ఇటీవల కాలంలో ఓటీటీ ఫ్లాట్‌ఫార్మ్స్ మీద చిన్న సినిమాల సందడి గణనీయంగా పెరిగింది, అలాంటి చిత్రాలలో ఈ వారం విడుదలైన ‘పైలం పిలగ’ ప్రత్యేకంగా నిలిచింది. రామకృష్ణ మరియు శ్రీనివాస్ నిర్మించిన ఈ చిత్రానికి ఆనంద్ గుర్రం దర్శకత్వం వహించారు. సాయి తేజ, పావని జంటగా నటించిన ఈ సినిమా ఈటీవీ విన్ ప్లాట్‌ఫారమ్‌లో ప్రసారం అవుతోంది.
కథ నేపథ్యం ‘కోతుల గుట్ట’ అనే ఒక చిన్న గ్రామం. ఆ గ్రామంలో శివ (సాయితేజ) అనే యువకుడు తన తల్లి, తండ్రి, నాయనమ్మతో కలిసి నివసిస్తాడు. తన కుటుంబం తనను ఏదైనా పని చేసుకోమని ఎప్పటికప్పుడు హెచ్చరిస్తూ ఉంటుంది. కానీ శివకి మాత్రం ‘దుబాయ్’కి వెళ్లి ఆర్థికంగా సేద తీరాలని కోరిక ఉంటుంది. ఈ కోరికకు ఊర్లోని ‘అంజి’ అనే వ్యక్తి దుబాయ్ నుంచి వచ్చి గొప్పలు చెప్పడం కూడా ప్రేరణగా ఉంటుంది.
అదే గ్రామంలో దేవి (పావని)కి శివ ప్రేమగా ఉంటుంది. దేవి, శివ ఎక్కడికీ వెళ్లకుండా ఉన్న ఊళ్లోనే ఉద్యోగం చేయాలని కోరుకుంటుంది. కానీ శివ మాత్రం తన కలలను నెరవేర్చుకోవడానికి ‘దుబాయ్’కి వెళ్లడానికి ఏర్పాట్లు చేసుకుంటాడు. అయితే ఆ ప్రయాణం కోసం రెండు లక్షలు అవసరం అవుతాయి. ఆ డబ్బు ఎక్కడా దొరకకపోవడంతో, శివ ఆలోచనలో పడతాడు.
అప్పుడే అతని నాయనమ్మ తన పుట్టింటివారు ఇచ్చిన రెండు ఎకరాల పొలాన్ని అమ్మమని సలహా ఇస్తుంది. శివ ఆ పొలం రిజిస్ట్రేషన్ పత్రాలు తెచ్చుకుని చూడగా, ఆ ‘కోతుల గుట్ట’ అనే కొండే తన నాయనమ్మకు పుట్టింటివారు ఇచ్చిన ఆస్తి అని తెలుస్తుంది. ఆ కొండను అమ్మి డబ్బు సంపాదించాలని శివ భావిస్తాడు.
కొండ కోసం ఊర్లో పలు వ్యక్తులు పోటీ పడతారు. కొంతమంది రెండు లక్షలు ఆఫర్ చేస్తారు, మరికొంతమంది పదిలక్షల వరకు ఇస్తామని చెబుతారు. చివరికి శివకు ఆ గుట్ట లోని రాళ్లు ఖరీదైన మార్బుల్స్ అని, వాటి విలువ 50 కోట్లకు పైగా ఉంటుందని తెలుస్తుంది. దీంతో శివ ఆనందంతో మునిగిపోయి, ఆ గుట్ట అమ్మడంలో రకరకాల అనుమతులు తీసుకోవడానికి ప్రయత్నిస్తాడు.
ఈ కథ గ్రామీణ నేపథ్యంతో సాగుతుంది. కథలో ప్రధానంగా పది పాత్రలు ముఖ్యమైన పాత్రలు పోషిస్తాయి. చిన్న బడ్జెట్‌తో రూపొందించిన ఈ కథలో పల్లెటూరి వాతావరణం ప్రధానంగా కనిపిస్తుంది. శివ తన ఆస్తిని, పుట్టిన ఊరిలోని గుట్టను అమ్మేందుకు పడే కష్టాలు కథలో ప్రధాన అంశంగా ఉంటాయి.
కథా పరిణామం ఆసక్తికరంగా ఉన్నా, దర్శకుడు ప్రేక్షకులను అంతగా ఆకట్టుకోలేకపోయాడు. గ్రామీణ నేపథ్యం, అందమైన లొకేషన్స్ ఉన్నప్పటికీ, వాటిని సరైన రీతిలో వినియోగించలేకపోయారు. అలాగే, కథలోని లవ్ సీన్లు, పాటలు, కామెడీ అంశాలను కూడా బలంగా ప్రతిబింబించలేకపోయారు.
హీరో మరియు హీరోయిన్ ఇద్దరూ తమ నటనను మరింత మెరుగుపరచుకోవాల్సిన అవసరం ఉంది. సినిమా విజువల్‌గా మంచి పద్దతిలో ఉండగా, బ్యాక్‌గ్రౌండ్ మ్యూజిక్ బలంగా లేకపోవడం వల్ల ఎమోషనల్ కనెక్ట్ కాస్త కష్టమైంది.
సినిమా మొత్తం మీద, పల్లెటూరి వాతావరణం మరియు కథలైన్ ఆకట్టుకునే విధంగా ఉన్నప్పటికీ, తగిన వినోదం లేకపోవడం, ప్రేమ కథలో సరైన పట్టు లేకపోవడం వల్ల ప్రేక్షకులను పూర్తిగా సంతృప్తి పరచలేకపోయింది.
Pailam Pilaga Anand Gurram Ramakrishna – Srinivas Sai Teja Pavani Karanam Mirchi Kiran Dubbing janaki Chitram Srinu