21న సికింద్రాబాద్ బోనాలు, 22న రంగం భవిష్యవాణి: తలసాని
![](https://www.vaartha.com/wp-content/uploads/2024/07/Secunderabad-Bonalu-on-21st-Rangam-Predictions-on-22nd.-Talasani.jpg)
హైదరాబాద్ః ఈ నెల 21 న సికింద్రాబాద్ లష్కర్ బోనాల ఉత్సవాలపై మాజీ మంత్రి తలసాని శ్రీనివాస్ యాదవ్ కీలక ప్రకటన చేశారు. సికింద్రాబాద్ లోని మహంకాళి ఆలయం వద్ద అధికారులతో కలిసి పర్యటించారు ఎమ్మెల్యే తలసాని శ్రీనివాస్ యాదవ్. ఈ సందర్భంగా ఆయన మాట్లాడుతూ…ఈ నెల 21న బోనాలు, 22 న రంగం భవిష్యవాణి కార్యక్రమం ఉంటుందని వెల్లడించారు.
అమ్మవారి దర్శనానికి వచ్చే లక్షలాదిమంది భక్తులు ఎలాంటి ఇబ్బందులు తలెత్తకుండా ఏర్పాట్లు చేస్తున్నట్లు చెప్పారు మాజీ మంత్రి తలసాని శ్రీనివాస్ యాదవ్. తెలంగాణ రాష్ట్రం ఏర్పడిన తర్వాత రాష్ట్ర పండుగగా ప్రకటించింది కేసీఆర్ అని గుర్తు చేశారు. దీంతో దేశ వ్యాప్తంగా బోనాల ఉత్సవాల విశిష్టత మరింత పెరిగిందన్నారు మాజీ మంత్రి తలసాని శ్రీనివాస్ యాదవ్. అందరి భాగస్వామ్యం తో అత్యంత ఘనంగా బోనాల ఉత్సవాలు ఉంటాయన్నారు మాజీ మంత్రి తలసాని శ్రీనివాస్ యాదవ్.
కాగా, భాగ్యనగరంలో బోనాల సందడి షురూ అయ్యింది. గోల్కొండ అమ్మవారికి బోనమెత్తడంతో ఉత్సవాలు మొదలయ్యాయి. అలాగే ఈనెల 21న సికింద్రాబాద్ ఉజ్జయిని మహంకాళి బోనాల ఉత్సవాలు జరుగనున్నాయి. ఈ క్రమంలో ఎమ్మెల్యే తలసాని శ్రీనివాస్ యాదవ్ శనివారం సికింద్రాబాద్లో పర్యటించారు. మహాంకాళి ఆలయం వద్ద అధికారులతో కలిసి పర్యటించిన ఎమ్మెల్యే అక్కడి ఏర్పాట్లను పరిశీలించారు. అనంతరం ఆయన మీడియాతో మాట్లాడుతూ… ఈనెల 21 సికింద్రాబాద్ మహంకాళీ అమ్మవారి బోనాలు, 22న రంగం (భవిష్యవాణి) జరుగనుందని తెలిపారు.