భారతదేశం మరియు పాకిస్తాన్ మధ్య ఉద్రిక్తతలు పెరిగిన నేపథ్యంలో, భారత ప్రభుత్వం కీలక చర్యలు తీసుకుంటోంది. ఇటీవల పహల్గామ్ ఉగ్రదాడి తర్వాత, భారత్ పాకిస్తాన్ రక్షణ శాఖ మంత్రి ఖవాజా ఆసిఫ్‌కు చెందిన అధికారిక ఎక్స్ ఖాతాను నిలిపివేసింది. ఇది రెండు దేశాల మధ్య సంబంధాలు మరింత క్షీణిస్తున్న తరుణంలో తీసుకున్న చర్య.ఇది ముందు, ఐదు రోజుల క్రితం, పాకిస్తాన్ ప్రభుత్వానికి చెందిన అధికారిక ఎక్స్ ఖాతా కూడా చట్టపరమైన అభ్యర్థన మేరకు భారత్‌లో నిలిపివేయబడింది.ఇప్పుడు రక్షణ మంత్రి ఖాతాను కూడా నిలిపివేయడం ద్వారా భారత్ తన వైఖరిని మరింత స్పష్టం చేసింది.అంతకుముందు, సోమవారం, భారత్‌ను లక్ష్యంగా చేసుకుని రెచ్చగొట్టే, మత విద్వేషాలను ప్రేరేపించే కంటెంట్, తప్పుడు సమాచారాన్ని వ్యాప్తి చేస్తున్నాయన్న ఆరోపణలపై 16 పాకిస్తానీ యూట్యూబ్ ఛానెళ్లపై భారత ప్రభుత్వం నిషేధం విధించింది. కేంద్ర హోం మంత్రిత్వ శాఖ సిఫార్సు మేరకు ఈ చర్య తీసుకున్నారు.ఇదిలా ఉండగా, పాకిస్తాన్ రక్షణ మంత్రి ఖవాజా ఆసిఫ్ గత వారం చేసిన వ్యాఖ్యలు తీవ్ర వివాదాస్పదమయ్యాయి. ఇస్లామాబాద్ గతంలో ఉగ్రవాద గ్రూపులకు నిధులు సమకూర్చి, మద్దతు ఇచ్చిందని ఆయన అంగీకరించినట్లుగా ఉన్న ఒక వీడియో క్లిప్ వైరల్ అయింది. “మేము సుమారు 3 దశాబ్దాల పాటు అమెరికా కోసం.
బ్రిటన్‌తో సహా పశ్చిమ దేశాల కోసం ఈ మురికి పని చేశాం.అది పొరపాటు, దానివల్ల మేము నష్టపోయాం” అని ఆయన అన్నట్లు ఆ వీడియోలో ఉంది.అదే సమయంలో, భారత్ ఏదైనా దాడికి పాల్పడితే అది ఇరు అణ్వస్త్ర దేశాల మధ్య పూర్తిస్థాయి యుద్ధానికి దారితీయవచ్చని ఆసిఫ్ హెచ్చరించినట్లు డాన్ పత్రిక పేర్కొంది. “ఒకవేళ పూర్తిస్థాయి దాడి లేదా అలాంటిదేదైనా జరిగితే, అప్పుడు స్పష్టంగా పూర్తిస్థాయి యుద్ధం ఉంటుంది” అని ఆసిఫ్ స్కై న్యూస్‌తో చెప్పినట్లు ఆ పత్రిక నివేదించింది.పహల్గామ్ దాడిలో పాకిస్తాన్ ప్రమేయం ఉందన్న ఆరోపణలను ఖవాజా ఆసిఫ్ తోసిపుచ్చారు. “ఢిల్లీ నుంచి వచ్చిన ప్రతిస్పందన ఆశ్చర్యం కలిగించలేదు… ఏదో ఒక సంక్షోభాన్ని సృష్టించేందుకే ఇదంతా పన్నారు,” అని ఆయన ఆరోపించారు. దాడికి పాల్పడినట్లు చెబుతున్న ది రెసిస్టెన్స్ ఫ్రంట్ (TRF) అనే సంస్థ విశ్వసనీయతను కూడా ఆయన ప్రశ్నించారు. “ఆ సంస్థ పేరు నేనెప్పుడూ వినలేదు” అని ఆసిఫ్ అన్నట్లు సమాచారం.ఈ పరిణామాలు భారత్-పాకిస్తాన్ సంబంధాల్లో కొత్త మలుపు తిప్పాయి. భారత ప్రభుత్వం తీసుకున్న చర్యలు, పాకిస్తాన్ మంత్రి చేసిన వ్యాఖ్యలు, రెండు దేశాల మధ్య భద్రతా అంశాలపై కొత్త చర్చలకు దారితీయవచ్చని విశ్లేషకులు అభిప్రాయపడుతున్నారు.
Read Also : Pahalgam Attack : ఉగ్రదాడి బాధిత కుటుంబానికి పవన్ రూ.50 లక్షల సాయం
ఐపీఎల్ గత సీజన్ కేఎల్ రాహుల్ ఒడిదుడుకులను ఎదుర్కొన్నాడు. అతను లక్నోలో భాగంగా ఉన్నాడు. చాలా విమర్శలను ఎదుర్కోవలసి వచ్చింది. నెమ్మదిగా బ్యాటింగ్ చేస్తున్నాడని అతనిపై తీవ్రమైన Read more
మహారాష్ట్ర నవనిర్మాణ సేన (ఎంఎన్ఎస్) చీఫ్ రాజ్ థాకరే నూతన సంవత్సర సందేశంలో, మహారాష్ట్ర ప్రజలు తమ సమస్యల పరిష్కారం కోసం తన పార్టీని ఆశ్రయిస్తున్నారని, కానీ Read more
ఆపరేషన్‌ సిందూర్‌కు ప్రతీకారం తీర్చుకోవాలని భావిస్తున్న పాకిస్థాన్‌కు వరుస షాకులు తగులుతున్నాయి. భారత్‌పై తీవ్రంగా దాడులకు తెగబడుతున్న దాయాది పూర్తిగా ఫ్లాప్ అవుతోంది. పాక్ దాడుల్ని మన Read more
పశ్చిమ బెంగాల్ హింసపై బంగ్లాదేశ్ అధికారులు చేసిన వ్యాఖ్యలను భారత్ గట్టిగా తిప్పికొట్టింది. భారత్కు ధర్మోపదేశాలు చేసే బదులు, బంగ్లాదేశ్లో ఉన్న మైనారిటీల హక్కులను పరిరక్షించడంపై దృష్టి Read more