న్యూఢిల్లీ: ఉత్తరప్రదేశ్‌లోని ప్రయాగ్‌రాజ్‌కు కోట్లాది మంది వస్తుండటంతో రైల్వే శాఖ కీలక నిర్ణయం తీసుకుంది. మహా కుంభమేళా స్పెషల్ ట్రైన్లను ఇండియన్ రైల్వే నిలిపివేసింది. తర్వాతి ఆదేశాలు వచ్చేంత వరకు ఆపేస్తున్నట్టు తెలిపింది. రెగ్యులర్‌ ట్రైన్లు యథావిధిగా నడుస్తాయని వెల్లడించింది. మౌని అమావాస్య రోజున ప్రయాగ్‌రాజ్‌లో రద్దీ దృష్ట్యా, పండిట్ దీనదయాళ్ ఉపాధ్యాయ్ జంక్షన్ నుండి ప్రయాగ్‌రాజ్‌కు వెళ్లే మహాకుంభమేళా ప్రత్యేక రైళ్ల ఆపరేషన్‌ను నిలిపివేశారు.
దీంతో జంక్షన్‌లో ప్రయాగ్‌రాజ్‌కు వెళ్లే భక్తుల రద్దీ నెలకొంది. వివిధ మార్గాల్లో నడిచే మిగిలిన కుంభమేళా ప్రత్యేక రైళ్లు యథావిధిగా కొనసాగుతున్నాయి. పండిట్ దీనదయాళ్ ఉపాధ్యాయ్ జంక్షన్ నుండి ప్రయాగ్‌రాజ్‌కు వచ్చే కుంభమేళా ప్రత్యేక రైళ్లు మాత్రమే నిలిచిపోయాయి. కానీ సాధారణ రైళ్లు నడుస్తున్నాయి. తదుపరి ఉత్తర్వులు వచ్చే వరకు ప్రత్యేక రైలును నిలిపివేస్తున్నట్లు పండిట్ దీనదయాళ్ ఉపాధ్యాయ రైల్వే డివిజన్ కమర్షియల్ మేనేజర్ మనీష్ కుమార్ తెలిపారు.
మరోవైపు ప్రయాగ్‌రాజ్ మహాకుంభ్‌లో తొక్కిసలాట జరగడంతో, ఇండియన్ రైల్వే అప్రమత్తమైంది. ప్రయాగ్‌రాజ్ జంక్షన్ వద్ద ర్యాపిడ్ యాక్షన్ ఫోర్స్ (RAF), పోలీసు బలగాల మోహరింపు పెంచారు. భక్తుల భద్రతను దృష్టిలో ఉంచుకుని కట్టుదిట్టమైన ఏర్పాట్లు చేశారు. మౌని అమావాస్య స్నానానికి వచ్చే భక్తులను సురక్షితంగా సంగమానికి చేర్చేందుకు ప్రత్యేక ఏర్పాట్లు చేశారు. మహాకుంభంలో ఇప్పటి వరకు 13 కోట్ల మందికి పైగా భక్తులు స్నానాలు చేశారు. మౌని అమావాస్య పర్వదినాన దాదాపు 10 కోట్ల మంది భక్తులు పుణ్యస్నానానికి తరలివచ్చారు.
అమరావతి: ఏపీలో ఇంటర్మీడియట్‌ విద్యలో ప్రతిపాదిత సంస్కరణలపై వచ్చిన సూచనల మేరకు వచ్చే ఏడాది నుంచి ప్రథమ సంవత్సరం విద్యార్థులకు పబ్లిక్‌ పరీక్షలు యథాతథంగా నిర్వహించాలని సర్కార్ Read more
ఢిల్లీలో బాలుడి హత్య కలకలం: లేడీ డాన్ జిక్రా అరెస్ట్ ఇటీవల ఢిల్లీ నగరాన్ని కుదిపేసిన ఘోరమైన ఘటనగా ఓ బాలుడి హత్య కేసు తెరపైకి వచ్చింది. Read more
Telangana– బీసీ రిజర్వేషన్, ఎస్సీ వర్గీకరణకు మార్గదర్శక రాష్ట్రం హైదరాబాద్ : Telangana వెనుకబడిన తరగతుల వర్గాల కోసం 42 శాతం రిజర్వేషన్లు కల్పించి, ఎస్సీ వర్గీకరణను Read more
ఆంధ్రప్రదేశ్‌లో అమలవుతున్న కొత్త మద్యం విధానం తెలంగాణ రాబడిపై తీవ్ర ప్రభావాన్ని చూపిస్తోంది. లిక్కర్ ధరలు తగ్గడంతో ఆంధ్రప్రదేశ్‌తో సరిహద్దు కలిగిన తెలంగాణ జిల్లాల్లో మద్యం అమ్మకాలు Read more