మా గ్రామాలను తెలంగాణాలో కలపండి అంటూ నివేదిక
![](https://www.vaartha.com/wp-content/uploads/2022/07/Five-Panchayats-Resolution.jpg)
తమ గ్రామాలను తెలంగాణలో కలపాలని భద్రాచలం సమీపంలో ఎటపాక, కన్నాయిగూడెం, పిచుకలపాడు, పురుషోత్తపట్నం, గుండాల గ్రామ పంచాయతీలు ఏపీ ప్రభుత్వానికి వినతి పత్రం అందజేశాయి. రాష్ట్ర విభజన సమయంలో ఏడు మండలాలను ఏపీలో కలిపిన సమయంలో ఈ ఐదు గ్రామాలను సైతం విలీనం చేశారు. ఆ సమయంలో ఈ ఐదు పంచాయతీలు భద్రాచలం పట్టణంలో అంతర్భాగంగా ఉండేవి.
తాజాగా కురిసిన భారీ వర్షాలకు గోదావరి ఉగ్రరూపం దాల్చింది. దీంతో భద్రాచలం పట్టణంలోని పలు కాలనీ లతో పాటు చాల గ్రామాలూ నీటమునిగాయి. ఈ క్రమంలో మరోసారి గోదావరికి భారీ వరద వస్తే భద్రాచలం పట్టణానికి వరద ముప్పు ఉంటుందని అంత ఆందోళన వ్యక్తం చేస్తున్నారు. ఆ ఐదు గ్రామాలను తెలంగాణకు కేటాయిస్తే ఆయా ఊర్ల నుంచి కరకట్ట నిర్మించి.. గోదావరి వరదల నుంచి భద్రాచలం పట్టణానికి శాశ్వతంగా రక్షణ కల్పించాలని ప్రభుత్వం భావిస్తున్నది. ఈ క్రమంలో ఐదు గ్రామాలను తెలంగాణకు ఇవ్వాలని మంత్రి పువ్వాడ అజయ్కుమార్ ఏపీకి విజ్ఞప్తి చేశారు. భద్రాచలం పట్టణానికి ముంపు లేకుండా ఉండేందుకు ఆయా గ్రామాలను తెలంగాణకు తిరిగి ఇవ్వాలన్నారు. ఈ క్రమంలోనే ఆయా గ్రామాల పంచాయతీలు తెలంగాణలో కలపాలంటూ తీర్మానం చేసి, ఏపీ ప్రభుత్వానికి పంపాయి. ఇప్పటికే పువ్వాడ విన్నపానని తోసిపొచ్చిన ఏపీ మంత్రులు..గ్రామాల విన్నపంఫై ఏమంటారో చూడాలి.