భారత జట్టు మాజీ ప్రధాన కోచ్ రాహుల్ ద్రవిడ్ ఇటీవల సుదీర్ఘ విరామం తర్వాత జట్టు ప్రధాన ఆటగాళ్లు రోహిత్ శర్మ, విరాట్ కోహ్లీ, మరియు యువ ఆటగాడు రిషభ్ పంత్‌ను కలుసుకోవడం క్రీడా ప్రపంచంలో ప్రత్యేక చర్చనీయాంశమైంది. న్యూజిలాండ్‌తో మొదలయ్యే టెస్ట్ సిరీస్ నేపథ్యంలో, బెంగళూరులోని ఎం. చిన్నస్వామి స్టేడియంలో ఆదివారం నెట్ ప్రాక్టీస్ సెషన్‌లో పాల్గొన్న ఈ ప్రముఖ ఆటగాళ్లను రాహుల్ ద్రవిడ్ ఆకస్మికంగా సందర్శించారు. ఈ సందర్శనతో ఆటగాళ్లకు ఆయన సర్‌ప్రైజ్ ఇచ్చాడు.
నెట్ ప్రాక్టీస్ సమయంలో ఆటగాళ్లతో సరదాగా మాట్లాడిన ద్రవిడ్, తన అనుభవాలను పంచుకున్నారు. ఆటగాళ్లు ద్రవిడ్‌తో మాట్లాడుతున్న వీడియో ఒకటి సోషల్ మీడియాలో వైరల్‌గా మారింది. ద్రవిడ్ పదవీ కాలం టీ20 ప్రపంచ కప్ 2024 తర్వాత ముగిసినప్పటికీ, ఈ టెస్ట్ సిరీస్‌కు ముందు ఆయన జట్టును కలవడం ప్రత్యేకం.
ఇక, భారత్ – న్యూజిలాండ్ మధ్య టెస్ట్ సిరీస్ బుధవారం ప్రారంభం కానుంది. ఈ సిరీస్ కోసం కెప్టెన్ రోహిత్ శర్మ నాయకత్వంలోని భారత జట్టు ప్రాక్టీస్‌లో నిమగ్నమవుతోంది. న్యూజిలాండ్ కూడా ఇప్పటికే భారత్‌కు చేరుకుని ప్రాక్టీస్‌ను ప్రారంభించింది. న్యూజిలాండ్ ఈ పర్యటనకు ముందు శ్రీలంక పర్యటనలో 2-0తో సిరీస్‌ను కోల్పోయింది. ఆ తర్వాత, సౌతీ తన కెప్టెన్సీ బాధ్యతల నుంచి తప్పుకుంటున్నట్లు ప్రకటించాడు, దాంతో టామ్ లాథమ్ ఈ సిరీస్‌కు న్యూజిలాండ్ జట్టుకు నాయకత్వం వహించనున్నాడు.
భారత్‌లో జరగనున్న ఈ టెస్ట్ సిరీస్ పట్ల అభిమానుల్లో భారీ అంచనాలు నెలకొన్నాయి. రోహిత్, కోహ్లీ వంటి స్టార్ ప్లేయర్ల ప్రదర్శనపై అందరి దృష్టి నిలిచినప్పటికీ, రిషభ్ పంత్ వంటి యువ ఆటగాళ్లకు కూడా మంచి అవకాశాలు ఉన్నాయి.
రావల్పిండి: ఇంగ్లండ్‌తో జరుగుతున్న మూడో, చివరి టెస్టులో పాకిస్థాన్‌ జట్టు మ్యాచ్‌పై గట్టి పట్టు సాధించింది. ఇంగ్లండ్ 77 పరుగుల లోటుతో రెండో ఇన్నింగ్స్‌ ప్రారంభించగా, శుక్రవారం Read more
ఈ టోర్నమెంట్ 2025 ఫిబ్రవరి 6 లేదా 7 నుంచి ప్రారంభం అవుతుంది. ఈసారి టోర్నీ వేదికలపై బీసీసీఐ తుది నిర్ణయం తీసుకుంది. అందులో, ఫైనల్ మ్యాచ్ Read more
మలేషియాలో జరుగుతున్న ఐసీసీ అండర్ 19 మహిళల టీ20 ప్రపంచకప్‌లో తెలుగు అమ్మాయి గొంగడి త్రిష అద్భుతమైన రికార్డును సృష్టించింది. స్కాట్లాండ్‌తో జరిగిన మ్యాచ్‌లో ఆమె మెరుపు Read more
భారతదేశం మరియు ఇంగ్లండ్ మధ్య 5 మ్యాచ్‌ల టీ20 సిరీస్‌లో 4వ మ్యాచ్ శుక్రవారం (జనవరి 31) జరగనుంది.ఈ మ్యాచ్ పుణెలోని మహారాష్ట్ర క్రికెట్ అసోసియేషన్ స్టేడియంలో Read more