దేశవ్యాప్తంగా ఆసక్తి నెలకొన్న బీహార్ అసెంబ్లీ ఎన్నికల నేపథ్యంలో కేంద్ర ప్రభుత్వం తాజా బడ్జెట్‌లో ఆ రాష్ట్రానికి పెద్ద ఎత్తున కేటాయింపులు చేయడాన్ని కాంగ్రెస్ పార్టీ తీవ్రంగా తప్పుపట్టింది. ముఖ్యంగా, తెలంగాణకు అన్యాయం చేశారని రాష్ట్ర కాంగ్రెస్ ఎమ్మెల్సీ జీవన్ రెడ్డి ఆగ్రహం వ్యక్తం చేశారు. ఆయన కేంద్ర బడ్జెట్‌పై ఘాటుగా స్పందిస్తూ, ఇది భారత దేశ బడ్జెట్టా, బీహార్ బడ్జెట్టా? అని ప్రశ్నించారు.
జీవన్ రెడ్డి మాట్లాడుతూ, తెలంగాణ రాష్ట్రానికి ఒక్క ప్రధాన ప్రాజెక్టు కూడా కేటాయించకపోవడం దారుణమని విమర్శించారు. కేంద్రంలో మంత్రి పదవిని ఆక్రమించిన కిషన్ రెడ్డికి రాష్ట్ర అభివృద్ధి మీద ఎలాంటి బాధ్యతలేదా? అని నిలదీశారు. తెలంగాణ ప్రజలు ఎన్నో రోజులుగా మెట్రో రైలు విస్తరణ కోసం ఎదురుచూస్తున్నా, కేంద్ర ప్రభుత్వం పూర్తిగా నిర్లక్ష్యంగా వ్యవహరించిందని ఆయన మండిపడ్డారు.
అలాగే, కేంద్ర ప్రభుత్వం ఇటీవల పసుపు బోర్డు ఏర్పాటు చేస్తున్నట్టు ప్రకటించినా, తాజా బడ్జెట్‌లో దానికి సంబంధించిన నిధులు కేటాయించకపోవడం తెలంగాణ రైతులను మోసం చేసినట్టేనని జీవన్ రెడ్డి పేర్కొన్నారు. రాష్ట్రంలో పసుపు రైతులు ఎన్నో ఆశలు పెట్టుకున్నా, వారిని పట్టించుకునే నాధుడు కేంద్రంలో లేడని విమర్శించారు.
ప్రధానంగా, కేంద్ర బడ్జెట్‌లో తెలంగాణకు రావాల్సిన వాటిని పూర్తిగా దూరం పెట్టి, బీజేపీ పాలిత రాష్ట్రాలకు భారీగా నిధులు కేటాయించడం స్పష్టమైన రాజకీయ కుతంత్రమని కాంగ్రెస్ ఆరోపిస్తోంది. రాష్ట్ర ప్రజలు బీజేపీ నిజస్వరూపాన్ని గుర్తించి, భవిష్యత్‌లో తగిన బుద్ధి చెప్పాల్సిన అవసరం ఉందని జీవన్ రెడ్డి సూచించారు.
సమగ్ర అభివృద్ధి అంటూ ప్రచారం చేసుకునే బీజేపీ, తెలంగాణను విస్మరించడం దారుణమని కాంగ్రెస్ నాయకులు ఆరోపిస్తున్నారు. కేంద్ర ప్రభుత్వ వైఖరిపై రాష్ట్రంలో నిరసనలు పెరుగుతున్నాయని, తగిన విధంగా ప్రజలు భవిష్యత్తులో తీర్పు ఇవ్వాలని కాంగ్రెస్ నేతలు పేర్కొంటున్నారు.
హైదరాబాద్: తెలంగాణ గవర్నర్ జిష్ణుదేవ్ వర్మ మూడురోజుల పర్యటనలో భాగంగా ఈ ఉదయం సూర్యాపేట జిల్లాలో సందర్శనకు వెళ్లనున్నారు. జిల్లా కలెక్టరేట్‌లో అధికారులతో నిర్వహించే సమీక్ష సమావేశానికి Read more
చందూ మొండేటి దర్శకత్వంలో నాగ చైతన్య నటించిన పాన్-ఇండియా చిత్రం "తండేల్" ఫిబ్రవరి 7న విడుదల కానుంది. విడుదలకు ముందు, చిత్ర బృందం హైదరాబాద్లో ప్రీ-రిలీజ్ ఈవెంట్‌ను Read more
జనవరిలో ప్రమాణస్వీకారం చేయనున్న అమెరికా కాబోయి అధ్యక్షుడు ట్రంప్ ఇండియాను హెచ్చరించారు. ఎన్నికలో గెలిచిన ట్రంప్.. ప‌న్నుల అంశంలో భారత విధానాన్ని త‌ప్పుప‌ట్టారు. అమెరికా ఉత్ప‌త్తులపై భారీగా Read more
మీడియా ముందు భావోద్వేగానికి గురై కన్నీరు పెట్టుకున్న మనోజ్ హైదరాబాద్:సినీ నటుడు మోహన్ బాబు కుమారుడు మంచు మనోజ్ బుధవారం మీడియాతో మాట్లాడారు. మంగళవారం జరిగిన ఘటనకు Read more