Hyderabad : తెలంగాణలో మరో రెండు గంటల్లో భారీ వర్షం తెలంగాణలో మరో రెండు గంటల్లో భారీ వర్షం కురిసే అవకాశం ఉంది.హైదరాబాద్‌తో పాటు సంగారెడ్డి,సిద్దిపేట,యాదాద్రిభువనగిరి, రంగారెడ్డి జిల్లాల్లో కుండపోత వర్షం పడనుందని వాతావరణ శాఖ హెచ్చరికలు జారీ చేసింది.ఈదురుగాలులు, ఉరుములు, మెరుపులతో పాటు పలు ప్రాంతాల్లో వడగండ్ల వాన కురిసే సూచన ఉంది.వర్ష ప్రభావంతో రాష్ట్రంలోని 20 జిల్లాలకు ఎల్లో అలెర్ట్ ప్రకటించారు.
మూడు రోజులుగా వానలు బీభత్సం
గత కొన్ని రోజులుగా తెలంగాణ, ఆంధ్రప్రదేశ్ రాష్ట్రాల్లో వర్షాలు కురుస్తూనే ఉన్నాయి.ఇప్పటి వరకు ఎండలు మండి ప్రజలను విపరీతంగా ఇబ్బంది పెట్టాయి.కానీ ప్రస్తుతం వర్షాలు కాస్త చల్లదనాన్ని తీసుకొచ్చాయి.నిన్నటి నుంచి తెలుగు రాష్ట్రాల్లో కుండపోత వర్షాలు నమోదయ్యాయి.శుక్రవారం మధ్యాహ్నం నుంచి అర్థరాత్రి వరకు పలు జిల్లాల్లో భారీ వర్షపాతం నమోదైంది.కొన్ని ప్రాంతాల్లో వడగండ్ల వాన కురవగా, కొన్ని చోట్ల ఈదురుగాలులు బీభత్సం సృష్టించాయి.వాతావరణ శాఖ ప్రకారం,ఈ వర్షాలు మరో రెండు రోజుల పాటు కొనసాగే అవకాశం ఉంది.ప్రస్తుతం అల్పపీడన ద్రోణి ప్రభావం తెలంగాణపై కనిపిస్తోంది.దీంతో రాష్ట్ర వ్యాప్తంగా పలు ప్రాంతాల్లో భారీ వర్షాలు కురిసే అవకాశముంది.ముఖ్యంగా ఉత్తర, దక్షిణ, ఈశాన్య తెలంగాణ జిల్లాల్లో వడగండ్ల వానలు కురిసే సూచన ఉంది. 40 నుంచి 50 కిలోమీటర్ల వేగంతో ఈదురుగాలులు వీస్తాయని వాతావరణ నిపుణులు చెబుతున్నారు.
హైదరాబాద్ సహా పలు జిల్లాల్లో భారీ వర్ష సూచన
హైదరాబాద్ నగరంతో పాటు సంగారెడ్డి, సిద్దిపేట, యాదాద్రిభువనగిరి, రంగారెడ్డి జిల్లాల్లో భారీ వర్ష సూచన ఉంది. ఇప్పటికే కొన్ని చోట్ల మోస్తరు నుంచి భారీ వర్షం కురుస్తుండగా, రాబోయే గంటల్లో వర్షం మరింత ఉద్ధృతంగా ఉండే అవకాశం ఉంది. రహదారులపై నీరు నిలిచిపోవడం, ట్రాఫిక్ సమస్యలు తలెత్తే అవకాశం ఉంది.ప్రజలు అత్యవసరమైతే తప్ప బయటకు వెళ్లొద్దని అధికారులు సూచిస్తున్నారు. ఈదురుగాలులు, ఉరుములు, మెరుపులతో కూడిన వర్షాలు కురిసే అవకాశం ఉన్నందున వాతావరణ శాఖ 20 జిల్లాలకు ఎల్లో అలెర్ట్ జారీ చేసింది.తుపాను ప్రభావం వల్ల కొన్ని ప్రాంతాల్లో చెట్లు విరిగిపడే అవకాశముంది.ప్రజలు అప్రమత్తంగా ఉండాలని,అత్యవసరమైతే తప్ప బయటకు రావొద్దని అధికారుల సూచన.
భారీ వర్షాలకు ముందు జాగ్రత్త చర్యలు తీసుకోవాలి
వీధుల్లో నీటి నిల్వల వల్ల ప్రమాదాలు జరగకుండా జాగ్రత్త పడాలి.
వడగండ్ల వాన సమయంలో తెరుచుకునే ప్రదేశాల్లో ఉండకూడదు.
విద్యుత్ తీగల దగ్గర నిలుచోవద్దు, ఇంట్లోనే ఉండడం మంచిది.
అత్యవసరమైతే తప్ప బయటకు వెళ్లొద్దు.
వర్షాలకు సంబంధించి అధికారుల సూచనలను పాటించాలి. ఇక రాబోయే రెండు రోజుల్లో వాతావరణ పరిస్థితులు ఎలా ఉంటాయన్న దానిపై వాతావరణ శాఖ నుంచి మరిన్ని వివరాలు వచ్చే అవకాశముంది. ప్రజలు అప్రమత్తంగా ఉండి, భద్రతా చర్యలు తీసుకోవడం చాలా అవసరం
ఆఫ్ఘనిస్థాన్‌ను శాసిస్తున్న తాలిబన్ ప్రభుత్వం ఇప్పుడు మహిళలతోపాటు పురుషులపైనా అనేక ఆంక్షలు విధిస్తోంది. ఆధునిక హెయిర్‌స్టైల్స్, శరీర శుభ్రత విషయంలో తీసుకుంటున్న చర్యలు తీవ్ర విమర్శలకు గురవుతున్నాయి.ఆధునిక Read more
హైదరాబాద్ వాసులు అతి త్వరలో గుడ్ న్యూస్ వినబోతున్నారు. మెట్రో ప్రయాణికులకు మరింత అనుకూలంగా మారనున్నట్లు శాసన మండలిలో మంత్రి శ్రీధర్ బాబు వెల్లడించారు. ప్రస్తుతం 3 Read more
YS Sharmila : వైఎస్ఆర్ కాంగ్రెస్ పార్టీ నేతలపై ఏపీ కాంగ్రెస్ అధ్యక్షురాలు, వైఎస్ షర్మిల సంచలన వ్యాఖ్యలు చేశారు. ఈ మేరకు ఆమె సోషల్ మీడియా Read more
రామూర్తినాయుడి మృతి పట్ల టీడీపీ కేంద్ర కార్యాలయంలో ఆయన మృతికి సంతాపం తెలియజేస్తూ.. రామూర్తినాయుడి చిత్రపటానికి నివాళ్లు అర్పించారు. పేదల గొంతుకగా.. పేదల మనిషిగా సీఎం చంద్రబాబుకు Read more