ఎమ్మెల్యే అరికెపూడి ఇంటి వద్ద భద్రత కట్టుదిట్టం
తెలంగాణ లో రాజకీయాలు మరింత వేడెక్కాయి. కాంగ్రెస్ – బిఆర్ఎస్ మధ్య పెద్ద రగడ నడుస్తుంది. ఎమ్మెల్యేలు పాడి కౌశిక్ రెడ్డి, అరికెపూడి గాంధీ పరస్పర సవాళ్లతో తెలంగాణ రాజకీయం ఒక్కసారిగా వేడెక్కింది. దీంతో ఎప్పుడు ఏం జరుగుతుందో అనే టెన్షన్ నెలకొంది. నేడు ఎమ్మెల్యే అరికెపూడి గాంధీ ఇంట్లో బీఆర్ఎస్ నేతలు భేటీకి పిలుపునిచ్చారు.
దీంతో ఎలాంటి ఉద్రికతలు చోటుచేసుకుంటాయి అని చెప్పి..పోలీసులు ఎక్కడిక్కడే బిఆర్ఎస్ నేతలను హౌస్ అరెస్ట్ చేస్తున్నారు. అలాగే అరికెపూడి గాంధీ, కౌశిక్రెడ్డి, ఎమ్మెల్సీ శంభీపూర్రాజు ఇళ్ల వద్ద పోలీసులు మోహరించారు. తనకు బీఆర్ఎస్ పార్టీ, కేసీఆర్ అంటే ఎంతో గౌరవమని శేరిలింగంపల్లి ఎమ్మెల్యే అరికెపూడి గాంధీ స్పష్టం చేశారు. పార్టీలో కోవర్టుగా వ్యవహరిస్తూ ఎన్నికల్లో ఓటమికి కారకులయ్యారంటూ కౌశిక్ రెడ్డిపై విరుచుకుపడ్డారు.
