ఆంధ్రప్రదేశ్ లో ఉమ్మడి కడప జిల్లాపరిషత్ (జడ్పీ) ఛైర్మన్ ఎన్నిక నేడు (మార్చి 26) జరుగనుంది. ఎన్నిక నిర్వహణకు సంబంధించి అధికారులు అన్ని ఏర్పాట్లు పూర్తిచేశారు. ఉదయం 11 గంటలకు ఛైర్మన్ అభ్యర్థులు నామినేషన్ దాఖలు చేయనున్నారు. ప్రస్తుతం జిల్లాపరిషత్‌లో మొత్తం 50 మంది జడ్పీటీసీలు ఉన్నారు. వీరిలో 38 మంది వైఎస్సార్ కాంగ్రెస్ పార్టీకి (వైసీపీ) చెందిన వారే కావడంతో, ఈ పదవి మళ్లీ వైసీపీ ఖాతాలోకి వెళ్లే అవకాశాలు కనిపిస్తున్నాయి.
వైసీపీకి ఊరట
ఈ ఎన్నికలో తమ పార్టీ తరఫున పోటీ చేయబోమని తెలుగుదేశం పార్టీ (టీడీపీ) ఇప్పటికే ప్రకటించింది. దీంతో వైసీపీ అభ్యర్థి నామినేషన్ దాఖలు చేయడం కేవలం ఒక అధికారిక ప్రక్రియ మాత్రమేనని రాజకీయ విశ్లేషకులు అభిప్రాయపడుతున్నారు. అయితే, ఎన్నిక ప్రక్రియ చివరి నిమిషంలో ఏమైనా మార్పులు జరగుతాయేమో అనేది ఉత్కంఠగా మారింది.
అమర్నాథ్ రాజీనామా
కడప జిల్లా పరిషత్ ఛైర్మన్‌గా ఆకేపాటి అమర్నాథ్ రెడ్డి విధులు నిర్వర్తిస్తూ, కొంతకాలం క్రితం తన పదవికి రాజీనామా చేశారు. ఆయన రాజీనామా కారణంగా జిల్లా పరిషత్‌లో ఛైర్మన్ పదవి ఖాళీ అవ్వడంతో, అధికార పార్టీ ఎన్నిక నిర్వహించాల్సివచ్చింది.
రామగోవిందరెడ్డి
ఈ ఎన్నికలో వైసీపీ అభ్యర్థిగా బ్రహ్మంగారిమఠం మండలం జడ్పీటీసీ రామగోవిందరెడ్డి ప్రకటించారు. ఛైర్మన్ ఎన్నిక నేపథ్యంలో వైసీపీ జడ్పీటీసీలను నాలుగు రోజుల పాటు క్యాంపులో ఉంచారు.హైదరాబాద్ క్యాంప్ నుంచి కడపకు చేరుకున్న వైసీపీ సభ్యులు.
వైసీపీ విప్ జారీ
వైసీపీ అధిష్ఠానం తమ జడ్పీటీసీలకు విప్ జారీ చేసింది. అంటే, పార్టీ అభ్యర్థికి మద్దతు ఇవ్వకుండా ఏదైనా వేరొకరిని గెలిపించే ప్రయత్నం చేస్తే, ఆ సభ్యులపై కఠిన చర్యలు తీసుకుంటామని హెచ్చరించింది. దీంతో, క్రాస్‌ ఓటింగ్‌ లేదా సభ్యులు గైర్హాజరు కావడం వంటి అంశాలకు తావులేకుండా చేయాలని అధికార పార్టీ కృషి చేస్తోంది.టీడీపీ పోటీ నుండి తప్పుకున్నా, చివరి నిమిషంలో రాజకీయ సమీకరణాలు మారే అవకాశం ఉందని విశ్లేషకులు భావిస్తున్నారు. స్వతంత్ర అభ్యర్థిగా ఎవరైనా నామినేషన్ వేస్తారా? లేదా అన్న విషయంపై ఉత్కంఠ నెలకొంది.
ఆంధ్రప్రదేశ్ రాజధాని అభివృద్ధి పనులకు కొత్త టెండర్లను పిలవాలని ముఖ్యమంత్రి నారా చంద్రబాబు నాయుడి అధ్యక్షతన జరిగిన మంత్రివర్గ సమావేశంలో నిర్ణయించారు. అమరావతిలో 2,723 కోట్ల రూపాయల Read more
దావోస్‌: దావోస్‌లో ముఖ్యమంత్రి చంద్రబాబు రెండో రోజు పర్యటన కొనసాగుతుంది. ఈ క్రమంలోనే ఈ రోజు సీఐఐ ఆధ్వ‌ర్యంలో గ్రీన్ ఇండ‌స్ట్రియ‌లైజేష‌న్‌పై నిర్వ‌హించిన స‌ద‌స్సులో ముఖ్యమంత్రి మాట్లాడారు. Read more
అమరావతి: మాజీ మంత్రి కాకాని గోవర్ధన్ రెడ్డిని పోలీసులు హౌస్ అరెస్టు చేశారు. కూనుపూరు కాలువ పరిశీలనకు వెళ్తారన్న సమాచారంతో ముందస్తుగా హౌస్ అరెస్టు చేశారు. అయితే Read more
ఏపీలో ఎన్నికల్లో ఎన్నో వాగ్దనాలు చేసి అధికారంలోకి వచ్చిన కూటమి ప్రభుత్వం ఒకొక్క వాగ్దనాలను అమలుపరుస్తూ వస్తున్నది. కాగా పెన్షన్లు తీసుకునేవారికి పెద్ద షాక్ ఇచ్చింది. కూటమి Read more