Dragon: ఓటీటీలోకి రానున్న’డ్రాగన్’.. స్ట్రీమింగ్ ఎప్పుడంటే?

రిటర్న్ ఆఫ్ ది డ్రాగన్ – ఓటీటీలో ఎప్పటి నుంచి స్ట్రీమింగ్?

ఇటీవల విడుదలైన డబ్బింగ్ చిత్రాల్లో తెలుగు ప్రేక్షకులను బాగా ఆకట్టుకున్న చిత్రం రిటర్న్ ఆఫ్ ది డ్రాగన్. లవర్స్ డే సందర్భంగా థియేటర్లలో విడుదలైన ఈ సినిమా మంచి విజయాన్ని సాధించింది. ప్రదీప్ రంగనాథన్ హీరోగా నటించిన ఈ చిత్రంలో అనుపమ పరమేశ్వరన్, కయాదు లోహర్ హీరోయిన్లుగా నటించారు. అశ్వత్ మారిముత్తు దర్శకత్వం వహించిన ఈ సినిమా థియేటర్లలో మంచి స్పందన పొందింది. ఇప్పుడు ఈ చిత్రం ఓటీటీ ప్రేక్షకుల కోసం సిద్ధమవుతోంది. మార్చి 21 నుండి నెట్‌ఫ్లిక్స్‌లో తెలుగు, తమిళం, హిందీ, కన్నడ, మలయాళ భాషల్లో స్ట్రీమింగ్ కానుంది. థ్రిల్లింగ్ కథనంతో ప్రేక్షకులను ఆకట్టుకున్న ఈ సినిమా ఓటీటీలో ఎలా స్పందన తెచ్చుకుంటుందో చూడాలి.

ఓటీటీ విడుదలపై నెట్‌ఫ్లిక్స్ అప్‌డేట్

ఈ సినిమా ఓటీటీ స్ట్రీమింగ్‌పై కొంతకాలంగా రకరకాల వార్తలు వస్తున్నాయి. అయితే నెట్‌ఫ్లిక్స్ తాజాగా అధికారికంగా ప్రకటించింది. రిటర్న్ ఆఫ్ ది డ్రాగన్ మార్చి 21 నుండి నెట్‌ఫ్లిక్స్‌లో స్ట్రీమింగ్ కానుంది. తెలుగు, తమిళం, హిందీ, కన్నడ, మలయాళ భాషల్లో ప్రేక్షకులు ఈ చిత్రాన్ని ఆస్వాదించవచ్చు.

ప్రదీప్ రంగనాథన్ మరో హిట్

ప్రదీప్ రంగనాథన్ గతంలో లవ్ టుడే చిత్రంతో తెలుగులోనూ హిట్ అందుకున్నాడు. ఇప్పుడు రిటర్న్ ఆఫ్ ది డ్రాగన్ రూపంలో మరో విజయవంతమైన సినిమాను అందించాడు.

సినిమా కథాసారం

స్కూల్ టాపర్ అయిన రాఘవన్ (ప్రదీప్ రంగనాథన్) ప్లస్ 2 పూర్తి చేసి గోల్డ్ మెడల్ సాధిస్తాడు. అనంతరం తన ప్రేమను వ్యక్తపరచినప్పటికీ, ఆ అమ్మాయి మాత్రం ‘బ్యాడ్ బాయ్స్’ అంటే ఇష్టమని చెబుతుంది. దీంతో రాఘవన్ తనను తాను మార్పు చేసుకుంటాడు.

డ్రాగన్‌గా మారిన రాఘవన్

ఇంజనీరింగ్ కాలేజీలో చేరిన రాఘవన్ డ్రాగన్‌గా మారిపోతాడు. అక్కడ కీర్తి (అనుపమ పరమేశ్వరన్) అతనిపై ప్రేమ పెంచుకుంటుంది. అయితే కాలేజీలో తన నిర్లక్ష్యం వల్ల 48 సబ్జెక్టుల్లో బ్యాక్‌లాగ్స్ వస్తాయి. ప్రిన్సిపాల్ (మిస్కిన్) అతనికి ఓ అవకాశం ఇస్తాడు. కానీ ఆ అవకాశాన్ని సద్వినియోగం చేసుకోలేక కాలేజీ నుంచి సస్పెండ్ అవుతాడు.

పెళ్లికి ముందు ఎదురైన షాక్

రెండేళ్లు ఇంట్లో ఉన్న తల్లిదండ్రులను మోసం చేస్తూ కాలం గడిపిన డ్రాగన్ ఫేక్ సర్టిఫికేట్‌తో ఉద్యోగం పొందతాడు. అయితే తన లవర్ కీర్తి అతనిని ఫెయిల్యూర్ అని తిడుతూ, తనకు వచ్చిన సంబంధానికి ఓకే చెబుతుంది. బ్రేకప్ బాధలో ఉన్న డ్రాగన్ ఓ ఉద్యోగాన్ని పొందిన తర్వాత నిజమైన టాలెంట్‌తో ఎదుగుతూ వస్తాడు.

కొత్త ప్రేమ, పెళ్లి, మరియు క్లైమాక్స్

అంతా సవ్యంగా జరుగుతున్న సమయంలో పల్లవి (కయాదు లోహర్) అనే అమ్మాయి డ్రాగన్ జీవితంలో ప్రవేశిస్తుంది. ఇద్దరూ పెళ్లికి సిద్ధమవుతారు. కానీ ఈ సమయంలో కాలేజీ ప్రిన్సిపాల్ అతనికి ఎదురుపడతాడు. ఫేక్ సర్టిఫికేట్ విషయం బయటపడుతుంది. చివరకు డ్రాగన్ ఎలా బయటపడ్డాడు? అసలు అతని ప్రయాణం ఎలా ముగిసింది? అన్నది తెలియాలంటే సినిమా చూడాల్సిందే.

మూవీ స్పెషల్ ఎలిమెంట్స్

హాస్యం, రొమాన్స్, యాక్షన్ మేళవింపు
ప్రదీప్ రంగనాథన్ కామెడీ టైమింగ్
అనుపమ పరమేశ్వరన్, కయాదు లోహర్ గ్లామర్
ఇంట్రెస్టింగ్ కథనంతో ఆద్యంతం ఆకట్టుకునే స్క్రీన్‌ప్లే