Budget : వేలకు పైగా ఉద్యోగాలు ఇచ్చామన్న భట్టివిక్రమార్క తెలంగాణ ప్రభుత్వం ప్రవేశపెట్టిన బడ్జెట్ పూర్తిగా పేదల సంక్షేమాన్ని దృష్టిలో ఉంచుకుని రూపొందించినదని ఉప ముఖ్యమంత్రి మల్లు భట్టి విక్రమార్క అన్నారు. ఆయన మీడియాతో మాట్లాడుతూ ఈ బడ్జెట్ అన్ని వర్గాలకు ఆమోదయోగ్యంగా ఉంటుందని ముఖ్యంగా పేదలు, రైతులు, విద్యార్థులు, మహిళలకు భారీ ఊరట కలిగిస్తుందని వెల్లడించారు.విద్యార్థుల కోసం కాస్మొటిక్ ఛార్జీలను 200 శాతం పెంచినట్లు ఆయన తెలిపారు. రైతుల కోసం ఎకరాకు రైతు భరోసా కింద రూ. 12,000 మంజూరు చేయనున్నారు. అలాగే రైతు కూలీలకు ఇందిరమ్మ రైతు భరోసా కింద రూ. 12,000 ఆర్థిక సాయం అందించనున్నారు.
అదనంగా సన్న వడ్లకు రూ. 500 బోనస్ ప్రకటించినట్లు వివరించారు.రాష్ట్రంలో ఉద్యోగ కల్పనకు పెద్దపీట వేసిన కాంగ్రెస్ ప్రభుత్వం ఇప్పటివరకు 57,000కి పైగా ఉద్యోగాలను భర్తీ చేసిందని తెలిపారు. త్వరలో గ్రూప్-1, గ్రూప్-2, గ్రూప్-3 అభ్యర్థులకు నియామక పత్రాలు అందజేయనున్నట్లు ప్రకటించారు. అదనంగా, రాష్ట్రంలోని 119 నియోజకవర్గాల్లో అంబేద్కర్ నాలెడ్జ్ కేంద్రాలను ఏర్పాటు చేయనున్నట్లు తెలిపారు.
ఈ కేంద్రాల్లో విద్యార్థులకు ఉచిత కోచింగ్ అందుబాటులో ఉంచనున్నామని వెల్లడించారు.మహిళల అభివృద్ధికి ముఖ్యంగా దృష్టి సారించిన ప్రభుత్వం, స్వయం సహాయక సంఘాల మహిళలకు ప్రతి ఏడాది రెండు చీరలు పంపిణీ చేయనుందని తెలిపారు. సంక్షేమ పథకాలు, అభివృద్ధి కార్యక్రమాలతో ముందుకు సాగుతున్నామని స్పష్టం చేశారు. యువ వికాసం పథకం కింద లబ్ధిదారులకు రూ. 4 లక్షల ఆర్థిక సాయం అందించనున్నట్లు తెలిపారు.ఈ సందర్భంగా గత ప్రభుత్వంపై విమర్శలు గుప్పించిన భట్టి విక్రమార్క, బీఆర్ఎస్ హయాంలో రాష్ట్ర ఆర్థిక వ్యవస్థ పూర్తిగా దెబ్బతిన్నదని, కొత్త ప్రభుత్వం సంక్షేమానికి పెద్దపీట వేస్తూ, రాష్ట్రాన్ని తిరిగి అభివృద్ధి మార్గంలో నడిపిస్తోందని అన్నారు. మొత్తం మీద, కొత్త బడ్జెట్ తెలంగాణ ప్రజలకు సమగ్ర అభివృద్ధిని అందించేందుకు రూపొందించబడిందని స్పష్టం చేశారు.
హైదరాబాద్ పాతబస్తీలో మెట్రో రూట్‌పై హైకోర్టులో జరిగిన ప్రజా ప్రయోజన వ్యాజ్యం ప్రాధాన్యత సంతరించుకుంది. యాక్ట్ ఫర్ పబ్లిక్ వెల్ఫేర్ ఫౌండేషన్ వేసిన పిటిషన్‌పై విచారణ చేపట్టిన Read more
కోతుల బెడదను తీర్చే వారికి ఓటేస్తామంటున్న జనం హైదరాబాద్: ఈసారి పంచాయతీఎన్నికల్లో పోటీ చేసే అభ్యర్థులకు ‘కోతుల తిప్పలు’ తప్పేలా లేవు. గ్రామాల్లో సీసీ రోడ్లు వేస్తామని, Read more
మౌని అమావాస్య నాడు ఉదయం జరిగిన మహా కుంభంలో తొక్కిసలాట తలెత్తడంతో సుమారు 30 మంది మహిళలు గాయపడ్డారు. మహా కుంభమేళాలో తొక్కిసలాట జరిగిందని తెలుసుకున్న వెంటనే, Read more
భారత రాష్ట్ర సమితి (BRS) వర్కింగ్ ప్రెసిడెంట్ కే.టి. రామారావు (KTR) బుధవారం కాంగ్రెస్ నాయకుడు రాహుల్ గాంధీపై వ్యంగ్యంగా వ్యాఖ్యలు చేశారు. కాంగ్రెస్ పార్టీ ఎన్నికల Read more