‘రాజాసాబ్’ సెట్లో అడుగుపెట్టిన ప్రభాస్

ప్రభాస్ హీరోగా నటిస్తున్న ‘రాజాసాబ్’ మూవీ షూటింగ్ శరవేగంగా జరుపుకుంటోంది. ఈ మూవీ లో సెట్లో తాజా ప్రభాస్ ఎంట్రీ ఇచ్చాడు. ప్రస్తుతం ఈ సినిమా షూటింగ్ శంషాబాద్లో జరుగుతోంది. ఈ సెట్లో హారర్ సీన్స్ తెరకెక్కిస్తున్నట్లు తెలుస్తోంది. కాగా ఇప్పటికే విడుదలైన ఫస్ట్ లుక్ పోస్టర్ సూపర్ బజ్ క్రియేట్ చేసింది. మారుతి రూపొందిస్తున్న ఈ మూవీలో మాళవిక మోహనన్, నిధి అగర్వాల్ ఫీమేల్ లీడ్స్ గా నటిస్తున్నారు. వచ్చే ఏడాది ఏప్రిల్ 10న మూవీ విడుదల కానుంది.

‘రాజాసాబ్’ సైలెంట్ మొదలవ్వడంతో ఏదో చిన్న బడ్జెట్ సినిమా అని అందరు అనుకున్నారు. కానీ మొదలయ్యాక ఒక్కొక్క విషయం లీక్ అవుతుంటే ఈ సినిమా కూడా పాన్ ఇండియా రేంజ్ కు తగ్గట్టుగా ఉంటుందని ఒక క్లారిటీ వచ్చేసింది. ఇప్పటికే ఈ తెలుగు సినిమా ప్రేమికుల్లో భారీ అంచనాలను రేకెత్తిస్తోంది. ప్రభాస్, ‘బాహుబలి’తో గ్లోబల్ స్టార్‌గా మారిన తర్వాత ప్రతి సినిమా కూడా భారీ స్థాయిలో రూపొందుతుంది. ఇటీవల కల్కి సినిమాతో ప్రభాస్ మరోసారి వెయ్యి కోట్ల బాక్సాఫీస్ ను టచ్ చేశాడు. ఇక ‘రాజాసాబ్’ సినిమా కూడా ఒక సరికొత్త ప్రమాణాన్ని సృష్టించబోతోందని అర్థమవుతోంది.