ఎన్టీఆర్ గారి ఇంట్లో పుట్టి పెరిగాను : రాజేంద్ర ప్రసాద్! రాజేంద్రప్రసాద్ – తెలుగు సినీ ఇండస్ట్రీలో తనదైన హాస్యంతో దశాబ్దాలుగా ప్రేక్షకులను నవ్విస్తున్న నటుడు. హీరోగా కెరియర్‌ను ప్రారంభించిన ఆయన, ఇప్పుడు క్యారెక్టర్ ఆర్టిస్ట్‌గా అదే ఉత్సాహంతో సినిమాల్లో నటిస్తున్నారు. తాజాగా, ఓ యూట్యూబ్ ఇంటర్వ్యూలో పాల్గొన్న ఆయన తన సినీ ప్రస్థానంపై ఆసక్తికర విషయాలు వెల్లడించారు. తన బాల్యం గురించి చెబుతూ, “నేను నిమ్మకూరులోనే పుట్టాను. అప్పట్లో నా కుటుంబం ఎన్టీఆర్ గారి ఇంటికి చాలా దగ్గరగా ఉండేది. నిజం చెప్పాలంటే, నన్ను మొదటగా చేతుల్లోకి తీసుకున్నది రామారావుగారి తల్లిగారే. మా కుటుంబం, ఆయన కుటుంబం మధ్య ఎంతో అనుబంధం ఉంది. చిన్నప్పటి నుంచి ఎన్టీఆర్ గారి సాన్నిహిత్యం నాకు లభించింది. పెద్ద పెద్ద దర్శక నిర్మాతలు ఆయనను కలిసేందుకు ఇంటికి రావడం చూసేవాడిని. అయితే అప్పట్లో నేను చాలా సన్నగా ఉండటంతో, నటుడిగా మారతాననే ఆలోచన ఎవరూ చేయలేదు” అని తెలిపారు.
సినీ ప్రస్థానం ఎలా మొదలైంది
అనుకోకుండా సినీ పరిశ్రమలోకి వచ్చిన విషయాన్ని గుర్తుచేసుకుంటూ, “నాకు నిజంగా యాక్టింగ్ అంటే ఇష్టం ఉండేది. కానీ సినీ పరిశ్రమలోకి రావాలని అనుకోలేదు. అయితే, ‘రామ రాజ్యంలో భీమరాజు’ సినిమాలో నటించే అవకాశం లభించింది. ఆ సినిమాలో నా పెర్ఫార్మెన్స్ చూసిన కృష్ణగారు, ‘ఈ కుర్రాడు చాలా బాగా చేస్తున్నాడయ్యా’ అంటూ అభినందించారు. అంతే కాకుండా, తాను నటిస్తున్న కొన్ని సినిమాల్లో నాకు అవకాశం ఇప్పించారు” అని తెలిపారు.
నాకు 14 సినిమాలు చేతిలో ఉండేవి
ఆ రోజులను గుర్తు చేసుకుంటూ, “ఆ సినిమా విడుదల కాగానే కృష్ణగారు ఇంటికి పిలిపించి అభినందించారు. అప్పటికే నా చేతిలో 14 సినిమాలు ఉన్నాయి. ఎన్టీఆర్ గారు, కృష్ణగారు ఇండస్ట్రీలో ఉన్న సమయంలో నేను కెరియర్ ప్రారంభించడం నా అదృష్టంగా భావిస్తున్నాను. వారి ప్రోత్సాహం లేకుండా నేను ఇంతవరకు రాలేను” అని చెప్పుకొచ్చారు. తెలుగు సినీ ఇండస్ట్రీలో ఎన్నో వైవిధ్యమైన పాత్రలు పోషించిన రాజేంద్రప్రసాద్, ఇప్పటికీ అదే ఎనర్జీతో ప్రేక్షకులను అలరిస్తున్నారు. నటనపై తనకున్న ప్రేమ, ఇండస్ట్రీకి గల గౌరవం వల్లే ఈ స్థాయికి చేరుకున్నానని చెప్పిన ఆయన, తన ప్రయాణం గురించి మరిన్ని ఆసక్తికర విషయాలు పంచుకున్నారు.
హైదరాబాద్‌ సంధ్య థియేటర్‌లో ‘పుష్ప-2’బెనిఫిట్ షో సందర్భంగా జరిగిన తొక్కిసలాట ఘటనపై హైదరాబాద్‌ పోలీసులు కీలక వివరణ ఇచ్చారు.ఈ సంఘటనకు సంబంధించిన వీడియోలను విడుదల చేస్తూ, ఘటనకు Read more
జర్నలిస్టుపై దాడి కేసులో పోలీసులు ఎటువంటి బలవంతపు చర్యలు తీసుకోకూడదని ఆదేశిస్తూ నటుడు మోహన్ బాబుకు సుప్రీంకోర్టు ఈ రోజు (జనవరి 9) మధ్యంతర ఉపశమనం ఇచ్చింది. Read more
అమృత అయ్యర్. ఈ మధ్య కాలంలో సౌత్ ఇండస్ట్రీలో మంచి గుర్తింపు పొందిన నటి.మొదట్లో సైడ్ క్యారెక్టర్లతో కెరీర్ ప్రారంభించిన ఈ భామ, ఇప్పుడు కథానాయికగా చక్కగా Read more
ప్రస్తుతం సోషల్ మీడియాలో నకిలీ వార్తలు, ఫోటోలు పెరిగిపోతున్నాయి. వాటిని సరైన దృష్టితో చూడకపోతే, చాలా మంది నకిలీ ఫోటోలపై నమ్మకం పెంచి తప్పు వార్తలను పంచుకుంటున్నారు. Read more