శాంసంగ్ మరోసారి మార్కెట్లో హల్‌చల్ చేయడానికి సిద్ధమైంది గెలాక్సీ ‘ఎం’ సిరీస్‌కి కొనసాగింపుగా కొత్తగా గెలాక్సీ ఎం56 5జీ స్మార్ట్‌ఫోన్‌ను భారత మార్కెట్లోకి విడుదల చేసింది. గత ఏడాది వచ్చిన గెలాక్సీ ఎం55 మోడల్‌కి మంచి స్పందన రావడంతో, దాని అప్‌గ్రేడ్ వర్షన్‌గా ఇది వచ్చింది. ఆకర్షణీయమైన డిజైన్, మన్నికైన పనితీరు, అద్భుతమైన కెమెరాలతో ఈ ఫోన్‌ని మార్కెట్లోకి తీసుకొచ్చింది శాంసంగ్. గెలాక్సీ ఎం56 5జీ లో 6.73 అంగుళాల ఫుల్ హెచ్‌డీ+ సూపర్ అమోలెడ్ ప్లస్ డిస్‌ప్లే ఉంది. ఇది 120Hz రిఫ్రెష్ రేట్‌కి మద్దతుతో పాటు విజన్ బూస్టర్ టెక్నాలజీని కలిగి ఉంది. దీని వల్ల రంగులు తక్కువ కాంతిలో కూడా క్లారిటీగా కనిపిస్తాయి. ప్రాసెసింగ్ కోసం శక్తివంతమైన ఎగ్జినోస్ 1480 చిప్‌సెట్‌ను ఇందులో ఏర్పాటు చేశారు. ఇది ఆండ్రాయిడ్ 15 ఆధారిత వన్‌యూఐ 7 మీద నడుస్తుంది. ఆరు సంవత్సరాల పాటు మెజర్ ఓఎస్ అప్డేట్స్, 2030 వరకు సెక్యూరిటీ అప్డేట్స్ అందిస్తామంటోంది శాంసంగ్.
కెమెరా ఫీచర్లు
ఫోటోగ్రఫీ ప్రియుల కోసం ఈ ఫోన్ వెనుక ట్రిపుల్ కెమెరా సెటప్‌ తో వచ్చింది. ఇందులో 50 మెగాపిక్సెల్ ప్రధాన కెమెరా OIS సపోర్ట్‌తో ఉంటుంది. 8 మెగాపిక్సెల్ అల్ట్రా వైడ్ కెమెరా, 2 మెగాపిక్సెల్ మ్యాక్రో లెన్స్ ఉన్నాయి. ముందుభాగంలో 12 మెగాపిక్సెల్ సెల్ఫీ కెమెరా ఉంది. ఆర్టిఫిషియల్ ఇంటెలిజెన్స్ ఆధారిత ఫీచర్లు కూడా ఇందులో పొందుపరిచారు. ఇమేజ్ క్లిపర్, ఆబ్జెక్ట్ ఎరేజర్‌ వంటి టూల్స్‌ ద్వారా ఫోటోలు సులభంగా ఎడిట్ చేసుకోవచ్చు.
డిజైన్, బ్యాటరీ, ఇతర అంశాలు
డిజైన్ విషయానికొస్తే, ఈ ఫోన్ బ్లాక్, లైట్ గ్రీన్ కలర్స్‌లో అందుబాటులో ఉంటుంది. కేవలం 7.2 మిల్లీమీటర్ల మందంతో, 180 గ్రాముల తూగుతో ఈ ఫోన్, ఈ సెగ్మెంట్‌లో హల్కీగా ఉంటుంది. డిస్‌ప్లేకు కార్నింగ్ గొరిల్లా గ్లాస్ విక్టస్ ప్లస్ రక్షణ ఉంది. 5,000 ఎంఏహెచ్ బ్యాటరీ 45 వాట్ల ఫాస్ట్ ఛార్జింగ్‌కి సపోర్ట్ చేస్తుంది. అయితే బాక్స్‌లో ఛార్జింగ్ అడాప్టర్ ఇవ్వడం లేదు. కేవలం టైప్-సి కేబుల్ మాత్రమే వస్తుంది. కనెక్టివిటీ విషయాల్లో 5జీ, 4జీ ఎల్టీఈ, వైఫై, బ్లూటూత్ 5.4, జీపీఎస్, ఎన్‌ఎఫ్‌సీ వంటి అవసరమైన అన్ని ఆప్షన్లు ఉన్నాయి. గెలాక్సీ ఎం56 5జీ 8జీబీ RAM + 128జీబీ స్టోరేజ్ వేరియంట్ ధర రూ.27,999గా ఉంది. 256జీబీ వేరియంట్ కూడా అందుబాటులో ఉంటుంది. ఈ ఫోన్ ఏప్రిల్ 23 నుంచి అమెజాన్‌, శాంసంగ్ ఇండియా వెబ్‌సైట్‌ లో అమ్మకానికి లభ్యం కానుంది. హెచ్‌డీఎఫ్‌సీ బ్యాంక్ కార్డు ద్వారా కొనుగోలు చేస్తే రూ.3,000 తక్షణ డిస్కౌంట్‌ను పొందవచ్చు.ఈ కొత్త గెలాక్సీ ఎం56 5జీ, శాంసంగ్ అభిమానులకే కాదు, మిడ్‌రేంజ్ సెగ్మెంట్‌లో ప్రీమియమ్ ఫీచర్లు ఆశించే వినియోగదారులకు కూడా మంచి ఎంపిక అవుతుంది.
అమెరికా, చైనా మ‌ధ్య సుంకాల యుద్ధం న‌డుస్తున్న విష‌యం తెలిసిందే. అయితే అమెరికాకు చెందిన బోయింగ్ కంపెనీ నుంచి విమానాల‌ను ఖ‌రీదు చేయ‌వ‌ద్దు అని త‌మ ఎయిర్‌లైన్స్ Read more
జమ్మూ కాశ్మీర్ పహల్గామ్'లో టూరిస్టుల పై జరిగిన దాడి తర్వాత ఆసియాలోనే అతిపెద్ద వ్యాపారవేత్త, బిలియనీర్ ముఖేష్ అంబానీ పహల్గామ్ ఘటనలో గాయపడిన వారికి ఉచితంగా చికిత్స Read more
దేశీయ స్టాక్ మార్కెట్లు ఈరోజు నిజంగా ఊహించని రీతిలో జోరందుకున్నాయి. అమెరికా అధ్యక్షుడు డొనాల్డ్ ట్రంప్ చేసిన కీలక ప్రకటన ఈ లాభాలకు ప్రధాన కారణంగా నిలిచింది. Read more
ఏటీఎం విత్‌డ్రా ఛార్జీలు పెరుగుతున్నాయ్ దేశవ్యాప్తంగా డిజిటల్‌ లావాదేవీల ప్రాముఖ్యత పెరిగినా, ఇప్పటికీ క్యాష్‌ ట్రాన్సాక్షన్లు ఓ పెద్ద శాతం ప్రజల జీవితాల్లో భాగమై ఉన్నాయి. చాలా Read more