ఆంధ్రప్రదేశ్ ప్రభుత్వం ప్రతిపాదించిన రాయలసీమ ఎత్తిపోతల పథకానికి కేంద్ర ప్రభుత్వం పర్యావరణ అనుమతులను నిరాకరించింది. ఈ నిర్ణయం తెలంగాణ ప్రభుత్వానికి విజయంగా మారిందని రాష్ట్ర మంత్రి ఉత్తమ్ కుమార్ రెడ్డి తెలిపారు. కృష్ణా నదీ జలాలను వినియోగించి ఎత్తిపోతల పథకాన్ని అమలు చేయాలని ఏపీ భావించినప్పటికీ, అంతర్ రాష్ట్ర జల వివాదాలను ఉల్లంఘించకుండా నడపాల్సిన నిబంధనలు ఉన్నాయని కేంద్రం స్పష్టం చేసింది.
తెలంగాణ అభ్యంతరాలు, ఫిర్యాదులు
తెలంగాణ ప్రభుత్వం ఈ ప్రాజెక్టుపై తీవ్ర అభ్యంతరాలు వ్యక్తం చేసింది. ఏపీ అనుమతులు పొందకుండా రాయలసీమ ఎత్తిపోతల నిర్మాణాన్ని చేపట్టిందని, ఇది జల న్యాయాన్ని ఉల్లంఘించడమేనని పేర్కొంది. తెలంగాణ నీటి పారుదల ముఖ్య కార్యదర్శి రాహల్ బొజ్జా కేంద్రానికి లేఖ రాసి, ఈ విషయాన్ని అధికారికంగా ప్రస్తావించారు. కేఆర్ఎంబీ (కృష్ణా రివర్ మేనేజ్‌మెంట్ బోర్డు) మరియు అపెక్స్ కౌన్సిల్ అనుమతులు లేకుండానే ప్రాజెక్టును నిర్మించేందుకు ఏపీ యత్నించిందని మంత్రి తెలిపారు.
ఎన్జీటీ సమీక్ష, తుది నిర్ణయం
ఫిబ్రవరి 27న జరిగిన 25వ సమావేశంలో నేషనల్ గ్రీన్ ట్రైబ్యునల్ (ఎన్జీటీ) ఈ ప్రాజెక్టును సమీక్షించింది. పర్యావరణ చట్టాలకు విరుద్ధంగా ప్రాజెక్టును ప్రారంభించారని ఎన్జీటీ తేల్చిచెప్పింది. దీంతో కేంద్ర ప్రభుత్వం పర్యావరణ అనుమతులను నిరాకరించడంతో, ఈ ప్రాజెక్టుపై ఆంధ్రప్రదేశ్ ప్రభుత్వం మరింత ఒత్తిడిని ఎదుర్కొంటోంది.
తెలంగాణ రాష్ట్రానికి కృష్ణా జలాల్లో సముచిత వాటా ఉండాలని, అవి కోల్పోకుండా చర్యలు తీసుకుంటామని మంత్రి ఉత్తమ్ కుమార్ రెడ్డి స్పష్టం చేశారు. కాంగ్రెస్ ప్రభుత్వం అధికారంలోకి వచ్చిన తర్వాత, తెలంగాణ హక్కులను కాపాడేందుకు కృషి చేస్తున్నట్లు తెలిపారు. కేంద్ర పర్యావరణ శాఖ మంత్రిని కలిసి, ప్రాజెక్టుపై సమగ్ర వివరణ ఇచ్చినట్లు తెలిపారు. కృష్ణా జలాలపై తెలంగాణ తన వాటాను నిలబెట్టుకునేందుకు చట్టపరంగా పోరాటం చేస్తామని వెల్లడించారు.
Tahawwur Rana : ముంబయి పేలుళ్ల నిందితుడు తహవూర్‌ రాణాకు ఎదురుదెబ్బ తగిలింది. తనను భారత్‌కు అప్పగించొద్దంటూ అమెరికా సుప్రీంకోర్టును ఆయన ఆశ్రయించిన విషయం తెలిసిందే. తాజాగా Read more
Telangana Cabinet : తెలంగాణ కేబినెట్ రేపు సమావేశం కానున్నది. ఉదయం 9:30 గంటలకు భేటీ అయి రాష్ట్ర బడ్జెట్‌కు ఆమోదం తెలపనుంది. ఆ తర్వాత ఉదయం Read more
ముంబయి : ఇంతకు ముందు రెండు ఎడిషన్స్ యొక్క సంచలనాత్మక విజయంతో, సీగ్రమ్ రాయల్ స్టాగ్ అనుభవపూర్వకమైన మ్యూజిక్ ఫెస్టివల్, రాయల్ స్టాగ్ బూమ్ బాక్స్ ను Read more
హైదరాబాద్‌: తెలంగాణ సచివాలయంలో వాస్తు మార్పులు చేస్తున్నారు. సచివాలయానికి తూర్పు వైపున ఉన్న ప్రధాన ద్వారాన్ని మూసివేస్తున్నారు. దాదాపు రూ.3 కోట్ల 20 లక్షల వ్యయంతో వాస్తు Read more