ఊబెర్ డ్రైవర్ ధైర్యానికి ఫిదా అయినా ఆస్ట్రేలియా యువతి
![](https://www.vaartha.com/wp-content/uploads/2024/07/Uber-drivers-bravery-is-a-.jpg)
ముంబై లో ఊబెర్ డ్రైవర్ ధైర్యం చూసి ఆస్ట్రేలియా యువతి ఫిదా అయ్యింది. ఇటీవల ఇండియా టూర్ కు వచ్చిన బ్రీ స్టీల్ అనే యువతీ తిరుగుప్రయాణానికి సిద్ధమైంది. ఆమె ప్రయాణం చేయాల్సిన విమానం అర్ధరాత్రి 3 గంటలకు ఉండటంతో ఉబెర్ క్యాబ్ బుక్ చేసుకుని బయలుదేరింది. కానీ అప్పటికే భారీ వర్షం కురుస్తుండడం.. రోడ్లన్నీ జలమయంగా మారడంతో ఎయిర్ పోర్టుకు చేరుకోగలనా..లేదా అనే అనే భయం ఆమెలో మొదలైంది. కానీ ఊబెర్ డ్రైవర్ మాత్రం జోరు వాన…రోడ్లన్నీ జలమయంగా ఉన్న కానీ ఏమాత్రం భయపడకుండా ఎంతో ధైర్యంగా కారు నడిపించిన విధానానికి ఫిదా అయ్యింది.
ఇదంతా వీడియో తీసిన ఆమె భారతీయులంత దృఢమైన వారు ఎవ్వరూ లేరంటూ కితాబునిచ్చింది. మరే దేశంలోనూ ఇలాంటి సీన్ చూడటం సాధ్యం కాదని కామెంట్ చేశారు. ముంబైలో చాలా ఎంజాయ్ చేశానని, ఇప్పుడు సొంత దేశానికి వెళుతున్నా మళ్లీ కచ్చితంగా తిరిగొస్తానని చెప్పుకొచ్చింది. ఇక జనాలు కూడా ఈ వీడియోపై పెద్ద ఎత్తున కామెంట్ చేశారు.