విజయవాడ: వివాదస్పద దర్శకుడు రామ్ గోపాల్ వర్మకు రాష్ట్ర ప్రభుత్వం షాక్ ఇచ్చింది. ఆయన సినిమా “వ్యూహం”కి సంబంధించి గత ప్రభుత్వంతో తీసుకున్న నిధుల విషయంలో ఏపీ ఫైబర్ నెట్ కార్పొరేషన్ నోటీసులు జారీ చేసింది.”వ్యూహం” సినిమా, అవసరమైన వ్యూస్ సాధించకపోయినా, ఫైబర్నెట్ నుంచి 15 లక్షల రూపాయలు అనుచితంగా పొందినట్లు గుర్తించారు. ఈ విషయాన్ని పరిగణనలోకి తీసుకొని రామ్ గోపాల్ వర్మకు లీగల్ నోటీసులు జారీ చేశారు. ఫైబర్నెట్ చైర్మన్ జి.వి.రెడ్డి ఆదేశాల ప్రకారం, ఆ సంస్థకు చెందిన ఐదుగురు ఉన్నతాధికారులకు కూడా నోటీసులు పంపారు. నిబంధనలకు విరుద్ధంగా లబ్ధి పొందినందున 15 రోజుల్లోగా వడ్డీతో సహా మొత్తం చెల్లించాల్సిందిగా సూచించారు. వ్యూహం సినిమాకు కేవలం 1863 వ్యూస్ ఉండటం, అందులో ఒక్కో వ్యూస్కు 11 వేల రూపాయల చొప్పున లభించిన మొత్తాన్ని నిబంధనలకు వ్యతిరేకంగా చెల్లించినట్లు జి.వి.రెడ్డి పేర్కొన్నారు.
ఈ విషయంపై వివరణ కోరుతూ లీగల్ నోటీసులు ఇచ్చామని ఆయన వెల్లడించారు.ఫైబర్నెట్ సంస్థ చెల్లింపుల వ్యవహారంపై ప్రస్తుత చైర్మన్ జి.వి.రెడ్డి మీడియాతో మాట్లాడుతూ, 2016లో రాష్ట్ర ప్రభుత్వం ఆంధ్రప్రదేశ్ ఫైబర్ నెట్ సంస్థను స్థాపించింది. ఈ సంస్థ ప్రధాన ఉద్దేశం గ్రామీణ ప్రాంత ప్రజలకు తక్కువ ధరలకు కేబుల్, ఇంటర్నెట్ సేవలు అందించడం. 2019లో 24,000 కిలోమీటర్ల కేబుల్ వేసి 10 లక్షల కనెక్షన్లు అందించినట్లు తెలిపారు.ఇప్పుడు, వైఎస్సార్సీపీ ప్రభుత్వంలో సంస్థ సాంకేతికంగా దివాలా దశకు చేరుకున్నట్లు ఆయన పేర్కొన్నారు. 5 లక్షల కనెక్షన్లు మాత్రమే ఉండడం, సంస్థను నిర్వహించే ఖర్చుల వృద్ధి, అక్రమ ఉద్యోగ నియామకాల వల్ల ఈ పరిస్థితి ఏర్పడిందన్నారు. ఈ విషయం మీద విజిలెన్స్ విచారణ జరుగుతోందని జి.వి.రెడ్డి చెప్పారు.గత ప్రభుత్వ సమయానికీ కొన్ని తప్పిదాలు చోటుచేసుకున్నాయి. 1,363 మంది ఉద్యోగులను నియమించి, వారికీ నెలవారీ 4 కోట్లు వేతనాలు చెల్లించడం, అదే సమయంలో కనెక్షన్లు పెరగకుండా ఉండడం ఆ సమయంలో జరిగిన నేరాల్ని చూపుతాయన్నారు.
మలయాళ స్టార్ హీరో మోహన్ లాల్ గురించి ప్రత్యేకంగా చెప్పనవసరం లేదు.దశాబ్దాలుగా మలయాళ పరిశ్రమలో తిరుగులేని క్రేజ్‌తో పాటు, తెలుగులో కూడా అనేక కీలక పాత్రలతో తనకంటూ Read more
తమిళ్ స్టార్ హీరో అజిత్‌కు తెలుగు ప్రేక్షకుల్లో కూడా మంచి ఫ్యాన్ ఫాలోయింగ్ ఉంది.ఆయన నటించిన సినిమాలు తెలుగులోనూ భారీ విజయాలను సాధించాయి. అజిత్ పేరు వినగానే, Read more
1994లో ముంబైలో జన్మించిన రితికా సింగ్, దక్షిణాది సినీ పరిశ్రమలో తనకంటూ ప్రత్యేకమైన గుర్తింపును సంపాదించుకున్న కథానాయిక. ఆమె కేవలం ఒక మంచి నటిగా మాత్రమే కాకుండా, Read more
సినిమా రజమౌళి, భారతీయ సినిమా గర్వంగా నిలిచిన పేరు, తెలుగు చిత్రసీమను అంతర్జాతీయ స్థాయిలో అత్యంత ప్రసిద్ధిని పొందించిన వ్యక్తి. బాహుబలి మరియు ఆర్ఆర్ఆర్ వంటి చిత్రాలతో, Read more