తిరుమల కొండలపై విమానాలు, డ్రోన్ల మోజు భక్తులలో కలవరము!
ఈ మధ్యకాలంలో తిరుమల శ్రీవారి కొండలపై విమానాలు తరచూ కనిపించడం సర్వ సాధారణ విషయంగా మారిపోయింది. ప్రత్యేకించి శ్రీవారి ఆలయం సమీపంలోనే విమానాల రాకపోకలు సాగుతుండటంతో భక్తుల దృష్టిని ఆకర్షించడమే కాకుండా, భద్రతాపరంగా గంభీరమైన సందేహాలు కలుగజేస్తున్నాయి. ఆనంద నిలయం పైనే ఎయిర్ క్రాఫ్ట్ ప్రయాణించటం వంటి ఘటనలు భక్తుల మనసుల్లో కలకలం రేపుతున్నాయి. ఇది సాధారణంగా కనిపించకపోయినా, ఇటీవల తరచూ ఇలా జరగటం వల్ల భక్తులు, అధికారులు, ఆగమ శాస్త్ర నిపుణులు పెద్ద ఎత్తున ఆందోళన వ్యక్తం చేస్తున్నారు. విమానాలు కాకుండా, ఇప్పుడిక డ్రోన్ల వినియోగం కూడా తిరుమల ఆకాశాన్ని తాకుతోంది. ఇది భక్తుల గోప్యతకు, ఆలయ భద్రతకు సవాలుగా మారుతోంది.
ఆగమశాస్త్ర పరంగా విమానాల అనుమతి లేనిదే..?
తిరుమల శ్రీవారి ఆలయం ప్రాచీన ఆగమ శాస్త్రాలకు అనుగుణంగా నిర్మించబడిన పవిత్ర క్షేత్రం. ఆగమశాస్త్ర ప్రకారం, దేవాలయాలపై విమానాలు ఎగరడం అనేది నిషిద్ధం. ఇది ఆధ్యాత్మిక ఉల్లంఘనగా మాత్రమే కాకుండా, దేవతామూర్తులపై విఘ్నంగా భావించబడుతుంది. తిరుమల వంటి అత్యంత పవిత్రమైన దేవస్థలంపై విమానాల రాకపోకల వల్ల పూజా విధానాలు, ధార్మిక క్రమాలు లాఘవం చెందే ప్రమాదం ఉంది. గతంలోనూ ఎన్నో మతపెద్దలు, సాంప్రదాయ వేత్తలు తిరుమలను “నో ఫ్లయింగ్ జోన్”గా ప్రకటించాలని ప్రభుత్వానికి విజ్ఞప్తి చేశారు. కానీ ఇప్పటివరకు ఈ అంశం యథావిధిగా ఉండిపోతోంది.
డ్రోన్ కలకలం: భద్రతా లోపాలపై మళ్లీ ప్రశ్నలు
తాజాగా మరో సంచలన ఘటన వెలుగులోకి వచ్చింది. రాజస్థాన్‌కు చెందిన యూట్యూబర్ అన్షుమన్ తరెజా తిరుమల శ్రీవారి ఆలయం పరిసర ప్రాంతాల్లో డ్రోన్ కెమెరా సహాయంతో 10 నిమిషాలపాటు వీడియో షూట్ చేశాడు. ఈ ఘటన మంగళవారం సాయంత్రం చోటు చేసుకుంది. శ్రీవారి ఆలయం ఎదురుగా ఉన్న హరినామ సంకీర్తన మండపం వద్ద అతను డ్రోన్‌ను ఎగురవేసినట్లు టీటీడీ విజిలెన్స్ సిబ్బంది గుర్తించారు. భక్తుల మధ్య అర్ధరాత్రి సమయం అయినా డ్రోన్ నింగిలో తిరుగుతుండటం భక్తులను భయభ్రాంతులకు గురిచేసింది. సమాచారాన్ని వెంటనే అందుకున్న విజిలెన్స్ అధికారులు తక్షణమే స్పందించి యువకుడిని అదుపులోకి తీసుకున్నారు. డ్రోన్‌ను స్వాధీనం చేసుకొని స్థానిక పోలీసులకు అప్పగించారు.
భద్రతపై కొత్త ఆందోళనలు – చర్యలు తీసుకోవాల్సిన అవసరం
ఈ ఘటన మరోసారి తిరుమల భద్రతపై ప్రశ్నలు లేవనెత్తింది. దేశంలోని అత్యంత భక్తులు వచ్చే తీర్థక్షేత్రంగా పేరుగాంచిన తిరుమలలో ఈ తరహా సాంకేతిక ఉల్లంఘనలు జరగటం విచారకరం. డీఆర్‌డీఓ, ఎన్టీఆర్ఎఫ్, పోలీసు విభాగాల సహకారంతో తిరుమలలో ఎప్పటికప్పుడు భద్రతా ముమ్మరం చేస్తున్నట్టు టీటీడీ చెబుతోంది. అయినా ఇటువంటి ఘటనలు జరగడం వల్ల భక్తులలో నమ్మకం దెబ్బతింటోంది. ఇకనైనా తిరుమల కొండలపై “పర్మనెంట్ నో ఫ్లయింగ్ జోన్”గా ప్రకటించి, డ్రోన్లపై సంపూర్ణ నిషేధం విధించాలి. భవిష్యత్తులో శ్రీవారి ఆలయ గోపురాలను, గర్భగృహాన్ని లక్ష్యంగా చేసుకుని ఎవరైనా దురుద్దేశంతో డ్రోన్ వినియోగిస్తే ప్రమాదం తప్పదు.
READ ALSO: Andhra Pradesh: ఏపీ కేబినెట్‌ భేటీలో పలు కీలక నిర్ణయాలకు ఆమోదం
ద అమేజాన్ గ్రేట్ ఇండియన్ ఫెస్టివల్ 2024లో 140 కోట్ల మంది కస్టమర్లు సందర్శించారు - ఇంతకు ముందు ఎన్నడూ లేని విధంగా అత్యధిక సంఖ్య ఇది! Read more
అమరావతి: ముఖ్యమంత్రి చంద్రబాబు ఉత్తరాంధ్రను సందర్శిస్తున్నారు. నిన్న దీపం-2 పథకాన్ని ప్రారంభించిన ఆయన శ్రీకాకుళంలోని ఆర్ అండ్ బీ అతిథి గృహంలో బస చేశారు. అయితే ఈ Read more
హైదరాబాద్‌లో చైల్డ్ ట్రాఫికింగ్ కేసు కలకలం రేపుతోంది. అహ్మదాబాద్‌కు చెందిన వందన అనే మహిళ నేతృత్వంలో ఓ పెద్ద ముఠా పిల్లలను అక్రమంగా కొనుగోలు చేసి విక్రయిస్తున్నట్లు Read more
జమ్మూకశ్మీర్‌లోని పహల్గామ్ ఉగ్రదాడి దేశాన్ని హడలెత్తించింది.ఈ దాడిలో 26 మంది అమాయకులు బలయ్యారు.ఇది దేశవ్యాప్తంగా తీవ్ర ఉద్వేగానికి దారి తీసింది.ఈ నేపథ్యంలో, బీబీసీ ప్రచురించిన కథనంపై కేంద్రం Read more