చిన్నప్పటి నాటి మిఠాయిలను ఆస్వాదించడం అనేది చాలా మందికి మర్చిపోలేని అనుభవంగా ఉంటుంది. ముఖ్యంగా తేనె మిఠాయిలు లేదా డ్రై రసగుల్లాలు. పైన కృస్పీగా, లోపల రుచిగా ఉండే ఈ మిఠాయిలు 90’s జనరేషన్‌కి చాలా ఇష్టం. కానీ ఇవి ఇప్పుడు చాలా అరుదుగా దొరకుతున్నాయి. కాబట్టి ఇంట్లోనే ఈ తేనె మిఠాయిలను తయారు చేయడం ఎలా అనేది చూద్దాం.
కావాల్సిన పదార్థాలు:
మైదా పిండి: 1 కప్పు
కార్న్ఫ్లోర్: 1 టీస్పూన్
బేకింగ్‌ పౌడర్: ½ టీస్పూన్
పంచదార: 1 కప్పు
నీళ్లు: ¾ కప్పు
ఫుడ్‌ కలర్: ½ టీస్పూన్
నిమ్మరసం: 2 టేబుల్‌ స్పూన్లు
నూనె: డీప్‌ ఫ్రైకి సరిపడా
యాలకుల పొడి: ½ టీస్పూన్
తయారీ విధానం:
పిండి తయారీ:
మొదట, ఒక మిక్సింగ్‌ బౌల్లో మైదా పిండి, కార్న్ఫ్లోర్, బేకింగ్‌ పౌడర్, చిటికెడు ఉప్పు జల్లించి కూర్చుకోండి.
తర్వాత ఇందులో ఫుడ్‌ కలర్ వేసి బాగా కలిపి, కొద్దిగా నిమ్మరసం వేసి ముద్దగా చేసుకోవాలి.
తర్వాత క్రమంగా నీళ్లు కలిపి సాఫ్ట్‌ ముద్ద తయారుచేయండి.
పాకం తయారీ:
ఒక పాన్‌లో నీళ్లు పోసి పంచదార వేసి కరిగించండి. పంచదార పాకం గులాబ్‌ జామున్‌ పాకం కన్నా తక్కువగా ఉండాలి.
పాకం తయారైన తర్వాత, ఇందులో యాలకుల పొడి మరియు నిమ్మరసం జోడించి, స్టౌ ఆఫ్‌ చేయండి.
రసగుల్లాలు తయారీ:
పిండిని మళ్లీ బాగా కలిపి, కొద్దిగా పొడి పిండి చల్లి, చపాతీ కర్రతో మందంగా చాపండి.
తరువాత, చిన్న ముక్కలు కట్‌ చేసి రసగుల్లాల రూపంలో చేయండి.
ఫ్రై చేయడం:
కడాయిలో సరిపడా నూనె వేడి చేసి, రసగుల్లాలను ఒక్కొక్కటిగా వేసి బాగా ఫ్రై చేయండి.
వేగిన తరువాత, వాటిని చక్కెర పాకంలో 10 నిమిషాలు వదిలేయండి.
సర్వింగ్:
పూర్తిగా చల్లారిన తర్వాత, ప్లేట్లోకి తీసుకుని పండుగ మిఠాయిలు చక్కగా అందించండి.
ఈ సులభమైన రెసిపీతో మీరు పిల్లలకు స్వంతంగా తేనె మిఠాయిలు చేసుకుంటారు. వీటి రుచి ఎంతో అద్భుతంగా ఉంటుంది!