కెనడా సాధారణ ఎన్నికల్లో అధికార లిబరల్ పార్టీ ప్రభంజనం సృష్టించింది. ఆ పార్టీ హవా వీచింది. తన అధికారాన్ని నిలబెట్టుకుంది. ఆ దేశ ప్రధానమంత్రిగా మార్క్ కార్నీ కొనసాగనున్నారు. వరుసగా రెండోసారి ఆయన ప్రమాణ స్వీకారం చేయనున్నారు. కెనడా 45వ ప్రధానమంతి కానున్నారు.
అధికార లిబరల్, ప్రతిపక్ష కన్జర్వేటివ్ పార్టీల మధ్య పోటీ
343 స్థానాలు ఉన్న కెనడా పార్లమెంట్‌లో అధికారంలోకి రావడానికి కావాల్సిన మేజిక్ ఫిగర్ 172. అధికార లిబరల్, ప్రతిపక్ష కన్జర్వేటివ్ పార్టీల మధ్య ప్రధానంగా ఎన్నికల సమరం కొనసాగింది. ది న్యూ డెమొక్రటిక్ పార్టీ, బ్లాక్ క్యుబెకాయిస్, గ్రీన్ పార్టీ.. తమ అదృష్టాన్ని పరీక్షించుకున్నాయి. మొత్తం 28 మిలియన్ల మంది తమ ఓటు హక్కును వినియోగించుకున్నారు.
ట్రంప్ వ్యతిరేకత లాభాన్ని ఇచ్చింది
తాజాగా చేపట్టిన ఓట్ల లెక్కింపులో లిబరల్ పార్టీ హవా కనింపించింది. ఓట్ల లెక్కింపు కొనసాగుతున్న కొద్దీ భారీ మెజారిటీని అందుకుంటోంది. లిబరల్ నేత, ప్రస్తుత ప్రధాని మార్క్ కార్నీ, కన్జర్వేటివ్ నాయకుడు పియరీ పోయిలివ్రే, ఎన్డీపీ చీఫ్ జగ్మీత్ సింగ్, బ్లాక్ క్యూబెకోయిస్ అధినేత వైవ్స్-ఫ్రాంకోయిస్ బ్లాంచెట్, గ్రీన్ పార్టీ అధ్యక్షుడు జొనాథన్ పెడ్నాల్ట్ ఆధిక్యత సాధించారు. కెనడా ఎన్నికల్లో ప్రధాన ప్రచారాస్త్రంగా మారారు.. అమెరికా అధ్యక్షుడు డొనాల్డ్ ట్రంప్. ఆ దేశం విధించిన టారిఫ్, అమెరికాలో 51వ రాష్ట్రంగా పరిగణిస్తామంటూ ట్రంప్ చేసిన వ్యాఖ్యలను తనకు అనుకూలంగా మలచుకుంది లిబరల్ పార్టీ. మాజీ ప్రధాని జస్టిన్ ట్రుడో హయాంలో చెలరేగిన వ్యతిరేకతను సైతం ఇది రూపుమాపేలా చేసింది. జస్టిన్ ట్రుడో హయాంలో భారత్- కెనడా మధ్య తీవ్ర విభేదాలు తలెత్తిన విషయం తెలిసిందే. హర్దీప్ సింగ్ నిజ్జర్ హత్యోదంతంలో భారత్ ప్రమేయం ఉందంటూ స్వయానా ఆయన చేసిన ప్రకటనలు దుమారం రేపాయి. ఆయనపై తీవ్ర వ్యతిరేకత చెలరేగడానికీ దారి తీసిందీ ఉదంతం.
వరుసగా నాలుగోసారి అధికారం
అలాంటి కఠిన పరిస్థితులను కూడా అవలీలగా అధిగమించగలిగింది లిబరల్ పార్టీ. వరుసగా నాలుగోసారి అధికారంలోకి వచ్చింది. ఓ పార్టీ వరుసగా నాలుగోసారి అధికారంలోకి రావడం అనేది కెనడా చరిత్రలో ఇదే తొలిసారి కావడం ప్రాధాన్యతను సంతరించుకుంది. డొనాల్డ్ ట్రంప్ విధించిన టారిఫ్, ఆయన చేసిన వ్యాఖ్యలు పరోక్షంగా లిబరల్ పార్టీని భారీ మెజారిటీతో గెలిపించినట్టయింది.
Read Also: Europe : చీకటి మయంగా మారిన యూరప్ దేశాలు
జమ్ము కశ్మీర్‌లోని మినీ స్విట్జర్లాండ్‌గా పేరొందిన పహల్గాం సమీప బైసరన్ లోయలో ఉగ్రవాదులు మంగళవారం రోజు మారణ హోమం సృష్టించారు. మధ్యాహ్నం 3 గంటల సమయంలో సైనిక Read more
భారత రాజధాని ఢిల్లీ లో ప్రస్తుతం తీవ్రమైన వాయు కాలుష్యం నెలకొంది. నగరంలో వాయు కాలుష్యం రికార్డు స్థాయిలో పెరిగింది, దీని వల్ల ప్రజల ఆరోగ్యం ముప్పు Read more
తెలంగాణలో నిరుద్యోగ యువతకు నైపుణ్య శిక్షణ అందించేందుకు స్థాపించిన యంగ్ ఇండియా స్కిల్ యూనివర్శిటీ మరో కీలక ప్రకటన చేసింది. ఇప్పటికే నాలుగు ప్రాధాన్య కోర్సులను నిర్వహిస్తున్న Read more
తెలంగాణ ముఖ్యమంత్రి రేవంత్ రెడ్డికి ఏపీ సీఎం చంద్రబాబు , ఉపముఖ్యమంత్రి పవన్ కల్యాణ్ పుట్టినరోజు శుభాకాంక్షలు తెలిపారు. చంద్రబాబు, ఎక్స్ వేదికగా రేవంత్ రెడ్డికి దీర్ఘాయుష్షుతో Read more