వరుణ్ తేజ్ ‘గని’ ఫస్ట్ గ్లింప్స్ విడుదల
![](https://www.vaartha.com/wp-content/uploads/2021/10/ghani-first-glimpse-release.jpg)
‘ఎఫ్2’, ‘గద్దల కొండ గణేశ్’ వంటి బ్యాక్ టు బ్యాక్ హిట్ల తర్వాత మెగా హీరో వరుణ్ తేజ్ నటిస్తోన్న చిత్రం ‘గని’. బాక్సింగ్ నేపథ్యంలో తెరకెక్కుతోన్న ఈ సినిమాపై భారీ అంచనాలు నెలకొని ఉన్నాయి. వరుణ్ తేజ్ జోడీగా సయీ మంజ్రేకర్ నటిస్తుండగా.. జగపతిబాబు, సునీల్ శెట్టి, ఉపేంద్ర ఇతర కీలక పాత్రల్లో నటిస్తున్నారు. ఒక ప్రత్యేకమైన పాత్రలో నదియా కనిపించనుంది.
కిరణ్ కొర్రపాటి దర్శకత్వంలో తెరకెక్కుతోన్న ఈ సినిమా కోసం వరుణ్ తన మేకోవర్ను పూర్తిగా మార్చేశారు. మునుపెన్నడూ లేని విధంగా వరుణ్ జిమ్లో కఠోరమైన వ్యాయామాలతో బాడీ పెంచాడు. ఇక తాజాగా ఈ సినిమా నుంచి మరో బిగ్ అప్డేట్ వచ్చింది. ఈ సినిమా నుంచి ఫస్ట్ గ్లింప్స్ ను విడుదల చేసింది చిత్రబృందం. ఇక ఇందులో వరుణ్ తేజ్… బాక్సర్ గెటప్ లో అందరినీ అలరించాడు. రక్తం తో ఉన్న ఓ సీన్ ను ఈ గ్లిం ప్స్ లో చూపించారు. అలాగే.. ఈ సినిమాను డిసెంబర్ 3వ తేదీన థియేటర్లలో విడుదల చేస్తున్నట్లు ప్రకటించింది చిత్రబృందం. ఈ చిత్రాన్ని అల్లు బాబీ, సిద్ధు ముద్ద సంయుక్తంగా నిర్మిస్తుండగా.. తమన్ సంగీతాన్ని అందిస్తున్నారు.
![YouTube video](https://i.ytimg.com/vi/7DZj5Zi9JHQ/hqdefault.jpg)