తెలంగాణ రాష్ట్రాన్ని పర్యాటక రంగంలో అభివృద్ధి చేయడం ద్వారా యువతకు ఉపాధి అవకాశాలు అందించాల్సిన అవసరం ఉందని ముఖ్యమంత్రి రేవంత్ రెడ్డి అన్నారు. టూరిజం శాఖపై సమీక్ష నిర్వహించిన సీఎం, ప్రత్యేకమైన టూరిస్టు పాలసీ రూపొందించేందుకు అధికారులను ఆదేశించారు. పర్యాటక రంగం అభివృద్ధి ద్వారా యువతకు ఉపాధి అవకాశాలు పెరుగుతాయని సీఎం అభిప్రాయపడ్డారు. ప్రత్యేకంగా హైదరాబాదు, వికారాబాద్, వరంగల్, ఆదిలాబాద్ వంటి ప్రాంతాలను అంతర్జాతీయ స్థాయికి తీసుకెళ్లేలా ప్రణాళికలు రూపొందించాలని సూచించారు. ఇకపోతే, తెలంగాణలో ఆధ్యాత్మిక, సాహస, చారిత్రక, వైల్డ్‌లైఫ్ టూరిజం వంటి విభాగాలను మరింత ప్రోత్సహించాలని సీఎం స్పష్టం చేశారు. ఈ నూతన టూరిజం పాలసీ ద్వారా ప్రైవేట్ పెట్టుబడిదారులను ఆకర్షించడంతో పాటు, టూరిజం ఇన్‌ఫ్రాస్ట్రక్చర్‌ను అభివృద్ధి చేయాలని పేర్కొన్నారు.
వెడ్డింగ్ హబ్‌గా తెలంగాణ:
రాష్ట్రాన్ని డెస్టినేషన్ వెడ్డింగ్‌లకు ముఖ్య కేంద్రంగా మార్చాలని సీఎం సూచించారు. ఇందులో భాగంగా నాగార్జునసాగర్ బ్యాక్ వాటర్‌లో బోట్ హౌస్ ఏర్పాటు చేయాలని ఆయన ఆదేశించారు. అంతేకాదు, ఆలయాలు, అభయారణ్యాలు, జలపాతాలు, బౌద్ధ స్మారకాలను అభివృద్ధి చేసి పర్యాటకులను ఆకర్షించేందుకు చర్యలు తీసుకోవాలని సూచించారు.మొత్తంగా, తెలంగాణను పర్యాటక రంగంలో అగ్రగామిగా మార్చేందుకు ప్రభుత్వం కీలక నిర్ణయాలు తీసుకోనుంది.
అంశాల వారీగా టూరిజం అభివృద్ధి ప్రణాళికలు:
– అటవీ, ఐటీ, విద్యుత్, వైద్య, క్రీడా శాఖల సమన్వయం – టూరిజం అభివృద్ధికి వివిధ శాఖల సమన్వయం అవసరమని సీఎం తెలిపారు.
– గ్రామీణ, సెమీ అర్బన్ ప్రాంతాల్లో పెట్టుబడులు – పర్యాటక రంగంలో పెట్టుబడులు పెట్టే వారికి ప్రోత్సాహకాలు కల్పించాలని సూచించారు.
– సరైన ప్రచారం & సౌకర్యాల అభివృద్ధి – తెలంగాణలోని భద్రాచలం, సలేశ్వరం, రామప్ప ఆలయం, మల్లెల తీర్థం, బొగత జలపాతాలు, జైన ఆలయాలకు ప్రపంచవ్యాప్తంగా ప్రచారం కల్పించాల్సిన అవసరం ఉందన్నారు.
భువనగిరి కోట రోప్ వే – పనుల పురోగతి:
భువనగిరి కోట వద్ద రోప్ వే నిర్మాణానికి భూ సేకరణ దశ పూర్తి కావడంతో, త్వరలోనే టెండర్లు పిలవాలని సీఎం అధికారులను ఆదేశించారు. చారిత్రక కట్టడాలను పరిరక్షించేందుకు అవసరమైన చర్యలు తీసుకోవాలని సూచించారు. అడ్వెంచ‌ర్ స్పోర్ట్స్‌కు పర్యాటక శాఖ‌లో ప్రాధాన్యం ఇవ్వాలి. వైద్య అవ‌స‌రాల‌కు విదేశాల నుంచి వ‌చ్చే వారికి ఎటువంటి ఇబ్బందులు లేకుండా ప‌ర్యాట‌కుల్లా వ‌చ్చిపోయేలా అన్ని చర్యలు తీసుకోవాలి. పర్యాటక శాఖ‌కు బడ్జెట్ కేటాయింపులు పెరిగేలా చూస్తాం. అని సీఎం రేవంత్ రెడ్డి వ్యాఖ్యనించారు.
మొత్తంగా, తెలంగాణను పర్యాటక రంగంలో అగ్రగామిగా మార్చేందుకు ప్రభుత్వం కీలక నిర్ణయాలు తీసుకోనుంది. ఈ సమావేశంలో తెలంగాణ పర్యాటక శాఖ మంత్రి జూప‌ల్లి కృష్ణారావు, సీఎం ముఖ్య స‌ల‌హాదారు వేం న‌రేంద‌ర్ రెడ్డి, రాష్ట్ర ప‌ర్యాట‌కాభివృద్ధి సంస్థ ఛైర్మన్ ప‌టేల్ ర‌మేశ్ రెడ్డి, సీఎస్ శాంతి కుమారి, పర్యాటక శాఖ ఉన్నతాధికారులు పాల్గొన్నారు. ప్రభుత్వం తీసుకుంటున్న ఈ నిర్ణయాలతో తెలంగాణ దేశవ్యాప్తంగా ప్రీమియర్ టూరిజం హబ్‌గా ఎదగనుంది.
భారత రాష్ట్ర సమితి (BRS) వర్కింగ్ ప్రెసిడెంట్ కేటీఆర్, తెలంగాణ ముఖ్యమంత్రి ఎ. రేవంత్ రెడ్డి, తనను ఐటీ ఉద్యోగి అని పిలవడంపై గురువారం స్పందించారు. ఆయన Read more
తెలంగాణ రాష్ట్ర ఆర్థిక పరిస్థితికి సంబంధించిన కీలక వివరాలను కేంద్ర ప్రభుత్వం లోక్‌సభలో వెల్లడించింది. కేంద్ర ఆర్థిక శాఖ సహాయమంత్రి పంకజ్ చౌదరి ప్రకారం, తెలంగాణకు మొత్తం Read more
హైదరాబాద్‌ : రాష్ట్ర ప్రభుత్వం రూ.569 కోట్ల రైతు భరోసా విడుదల చేసింది. మొత్తం 32 జిల్లాల్లో 563 గ్రామాలలో 4,41,911 మంది రైతులకు ఎకరానికి రూ.12 Read more
తెలుగు రాష్ట్రాలకు సంబంధించి గోదావరి నదీ యాజమాన్య బోర్డు (GRMB) ఈ నెల 25న కీలక సమావేశం నిర్వహించనుంది. ఈ భేటీలో ఆంధ్రప్రదేశ్, తెలంగాణ ప్రభుత్వ అధికారులతో Read more