అమెరికా అధ్యక్షుడు డొనాల్డ్ ట్రంప్ ప్రజాదరణ క్షీణిస్తోంది. వైట్‌హౌస్‌లో బాధ్యతలు చేపట్టిన తర్వాత ఆయన అప్రూవల్ రేటింగ్ గణనీయంగా తగ్గి, కనిష్ట స్థాయికి చేరుకుంది. తాజాగా నిర్వహించిన రాయిటర్స్/ఇప్సోస్ పోల్‌లో కేవలం 42 శాతం మంది అమెరికన్లు మాత్రమే ట్రంప్ పరిపాలనా విధానాలను సమర్థిస్తున్నట్లు వెల్లడైంది. మూడు వారాల క్రితం 43 శాతంగా ఉన్న ఈ రేటింగ్, జనవరి 20న ఆయన పదవీ బాధ్యతలు స్వీకరించిన వెంటనే నమోదైన 47 శాతం కంటే తగ్గడం గమనార్హం.
అధికారాన్ని దుర్వినియోగంపై తీవ్ర ఆరోపణలు
ట్రంప్ తన అధికారాన్ని దుర్వినియోగం చేస్తున్నారనే భావన అమెరికన్లలో రోజురోజుకూ పెరుగుతోందని ఈ పోల్ ఫలితాలు సూచిస్తున్నాయి. ఆయన పదవి చేపట్టిన తొలి రోజుల్లోనే ప్రభుత్వ మంత్రిత్వ శాఖలపైనే కాకుండా, విశ్వవిద్యాలయాల వంటి సంస్థలపై కూడా తన పట్టును పెంచుకునే లక్ష్యంతో అనేక కార్యనిర్వాహక ఉత్తర్వులపై సంతకం చేశారు. ఈ చర్యల వల్ల ఆయన తన పరిధిని దాటి ప్రవర్తిస్తున్నారని అధిక శాతం మంది భావిస్తున్నట్లు సర్వేలో తేలింది. అధ్యక్షుడి అధికారాలకు కళ్లెం ఉండాలని మెజారిటీ అమెరికన్లు కోరుకుంటున్నారు. ఫెడరల్ కోర్టుల తీర్పులతో ఏకీభవించకపోయినా, అధ్యక్షుడు వాటిని అనుసరించాలని, చట్టాన్ని గౌరవించాలని అత్యధిక శాతం (83%) మంది ప్రజలు అభిప్రాయపడ్డారు. మొత్తం 4,306 మందిపై ఈ సర్వే నిర్వహించారు.
విశ్వవిద్యాలయాలకు తగ్గిస్తున్న నిధులు
అంతేకాకుండా, విశ్వవిద్యాలయాల పనితీరుతో ఏకీభవించనంత మాత్రాన వాటికి నిధులు నిలిపివేయాలనే అధ్యక్షుడి ఆలోచనను 57 శాతం మంది వ్యతిరేకించారు. వీరిలో మూడింట ఒక వంతు రిపబ్లికన్లు కూడా ఉండటం విశేషం. క్యాంపస్‌లలో యాంటీ-సెమిటిజంను నిరోధించడంలో కళాశాలలు విఫలమవుతున్నాయని ట్రంప్ ఆరోపించినప్పటికీ, నిధులు నిలిపివేయడానికి ఇది సరైన కారణం కాదని చాలామంది అమెరికన్లు భావిస్తున్నట్లు పోల్ ద్వారా స్పష్టమైంది. కీలకమైన సంస్థలపై అధ్యక్షుడికి నియంత్రణ ఉండకూడదని 66 శాతం మంది అభిప్రాయపడ్డారు.
కీలక అంశాల్లో ట్రంప్ పనితీరుపై కూడా ప్రజలు అసంతృప్తి
వలసలు, ద్రవ్యోల్బణం, పన్నులు, చట్ట పాలన వంటి పలు కీలక అంశాల్లో ట్రంప్ పనితీరుపై కూడా ప్రజలు అసంతృప్తితో ఉన్నట్లు సర్వే వెల్లడించింది. సాధారణంగా ట్రంప్‌కు బలమైన పట్టు ఉంటుందని భావించే వలసల విధానంపై కూడా వ్యతిరేకత వ్యక్తమైంది. దీనిని 45 శాతం మంది ఆమోదించగా, 46 శాతం మంది వ్యతిరేకించారు. మాజీ అధ్యక్షుడు బరాక్ ఒబామా హయాంలోని చాలా కాలంతో పోలిస్తే ట్రంప్ అప్రూవల్ రేటింగ్స్ ఇప్పటికీ కొంత మెరుగ్గా ఉన్నప్పటికీ, తాజా గణాంకాలు మాత్రం ఆయన ఇటీవలి చర్యల పట్ల ప్రజల్లో ఆందోళన పెరుగుతోందనడానికి నిదర్శనంగా నిలుస్తున్నాయి.
Read Also: Shock for Trump : కోర్టుకెక్కిన హార్వర్డ్ యూనివర్సిటీ
పాకిస్థాన్‌లోని ఉగ్రవాద స్థావరాలపై భారత్ చేపట్టిన ఆపరేషన్ సింధూర్ ప్రతీకార దాడుల ప్రభావం దేశవాప్తంగా కనిపిస్తోంది. ఈ మెరుపుదాడులకు ప్రతిగా సరిహద్దుల్లో పాకిస్థాన్ రేంజర్లు కాల్పులకు పాల్పడటంతో Read more
రాజకీయాల్లోకి దూరంగా వెళ్ళిపోతున్నట్లు ప్రకటించి సంచలనం రేపిన విజయసాయిరెడ్డి, ఇప్పుడు మరొక కొత్త సంచలనం సృష్టించారు. మూడు రోజుల క్రితం, ఆయన హైదరాబాద్‌లోని వైఎస్ షర్మిల నివాసానికి Read more
అమెరికా మాజీ ఉపాధ్యక్షురాలు కమలా హారిస్.. 2024 నవంబర్ నెలలో జరిగిన యూఎస్ అధ్యక్ష ఎన్నికల్లో పోటీ చేసి పరాజయం పాలైన విషయం అందరికీ తెలిసిందే. అయితే Read more
ఫ్రెస్నో, కాలిఫోర్నియాలో, సోషల్ మీడియాలో వ్యాపించిన పుకార్లు ఇమ్మిగ్రేషన్ దాడుల గురించి తల్లిదండ్రులను భయాందోళనకు గురి చేశాయి. డెన్వర్‌లో జరిగిన ఇమ్మిగ్రేషన్ రైడ్, అనేక మంది విద్యార్థులను Read more