తెలంగాణ రాజకీయాల్లో కీలక నేతగా పేరు పొందిన బీఆర్ఎస్ వర్కింగ్ ప్రెసిడెంట్, మాజీ మంత్రి కల్వకుంట్ల తారకరామారావు (కేటీఆర్) తాజాగా జిమ్‌లో వ్యాయామం చేస్తుండగా ప్రమాదవశాత్తు కిందపడటంతో గాయాలయ్యాయి. ఈ విషయం కేటీఆర్ స్వయంగా తన సోషల్ మీడియా వేదిక అయిన ‘ఎక్స్‌’లో షేర్ చేశారు. ఆయన్ను పరీక్షించిన వైద్యులు కొన్ని రోజులపాటు విశ్రాంతి అవసరమని సూచించారు. ప్రస్తుతం ఆయన వైద్యుల పర్యవేక్షణలో విశ్రాంతి తీసుకుంటూ కోలుకుంటున్నట్లు తెలిపారు.
కేటీఆర్ తన ట్వీట్‌లో ఇలా పేర్కొన్నారు- నిరంతర రాజకీయ కార్యక్రమాల్లో నలిగిపోతున్న శరీరానికి కొంత వెసలుబాటు ఇచ్చే ఉద్దేశంతో జిమ్ వర్కౌట్ చేస్తున్న సమయంలో జరిగిన చిన్న అపశృతి వల్ల కొంతకాలం విశ్రాంతి అవసరమైంది. వైద్యుల సూచన మేరకు విశ్రాంతి తీసుకుంటున్నాను. త్వరలోనే మీ ముందుకు వస్తాను. ఈ ట్వీట్ చూసిన తర్వాత కేటీఆర్ అభిమానులు, పార్టీ కార్యకర్తలు పెద్ద ఎత్తున ‘గెట్ వెల్ సూన్’ సందేశాలు పంపుతున్నారు. కేటీఆర్ ఆరోగ్యంపై ఆందోళన వ్యక్తం చేస్తూ బీఆర్ఎస్ నేతలు, కార్యకర్తలు సామాజిక మాధ్యమాల్లో అతడికి మద్దతుగా నిలుస్తున్నారు.
పవన్ కల్యాణ్ ట్వీట్
రాజకీయంగా ఎలా ఉన్నా, వ్యక్తిగతంగా స్నేహితులు అనే విషయాన్ని జనసేన పార్టీ అధినేత, ఆంధ్రప్రదేశ్ డిప్యూటీ సీఎం పవన్ కళ్యాణ్ మరోసారి రుజువుచేశారు. తెలంగాణ మాజీ మంత్రి కె.టి.రామారావు జిమ్‌లో వ్యాయామం చేస్తుండగా గాయపడ్డట్టు ఆయన పోస్టు చేయడంతో పవన్ కల్యాణ్ స్పందించారు. కె.టి.ఆర్. త్వరగా కోలుకోవాలని ఆకాంక్షిస్తూ, ఆయన ఆరోగ్యం పట్ల ఆందోళన వ్యక్తం చేశారు. కె.టి.ఆర్ గారికి గాయం జరిగిన సంగతి తెలుసుకొని బాధ పడ్డాను. వైద్యుల సూచనల మేరకు తగిన విశ్రాంతి తీసుకోవాలని కోరుతున్నాను. మీరు త్వరగా కోలుకోవాలని మనసారా ప్రార్థిస్తున్నాను. అంటూ పవన్ కల్యాణ్ ట్వీట్ చేశారు.
Read also: Vasco da Gama Express : కాజీపేట జంక్షన్ మీదుగా వాస్కోడగామా ఎక్స్ప్రెస్
ఆంధ్రప్రదేశ్ పబ్లిక్ సర్వీస్ కమిషన్ ( ఏపీపీఎస్సీ) ఇటీవల పాలిటెక్నిక్ కళాశాలలు, ప్రభుత్వ జూనియర్ కాలేజీలు, ప్రభుత్వ డిగ్రీ కాలేజీలు, టీటీడీ డిగ్రీ, ఓరియంటల్, జూనియర్ కాలేజీల్లో Read more
TTD : తెలంగాణ ప్ర‌జల‌కు టీటీడీ శుభవార్త చెప్పింది తిరుమల తిరుపతి దేవస్థానం (టీటీడీ) తాజాగా తెలంగాణ ప్రజాప్రతినిధులకు శుభవార్త అందించింది. ఇకపై తెలంగాణ ప్రజాప్రతినిధుల సిఫార్సు Read more
రాష్ట్రానికి మరో తుఫాను ముప్పు పొంచి ఉందని భారత వాతావరణ శాఖ అంచనా వేసింది. ఏపీని వర్షాలు వణికిస్తున్నాయి. వరుస తుపానుల ప్రభావంతో ఇటీవల వరకు రాష్ట్రంలోని Read more
హైద‌రాబాద్ : ప్రయాణికుల రద్దీ దృష్ట్యా దక్షిణ మధ్య రైల్వే కీలక నిర్ణయం తీసుకుంది. విశాఖ-సికింద్రాబాద్‌-విశాఖ మధ్య రాకపోకలు సాగిస్తోన్న వందేభారత్‌ ఎక్స్‌ప్రెస్కు అదనంగా కోచ్‌లను పెంచుతూ Read more