వైఎస్‌ఆర్ కాంగ్రెస్ పార్టీ (వైసీపీ) నేత, గన్నవరం మాజీ ఎమ్మెల్యే వల్లభనేని వంశీకి కోర్టు భారీ షాక్ ఇచ్చింది. టీడీపీ కార్యాలయంపై దాడి కేసులో ఆయనను మూడురోజుల పాటు సీఐడీ కస్టడీకి అప్పగించాలని విజయవాడ సీఐడీ కోర్టు ఆదేశాలు జారీ చేసింది. ఈ మేరకు సీఐడీ అధికారులు కోర్టు నుంచి అనుమతి పొంది, వంశీని కస్టడీకి తీసుకున్నారు.
గన్నవరం టీడీపీ కార్యాలయంపై దాడి కేసు
గతంలో గన్నవరం టీడీపీ కార్యాలయంపై జరిగిన దాడి కేసులో వల్లభనేని వంశీకి కీలక సంబంధం ఉందని పోలీసులు తెలిపారు. ఈ కేసులో అతనిని ఏ-71 నిందితుడిగా ఎఫ్ఐఆర్‌లో చేర్చారు. ముందుగా విచారణ అనంతరం వంశీని పోలీసులు అరెస్ట్ చేసి, కోర్టులో హాజరుపరిచారు. అనంతరం సీఐడీ అధికారులు అతడిని మరింత విచారించాల్సిన అవసరం ఉందంటూ కోర్టులో పిటిషన్ దాఖలు చేశారు. గన్నవరం టీడీపీ కార్యాలయంపై దాడికి ప్రధాన సూత్రధారి, కుట్రపూరితంగా పార్టీ కార్యాలయాన్ని ధ్వంసం చేయించేందుకు కుట్ర, ఉద్దేశపూర్వకంగా వివాదాస్పద వ్యాఖ్యలు చేసి ఉద్రిక్తతలు పెంచడం, గన్నవరం పరిధిలో శాంతిభద్రతలకు భంగం కలిగించే చర్యలు చేపట్టడం, ఈ ఆరోపణల ఆధారంగా వంశీపై కేసు నమోదు చేసి, విచారణ చేపట్టిన పోలీసులు ఆయన్ని మూడు రోజుల పాటు తమ కస్టడీలోకి తీసుకునేందుకు కోర్టులో దరఖాస్తు చేసుకున్నారు. విచారణలో కీలకమైన ఆధారాలు బయటపడే అవకాశముందని సీఐడీ అధికారులు భావిస్తున్నారు.
ఈ వ్యవహారంపై తెలుగుదేశం పార్టీ (టీడీపీ) నేతలు తీవ్ర ఆగ్రహం వ్యక్తం చేశారు. ఇది పోలీసుల దుర్వినియోగానికి మరో ఉదాహరణ అంటూ వ్యాఖ్యలు చేశారు. వంశీ వైసీపీలోకి వెళ్లినప్పటి నుంచీ ప్రత్యర్థులపై వరుసగా దాడులు, వివాదాస్పద ఘటనలతో చర్చనీయాంశమయ్యారని టీడీపీ నేతలు మండిపడ్డారు. టీడీపీ నేతలు “న్యాయం కోసం పోరాడుతాం రాజకీయ కుట్రలకు భయపడేది లేదు” అంటూ ఘాటుగా స్పందించారు. అయితే, వైసీపీ వర్గాలు మాత్రం అధికారాన్ని అడ్డుపెట్టుకుని టీడీపీ నేతలు గతంలో ఇలాంటి కుట్రలు చేశారు. ఇప్పుడు వాస్తవాలు వెలుగులోకి వస్తున్నాయి అంటూ సమాధానం ఇచ్చాయి. వల్లభనేని వంశీ 2014లో తెలుగుదేశం పార్టీ తరఫున గన్నవరం నియోజకవర్గం నుంచి ఎమ్మెల్యేగా ఎన్నికయ్యారు. అయితే, 2019 ఎన్నికల తర్వాత వైసీపీలో చేరారు. వంశీ వైసీపీలోకి వెళ్లినప్పటి నుంచి టీడీపీ నేతలతో తీవ్రంగా విభేదాలు కొనసాగుతున్నాయి. ప్రస్తుతం సీఐడీ వంశీని మూడు రోజులు విచారించనుంది. ఈ విచారణలో కొత్త విషయాలు వెలుగులోకి వచ్చే అవకాశం ఉంది. వంశీ తరఫున న్యాయవాదులు కోర్టు నుంచి బెయిల్ తీసుకునేందుకు ప్రయత్నిస్తున్నారు. కానీ, విచారణ అనంతరం మరిన్ని కేసులు నమోదు చేసే అవకాశముందని విశ్లేషకులు భావిస్తున్నారు.
తెలంగాణ పబ్లిక్ సర్వీస్ కమిషన్ (TSPSC) గ్రూప్-1 పోస్టుల భర్తీ ప్రక్రియలో కీలక దశను చేరుకుంది. ఇటీవల నిర్వహించిన మెయిన్స్ పరీక్షల్లో ప్రదర్శన ఆధారంగా రూపొందించిన జనరల్ Read more
హైదరాబాద్‌: ఈరోజు నిర్వహించిన హైడ్రా ప్రజావాణికి 78 ఫిర్యాదులు వచ్చాయి. ఈ మేరకు ఈ మొత్తం ఫిర్యాదులను మీషనర్ రంగనాథ్ స్వయంగా స్వీకరించారు. చెరువులు, నాళాల, ర‌హ‌దారులు, Read more
అమెరికా అధ్యక్షుడుగా డోనాల్డ్ ట్రంప్ పగ్గాలు చేపట్టినప్పటి నుంచి తీవ్ర వివాదస్పద నిర్ణయాలతో తరచూ వార్తలల్లో నిలుస్తున్నారు. దుందుడుకు చర్యలతో పలు దేశాలకు చుక్కలు చూపిస్తున్నారు. గ్రీన్ Read more
అమరావతి: కాకినాడ పోర్టులో స్టెల్లాషిప్‌ను అధికారులు సీజ్ చేశారు. డిప్యూటీ సీఎం పవన్ తనిఖీల తర్వాత కదిలిన అధికార యంత్రాంగం..కాకినాడ పోర్టులో స్టెల్లా షిప్ సీజ్ చేసింది. Read more