ఆరేళ్ల చిన్నారి ఫై తెరాస లీడర్ అత్యాచారం
![](https://www.vaartha.com/wp-content/uploads/2021/10/trs-leader-rapes.jpg)
తెలంగాణ రాష్ట్రంలో అభం శుభం తెలియని చిన్నారులపై అఘాయిత్యాలు ఆగడం లేదు. ప్రతి రోజు ఎక్కడో ఓ చోట చిన్నారి ఫై అత్యాచారం అనే వార్త వెలుగులోకి వస్తూనే ఉంది. సామాన్య ప్రజలే కాదు అధికార పార్టీ కి చెందిన లీడర్స్ సైతం చిన్నారుల ఫై అత్యాచారాలకు పాల్పడుతున్నారు. తాజాగా ఆరేళ్ల చిన్నారి ని అత్యాచారం చేసాడు తెరాస లీడర్. ఈ ఘటన రాజన్న సిరిసిల్ల జిల్లా ఎల్లారెడ్డిపేట మండలంలో చోటుచేసుకుంది.
వివరాల్లోకి వెళ్తే..
కోనరావుపేట మండలానికి చెందిన గిరిజన దంపతులు ఆరేండ్ల పాపతో కలిసి ఉద్యోగరీత్యా ఎల్లారెడ్డిపేట మండలంలోని ఓ గ్రామంలో టీఆర్ఎస్ లీడర్, రైతు సమన్వయ సమితి మండల అధ్యక్షుడు అయిన శంకర్ఇంట్లో కిరాయికి ఉంటున్నారు. శంకర్ మండల స్థాయి లీడర్ కాగా, ఆయన భార్య ఆ ఊరి సర్పంచి. ఈ నెల 27న పాప తల్లిదండ్రులిద్దరూ తమ పనుల నిమిత్తం వెళ్లారు. ఇంట్లో టీవీ లేకపోవడంతో చిన్నారి శంకర్ ఇంట్లో చూసేందుకు వెళ్లింది. ఇంట్లో ఎవరూ లేనిది చూసి శంకర్ చిన్నారిపై లైంగిక దాడికి పాల్పడ్డాడు.
గురువారం చిన్నారికి బాగా జ్వరం వచ్చింది. నొప్పి అంటూ బాధపడుతుండటంతో తల్లి ఏం జరిగిందని ప్రశ్నించగా.. జరిగిన విషయం చెప్పింది. శంకర్ను నిలదీయగా.. ఎవరికైనా చెప్తే బాగుండదని బెదిరిస్తూ గొడవకు దిగాడు. దీంతో చిన్నారి తల్లిదండ్రులు శుక్రవారం ఎల్లారెడ్డి పేట పోలీస్స్టేషన్లో ఫిర్యాదు చేశారు. పోలీసులు నిందితుడిని రిమాండ్కు తరలించారు. చిన్నారికి న్యాయం చేయాలంటూ ఎల్లారెడ్డిపేటలో గిరిజన నాయకులు, బీజేపీ, కాంగ్రెస్ తదితర పార్టీల లీడర్లు పెద్దఎత్తున ఆందోళనకు దిగారు.