అమెరికాలోని కాలిఫోర్నియా రాష్ట్రం మళ్లీ పన్నుల అంశంతో హాట్ టాపిక్ అయింది. ఇప్పటికే రాష్ట్రవ్యాప్తంగా 7.25 శాతం అమ్మకపు పన్ను అమలులో ఉంది. ఇది దేశంలోనే అత్యధికం. పైగా, స్థానిక ప్రభుత్వాలకు అదనపు పన్నులు విధించే అధికారం కూడా ఉంది. ఈ రేటు సాధారణంగా 2 శాతాన్ని మించకూడదన్న నిబంధన ఉన్నా, కొన్ని మున్సిపాలిటీలు చట్టబద్ధంగా ఆ పరిమితిని దాటి పన్నులను పెంచుకుంటున్నాయి.గత నవంబర్‌లో జరిగిన స్థానిక ఎన్నికల్లో మొత్తం 115 పన్నుల పెంపు ప్రతిపాదనలు ఓటర్ల ముందుకు వచ్చాయి. అందులో 90 ప్రతిపాదనలు ఆమోదం పొందాయి. ఇందులో 80 సాధారణ అవసరాల కోసం, 6 ప్రత్యేక ప్రయోజనాల కోసం. అయితే, మిగిలిన 25 ప్రతిపాదనలు తిరస్కరణకు గురయ్యాయి.
ప్రత్యేక పన్నులకు మూడింట రెండు వంతుల మెజారిటీ అవసరం, సాధారణ పన్నులకు 50 శాతం ఓట్లు చాలు.ఇన్ని పన్నుల పెంపు ఎలా ఆమోదం పొందాయో విశ్లేషిస్తూ, హోవార్డ్ జార్విస్ టాక్స్ యర్స్ అసోసియేషన్ అధ్యక్షుడు జోన్ కూపర్ కీలక వ్యాఖ్యలు చేశారు. “రాష్ట్ర పన్నులకు వ్యతిరేకంగా ఉండే ఓటర్లు, స్థానిక ప్రభుత్వాల విషయంలో మాత్రం సానుకూలంగా స్పందిస్తున్నారు,” అని ఆయన తెలిపారు.అంతే కాదు, బ్యాలెట్ ప్రక్రియను కూడా కొన్ని అధికారులు తమకు అనుకూలంగా మార్చుకుంటున్నారని ఆరోపించారు. “పన్ను ప్రతిపాదనలు గోప్యంగా ఉంచడం, అవి చివరి నిమిషం వరకు ప్రజల దృష్టికి రాకుండా చూడడం జరుగుతోంది,” అని ఆయన అన్నారు. వాటిని ప్రజలకు అవసరమైన పోలీస్, అగ్నిమాపక శాఖలతో ముడిపెట్టి చూపించడం వల్ల, ప్రజలు అవసరం అనుకొని ఓటేస్తారని విశ్లేషించారు.
అయితే ఆ నిధులు నిజంగా అత్యవసర సేవలకే వాడుతారా? అని కూపర్ సందేహం వ్యక్తం చేశారు. చిన్న అక్షరాల్లో ఉన్న నిబంధనల ప్రకారం, ఆ నిధులు పాలనా ఖర్చులు, పెన్షన్లు, అధికారుల ప్రయాణాలకు కూడా వినియోగించవచ్చునని తెలిపారు.అదే విధంగా, పన్నుల పెంపును తక్కువగా చూపించే ట్రిక్స్ కూడా ఉన్నాయని చెప్పారు. ఉదాహరణకు, ఇప్పటికే ఉన్న 8% పన్నుకు 0.5% అదనంగా పెడితే, అది 6% పెరుగుదల కిందికి వస్తుందని గణితముతో చూపించారు.ఇప్పటికే ఆదాయ పన్ను, ఆస్తి పన్నుల భారం ఎక్కువగా ఉన్నప్పటికీ, ఇప్పుడు అమ్మకపు పన్నుల భారమూ తలెత్తుతుందనే విషయం స్పష్టమవుతోంది. ఏప్రిల్ 1 నుంచి అమల్లోకి వచ్చిన ఈ కొత్త పన్నుల విధానం వినియోగదారులపై మరింత ఒత్తిడిని తేవబోతోందని పన్ను చెల్లింపుదారుల సంఘం హెచ్చరిస్తోంది.ప్రజలు ఇప్పుడు ఈ పెరుగుతున్న భారం గురించి జాగ్రత్తగా ఆలోచించాల్సిన అవసరం ఉంది. ఎందుకంటే, చిన్నగా కనిపించే పెంపులు కూడా రోజువారీ ఖర్చులపై పెద్ద ప్రభావం చూపగలవు.
Read Also : Amber Heard : ఎలాన్ మస్క్ తో ఇల్లీగల్ సంబంధం : అంబర్ హెర్డ్
గత ఆరు నెలలుగా పంచాయతీ రాజ్, గ్రామీణాభివృద్ధి శాఖలపై ప్రత్యేక దృష్టి పెట్టిన ఉప ముఖ్యమంత్రి పవన్ కల్యాణ్, ఇప్పుడు తన దృష్టిని అటవీ శాఖపై సారించారు. Read more
మ్యూజిక్, మూవీస్, జర్నలిజం, రీసర్చ్…ఇలా విభిన్న రంగాలకు చెందిన మహిళా బృందం ఏప్రిల్ 14న అంతరిక్షంలోకి ప్రయాణించనుంది. జెఫ్ బెజోస్ స్థాపించిన అంతరిక్షయాన సంస్థ 'బ్లూ ఆరిజిన్' Read more
పహల్గామ్ ఉగ్రదాడి అనంతరం భారత్, పాకిస్తాన్ మధ్య ఉద్రిక్తతలు తీవ్రమవుతున్న వేళ, భారత ప్రభుత్వం మరో కీలక నిర్ణయం తీసుకుంది. పాకిస్తాన్ రక్షణ శాఖ మంత్రి ఖవాజా Read more
భారత ప్రధానమంత్రి నరేంద్ర మోదీ సోమవారం బ్రెజిల్ యొక్క రియో డి జనీరియోకు చేరుకున్నారు, అక్కడ 19వ G20 నాయకుల సదస్సు నవంబర్ 18 నుంచి 19 Read more