మత్స్యకారులకు శుభవార్త చెప్పిన ప్రభుత్వం
![](https://www.vaartha.com/wp-content/uploads/2024/07/The-government-has-given-go.jpg)
మత్స్యకారులకు ఏపీ సర్కార్ తీపి కబురు అందించింది. మత్స్యకారులకు అండగా ఉండేలా GO 217ను రద్దు చేస్తున్నట్లు మంత్రి అచ్చెన్నాయుడు ప్రకటించారు. వైసీపీ ప్రభుత్వం GO నం.217 తెచ్చి మత్స్యకారుల పొట్ట కొట్టిందని ఆగ్రహం వ్యక్తం చేసారు.
ఈ GOతో సొసైటీల పరిధిలోని చెరువులను వైసీపీ కార్యకర్తలకు అప్పగించి లక్షలాది మత్స్యకారులను ఇబ్బంది పెట్టిందని ఆరోపించారు. GO రద్దుతో 3325 చిన్న తరహా సాగునీటి చెరువులు, 3,920 పంచాయతీ చెరువుల, 118 పెద్ద రిజర్వాయర్లు తిరిగి మత్స్యకార సొసైటీలకే దక్కనున్నాయి. ఈ నిర్ణయంతో రాష్ట్ర వ్యాప్తంగా ఉన్న మత్స్యకార కుటుంబాల్లో ఆనందం నెలకొంది.