూర్తి, శాంతారాం, పి. రామ్మూర్తి, తమ్మిశెట్టి జానకీదేవి, నరేశ్ కుమార్ సభ్యులుగా నియమితులయ్యారు.
తెలంగాణ నుంచి నర్సిరెడ్డి, బుంగునూరు మహేందర్ రెడ్డి, ప్రముఖ సినీ ఆర్ట్ డైరెక్టర్‌ బురగపు ఆనంద్ సాయి, రంగశ్రీ, భారత్ బయోటెక్ సంస్థకు చెందిన సుచిత్ర ఎల్ల కూడా సభ్యులుగా నియమితులయ్యారు కర్ణాటక నుంచి జస్టిస్ హెచ్‌ఎల్‌ దత్, దర్శన్ ఆర్‌ఎన్, గుజరాత్ నుంచి డాక్టర్‌ అదిత్ దేశాయ్, మహారాష్ట్ర నుంచి సౌరబ్ హెచ్ బోరా, తమిళనాడు నుంచి కృష్ణమూర్తి కూడా ఈ బోర్డు సభ్యులుగా ఎంపికయ్యారు. జనసేన కోటాలో తెలంగాణ నుంచి మహేందర్ రెడ్డి కి అవకాశం దక్కింది అయితే, ఈ సభ్యుల నియామకంపై అధికారిక ఉత్తర్వులు ఇంకా వెలువడలేదు. ఈ జాబితాపై టీడీపీలో కొందరు అసంతృప్తి వ్యక్తం చేస్తున్నారు. తమకు ఈ బోర్డులో చోటు దక్కుతుందని ఆశించిన వారు నిరాశ చెందుతున్నట్లు సమాచారం. అనేక రాజకీయ సమీకరణలు, సవాళ్లు, వడపోతలు చేసిన తర్వాత సీఎం చంద్రబాబు ఈ జాబితాను రూపొందించినట్లు తెలుస్తోంది
బీఆర్ నాయుడికి టీటీడీ చైర్మన్ పదవి అప్పగించాలన్న చర్చలు గత కొన్ని నెలలుగా జరుగుతున్నాయి నాయుడు టీవీ-5 మీడియా అధినేతగా వ్యవహరిస్తున్న సమయంలోనే ఈ బాధ్యత దక్కింది. అయితే, బీఆర్ నాయుడు కుమారుడిపై వచ్చిన వివిధ ఆరోపణలు ఈ నియామకానికి మరింత చర్చనీయాంశం కావడంతో ఈ నిర్ణయం వివాదాస్పదమైంది ఆయన కుమారుడు హౌసింగ్ సొసైటీ అవకతవకలు, రియల్ ఎస్టేట్ అక్రమాలు, డ్రగ్స్ వినియోగదారులతో సంబంధాలపై వచ్చిన ఆరోపణలు ఆయన చుట్టూ వివాదాలకు దారి తీసాయి. తెలంగాణ హైకోర్టు కూడా ఈ వ్యాపారాలపై సీరియస్‌ అభ్యంతరాలు వ్యక్తం చేసింది. అయినప్పటికీ, టీటీడీ చైర్మన్‌గా బీఆర్ నాయుడి నియామకంపై విమర్శలు వెల్లువెత్తుతున్నాయి అసలు ఈ నియామకం ఎన్నికలకు ముందే టీడీపీతో నాయుడి ఒప్పందం కుదిరినట్లు సమాచారం.