ఈ నెల 25న తెల్లవారుజామున ఆకాశంలో ఒక అద్భుతం చోటుచేసుకోనుంది. ప్రకృతి మనకు ఈసారి అసలైన “స్మైలీ” చూపించబోతోంది. శుక్రుడు, శని మరియు నెలవంక కలిసి ఆకాశంలో చిరునవ్వుతో ఉన్న ముఖాన్ని తలపించనున్నారు.ఈ విశేష దృశ్యాన్ని ‘స్మైలీ ఫేస్ కన్జంక్షన్’గా శాస్త్రజ్ఞులు పేర్కొన్నారు. ‘లైవ్‌సైన్స్’ అనే ఖగోళ వెబ్‌సైట్ ఈ విషయాన్ని వెల్లడించింది. ఏప్రిల్ 25న తెల్లవారుజాముకి ముందు ఈ ఘట్టం జరగనుంది.శుక్రుడు, శని గ్రహాలు చాలా దగ్గరగా కనిపించబోతున్నాయి. ఆ రెండు గ్రహాలు కళ్లా కనిపిస్తే, మధ్యలో ఉన్న నెలవంక నవ్వుతున్న పెదాల్లా భాసించనుంది. దీన్ని చూసినవాళ్లకు నిజంగా ఆనందం కలగడం ఖాయం.ఈ అరుదైన దృశ్యం ప్రపంచంలో ఎక్కడినుంచైనా చూడవచ్చు అయితే, ఇది చాలా చిన్న వ్యవధిలో మాత్రమే కనిపిస్తుంది. కాబట్టి సూర్యోదయం కాకముందే చూస్తే మంచిది.నాసా సౌర కుటుంబ అంబాసిడర్ బ్రెండా కల్‌బర్ట్సన్ మాట్లాడుతూ, “ఇది ఖగోళ ప్రపంచంలో ఒక అందమైన క్షణం.
ఖచ్చితమైన సమయానికే చూస్తేనే అసలైన స్మైల్ కనిపిస్తుంది” అన్నారు.ఈ గ్రహాలు కాంతివంతంగా ఉండటంతో మన కళ్లకే కనిపించవచ్చు.కానీ అసలైన ‘స్మైలీ’ రూపాన్ని చూడాలంటే టెలిస్కోప్ లేదా బైనాక్యులర్ ఉపయోగించడం ఉత్తమం. అప్పుడే ఇది మరింత స్పష్టంగా, అందంగా కనిపిస్తుంది.అయితే ఇది ఒక ఖగోళ యాదృచ్ఛికం మాత్రమే. మన దృష్టిలో ఇలా కనిపించడమే తేడా. గ్రహాల మధ్య దూరాలు వేల కోట్ల కిలోమీటర్ల దూరంలో ఉన్నా, మనకు అవి ఒకే ప్రదేశంలో ఉన్నట్టు కనిపిస్తాయి.ఇలాంటి ఖగోళ సంఘటనలు అరుదుగా జరుగుతాయి. 2023లో ఇలాంటిదే మరోసారి చోటుచేసుకుంది. కానీ ఈసారి వచ్చే దృశ్యం మరింత స్పష్టంగా ఉండబోతుంది.స్టార్‌ గేజర్స్, ఖగోళ ప్రియులు ఈ దృశ్యాన్ని మిస్ కాకూడదు. మీ వద్ద టెలిస్కోప్ లేకపోయినా, దూరంగా ఉండే ప్రదేశాల్లో కనిపించే ప్రకాశం ద్వారా కొంతమేర వరకు ఆనందించవచ్చు.ఈ దృశ్యం చిన్నారులకు కూడా ఖగోళంలో ఆసక్తి కలిగించే అవకాశం ఉంది. వారిని ఈ అరుదైన ప్రకృతి చిత్రాన్ని చూపించండి. ఇది గగనతలంపై ప్రకృతి వేసే ఒక చిరునవ్వు లాంటిది.ఈ అద్భుతాన్ని చూసి మీరు కూడా నవ్వేయకుండా ఉండలేరు ఏప్రిల్ 25 తెల్లవారుజామున ఆకాశాన్ని చూస్తూ, ప్రకృతి మనతో ఎలా నవ్వుతుందో అనుభవించండి.
Read Also : 60 ఏళ్ల వయసులో పెళ్లి పీటలెక్కిన బీజేపీ నేత