కొత్త రేషన్‌కార్డుల కోసం దరఖాస్తు ప్రక్రియపై పౌర సరఫరాల శాఖ తీసుకున్న నిర్ణయాలు ప్రజలను గందరగోళానికి గురిచేశాయి. మీ-సేవ కేంద్రాల ద్వారా దరఖాస్తులు స్వీకరించాలని పౌర సరఫరాల శాఖ మొదట లేఖ రాసినప్పటికీ, 24 గంటలు గడవక ముందే తమ నిర్ణయాన్ని మార్చుకుంది. ప్రజాపాలనలో అందుకున్న లిఖితపూర్వక దరఖాస్తుల పరిశీలనకే పరిమితం కానున్నట్లు స్పష్టం చేసింది.
ఈ క్రమంలో, శుక్రవారం రాత్రి మీ-సేవ వెబ్‌సైట్‌లో కొత్త రేషన్ కార్డుల దరఖాస్తు ఆప్షన్ కనిపించడంతో అనేక మంది శనివారం ఉదయం మీ-సేవ కేంద్రాలకు క్యూ కట్టారు. అయితే, ఆ ఆప్షన్ తొలగించడంతో దరఖాస్తుదారులు నిరాశ చెందారు. మీ-సేవ నిర్వాహకులు కూడా అనవసర గందరగోళానికి గురయ్యారు. ఈ అంశంపై అధికారులను ప్రశ్నించగా, ప్రజా పాలనలో అందుకున్న దరఖాస్తులనే ప్రాసెస్ చేయాలని నిర్ణయించినట్లు వెల్లడించారు. మీ-సేవ ద్వారా ఆన్‌లైన్ దరఖాస్తులను అందుబాటులోకి తేవాలన్న ఉద్దేశమేనని, కమ్యూనికేషన్ గ్యాప్ వల్ల తప్పుబాటుకు గురికాబట్టామని స్పష్టం చేశారు. అయితే, ప్రస్తుతం ఉన్న రేషన్‌కార్డుల్లో సభ్యుల చేర్పులు, మార్పులకు మీ-సేవ ద్వారా దరఖాస్తులు స్వీకరించబడతాయని తెలియజేశారు.
దరఖాస్తుల స్వీకరణపై ఎన్నికల కోడ్ ప్రభావం ఉందంటూ ప్రచారం జరిగింది. కానీ, ఎన్నికల సంఘం దీనిని ఖండించింది. కొత్త రేషన్ కార్డుల దరఖాస్తు ప్రక్రియను నిలిపివేయాలంటూ ఎటువంటి ఆదేశాలు తమ నుంచి వెళ్లలేదని స్పష్టం చేసింది. ఇప్పటికే చాలా మంది కొత్త రేషన్ కార్డుల కోసం పదేళ్లుగా ఎదురుచూస్తున్నారు. అర్హులైన ప్రతి ఒక్కరికీ రేషన్ కార్డులు మంజూరు చేయబడతాయని రాష్ట్ర ప్రభుత్వం హామీ ఇచ్చింది. ప్రజల్లో గందరగోళాన్ని నివారించేందుకు ప్రభుత్వం త్వరగా స్పష్టతనిస్తూ నిర్ణయాలు ప్రకటించాలని కోరుతున్నారు.
శ్రీశైలం ఎడమ కాలువలోని SLBC టన్నెల్ లో ఘోర ప్రమాదం చోటు చేసుకుంది. టన్నెల్ పైకప్పు అకస్మాత్తుగా కూలిపోవడంతో 50 మంది కార్మికులు లోపల చిక్కుకుపోయారు. ఈ Read more
రాష్ట్రవ్యాప్తంగా గత పది రోజులుగా తగ్గుముఖం పట్టిన ఎండలు మళ్లీ ప్రతాపాన్ని చూపిస్తున్నాయి. రెండు రోజులుగా కాస్తున్న ఎండలతో జనాలు బెంబేలెత్తిపోతున్నారు. పగటిపూట ఉష్ణోగ్రతలు 40 డిగ్రీలు Read more
పాకిస్థాన్‌లో రైలు హైజాక్ చేసిన మిలిటెంట్లను పాక్ సైనికులు అంతమొందించారు. బందీలుగా ఉన్న ప్రయాణికులను కాపాడారు. అయితే, ఈ ఘటనలో మొత్తం 21 మంది ప్రయాణికులతోపాటు నలుగురు Read more
హైదరాబాద్‌: కేంద్ర మంత్రి బండి సంజయ్ ఈరోజు యూఎస్‌కు చెందిన 'ఓవర్సీస్ ఫ్రెండ్స్ ఆఫ్ బీజేపీ' ఎన్‌ఆర్‌ఐ నేతలతో ఆయన వీడియో కాన్ప్‌రేన్స్‌ ద్వారా సమావేశమయ్యారు. ఈ Read more