ఢిల్లీ నుండి లక్నోకు బయలుదేరిన ఎయిరిండియా విమానంలో తీవ్ర విషాదం చోటుచేసుకుంది. ప్రయాణీకుల్లో ఒకరు గాల్లో ప్రయాణిస్తూనే అనారోగ్యంతో మరణించడం కలకలం రేపింది.ఢిల్లీ నుంచి ల‌క్నో వెళుతున్న విమానం గాల్లో ఉండగానే ఓ ప్రయాణికుడు అస్వస్థతతో మృతి చెందాడు. ఢిల్లీ నుంచి బయలుదేరిన ఎయిరిండియా విమానం ఈ రోజు ఉదయం 8 గంటల 10 నిముషాలకు ల‌క్నో అంత‌ర్జాతీయ విమానాశ్ర‌యంలో ల్యాండ్ అయ్యింది.
ఆసిఫ్ ఉల్లా అన్సారీ
విమాన ప్రయాణంలో ఉన్న ఇతర ప్రయాణికులు అందరూ విమానం దిగుతుండగా, ఒక వ్యక్తి మాత్రం సీటులోనే కదలకుండా ఉండటాన్ని క్లీనింగ్ సిబ్బంది గమనించింది. అతడిని హౌస్‌కీపింగ్ సిబ్బంది పలుమార్లు పిలిచినా స్పందించకపోవడంతో విమానంలోని ఓ డాక్టర్‌ను పిలిపించారు. పరీక్షించిన వైద్యుడు ఆసిఫ్ ఉల్లా అన్సారీ అప్పటికే మరణించినట్లు ధృవీకరించారు.
కారణాలు
ఆసిఫ్ మృతి గాల్లో ప్రయాణం చేస్తున్నప్పుడే జరిగి ఉండొచ్చని అనుమానిస్తున్నారు.విమానం ఎక్కిన తర్వాత అత‌డికి ఇచ్చిన ఆహార ప‌దార్థాలు అలాగే ఉండ‌డం, సీటు బెల్టు కూడా తీయ‌క‌పోవ‌డంతో అనుమానాలు వ్యక్తం అవుతున్నాయి.హార్ట్ ఎటాక్ లేదా ఊపిరితిత్తుల సమస్య కారణంగా మృతి చెందినట్లు ప్రాథమికంగా అంచనా వేస్తున్నారు.అనూహ్యంగా ఆరోగ్య పరిస్థితి తీవ్రంగా మారిందా? అనే కోణంలో దర్యాప్తు చేస్తున్నారు.ఆసిఫ్‌కు పూర్వపు అనారోగ్య సమస్యలేమైనా ఉన్నాయా? అనే విషయంపై అధికారులు పరిశీలిస్తున్నారు.
పోస్టుమార్టం
ఆసిఫ్ కుటుంబ సభ్యులకు సమాచారం అందించారు.మృతదేహాన్ని పోస్టుమార్టం నివేదిక కోసం ఆసుపత్రికి తరలించారు.ఎయిరిండియా యాజమాన్యం ఈ ఘటనపై విచారణ చేపట్టింది.విమానంలో ఏమైనా అసాధారణ సంఘటనలు జరిగినాయా? అనే దిశగా సీసీటీవీ ఫుటేజీలు పరిశీలిస్తున్నారు.
ప్రయాణికుల భద్రత
ఈ సంఘటన విమాన ప్రయాణంలో ఆరోగ్య భద్రతపై పలు అనుమానాలను రేకెత్తిస్తోంది.ప్రయాణికులకు ఆరోగ్య పరీక్షలు నిర్వహించాలా?విమానసిబ్బంది తగినంత వైద్య సహాయం అందించగలరా?గాల్లో ఉన్న సమయంలో తీవ్ర అనారోగ్య సమస్యలు తలెత్తితే ఏం చేయాలి?ఈ అంశాలపై విమానయాన సంస్థలు భవిష్యత్తులో మరింత జాగ్రత్త వహించాల్సిన అవసరం ఉంది.ఆసిఫ్ మృతికి గల ఖచ్చితమైన కారణాలు పోస్టుమార్టం నివేదిక వెలువడిన తర్వాతే తెలుస్తాయి.
Cheetahs : భారత్‌కు దక్షిణ ఆఫ్రికాలోని బోట్స్‌వానా నుంచి మరో 8 చీతాలు రానున్నాయి. రెండు విడతల్లో బోట్స్‌వానా నుంచి రానున్నట్లు మధ్యప్రదేశ్‌ ప్రభుత్వానికి జాతీయ పులుల Read more
భారత క్రికెట్‌ నియంత్రణ మండలి (బీసీసీఐ) ఇంగ్లాండ్ పర్యటనను దృష్టిలో పెట్టుకుని కీలక నిర్ణయాలు తీసుకుంటోంది.హెడ్ కోచ్ గౌతమ్ గంభీర్ స్టాఫ్‌లో భాగమైన అసిస్టెంట్ కోచ్ అభిషేక్ Read more
ఒకదాని తర్వాత ఒకటి.. రప్పా.. రప్పా.. కేసులు వెంటాడుతూనే ఉన్నాయ్‌..! చూస్తుంటే త్వరలోనే పోసాని కృష్ణమురళికి కంప్లీట్‌ ఏపీ యాత్ర తప్పేలా లేదు..! ఎక్కడికక్కడ కేసులు ఉండడంతో.. Read more
Child trafficking : పిల్లల అక్రమ రవాణా విషయంలో సుప్రీంకోర్టు కీలక వ్యాఖ్యలు చేసింది. చిన్నారుల అక్రమ రవాణాకు పాల్పడేవారిని చట్టం ముందు నిలబెట్టాలని.. అలాంటి ముఠాలు Read more