ప్రమాదానికి గురైన నవీన్ పోలిశెట్టి
![](https://www.vaartha.com/wp-content/uploads/2024/07/naveen-accident.jpg)
జాతిరత్నాలు ఫేమ్ నవీన్ పోలిశెట్టి ప్రమాదానికి గురయ్యారు. ఈ విషయాన్నీ స్వయంగా ఆయనే తెలిపారు. తన చేతికి పలుచోట్ల ఫ్రాక్చర్లు అయ్యాయని, కాలికి గాయమైందని తెలిపారు. ‘ఇది చాలా కష్టంగా ఉంది. పూర్తిగా కోలుకునేందుకు కృషి చేస్తున్నా. మీ మద్దతు, ప్రేమ మాత్రమే నాకు అవసరమైన ఔషధం. దయచేసి నేను చెప్పేవాటినే నమ్మండి. త్వరలోనే బిగ్ స్క్రీన్పై అలరిస్తా’ అని పొలిశెట్టి తెలిపారు.
ఏజెంట్ సాయి శ్రీనివాస్ ఆత్రేయ సినిమాతో హీరోగా పరిచయం అయ్యారు నవీన్ పోలిశెట్టి. తొలి సినిమాతోనే మంచి విజయాన్ని అందుకున్నాడు. తన కామెడీ టైమింగ్ తో ప్రేక్షకులను మెప్పించాడు. ఆతర్వాత వచ్చిన జాతిరత్నాలు సినిమాతో భారీ విజయాన్ని అందుకున్నాడు. ఈ సినిమాతో ఓవర్ నైట్ లో నవీన్ పోలిశెట్టి పేరు మారుమ్రోగింది. అలాగే స్టార్ హీరోయిన్ అనుష్కతో కలిసి మిస్ శెట్టి మిస్టర్ పోలిశెట్టి అనే సినిమా చేశాడు.
‘హాయ్.. నేను ఈ రోజు మీతో ఒక విషయాన్ని షేర్ చేసుకోవాలని అనుకుంటున్నా. దురదృష్టవశాత్తూ నా చేతికి తీవ్రమైన మల్టిపుల్ ఫ్రాక్చర్స్ అయ్యాయి. కాలికి కూడా గాయమైంది. ఇది నాకు కెరీర్ పరంగా కూడా చాలా టాప్ టైం. అందుకే వేంగంగా మీ ముందుకు నా చిత్రాలు తీసుకురాలేకున్నా. అందుకు నన్ను క్షమించండి. గత కొన్ని రోజులు చాలా టాప్ గా గడిచాయి. నేను పూర్తిగా కోలుకుని నా ఎనెర్జిటిక్ వెర్షన్ మీకు చూపించడానికి మెడికల్ ప్రొఫెషనల్స్ సాయం తీసుకుని వర్క్ చేస్తున్నా.
నేను పూర్తిగా కోలుకోవడానికి ఇంకొన్ని నెలల సమయం పడుతుంది. గుడ్ న్యూస్ ఏంటంటే నా తదుపరి చిత్ర స్క్రిప్ట్ చాలా అద్భుతంగా వస్తోంది. నేను కోలుకోగానే షూటింగ్ మొదలవుతుంది. అప్పుడు కూడా ఇలాగే నాపై ప్రేమ కురిపిస్తారని ఆశిస్తున్నట్లు నవీన్ పోలిశెట్టి ఎమోషనల్ గా కామెంట్స్ చేశారు.