Bill Gates : నేడు టాస్క్ ఫోర్స్ ఏర్పాటు చేస్తూ ఉత్తర్వులు జారీ ఆంధ్రప్రదేశ్ ప్రభుత్వానికి, బిల్ గేట్స్ ఫౌండేషన్‌కు మధ్య కీలక ఒప్పందం కుదిరిన విషయం తెలిసిందే. రాష్ట్ర అభివృద్ధిలో భాగంగా ఈ ఒప్పందాన్ని మరింత ముందుకు తీసుకెళ్లేందుకు ఏపీ ప్రభుత్వం తాజాగా కీలక నిర్ణయం తీసుకుంది. గేట్స్ ఫౌండేషన్‌తో కలిసి ఒప్పందాన్ని సమర్థవంతంగా అమలు చేయడానికి ప్రత్యేకంగా టాస్క్ ఫోర్స్ ఏర్పాటు చేయాలని ప్రభుత్వం నిర్ణయించింది. ఏపీ ప్రభు త్వం తాజాగా టాస్క్ ఫోర్స్ ఏర్పాటుకు ఉత్తర్వులు జారీ చేసింది. ఈ బృందంలో రాష్ట్ర ప్రభుత్వ ప్రతినిధులు, బిల్ గేట్స్ ఫౌండేషన్ సభ్యులు ఉంటారు. ఈ సహకారం ద్వారా పలు కీలక రంగాల్లో ప్రగతి సాధించడం లక్ష్యం. ముఖ్యంగా సుపరిపాలన, వ్యవసాయం, ఆరోగ్యరంగం, ఆర్టిఫిషియల్ ఇంటెలిజెన్స్ వినియోగం, జీవన ప్రమాణాల మెరుగుదల వంటి అంశాలపై ఈ ఒప్పందం ప్రభావం చూపనుంది.
ఢిల్లీలో చంద్రబాబు – బిల్ గేట్స్ భేటీ
ఇటీవల, ముఖ్యమంత్రి చంద్రబాబు నాయుడు ఢిల్లీలో బిల్ గేట్స్‌తో ప్రత్యేక సమావేశం నిర్వహించారు. ఈ సమావేశంలో రాష్ట్ర అభివృద్ధికి సంబంధించి పలు కీలక చర్చలు జరిగాయి. ముఖ్యంగా సాంకేతికతను ఉపయోగించి వ్యవసాయం, ఆరోగ్యరంగాల్లో ప్రగతి సాధించేందుకు వీలుగా బిల్ గేట్స్ ఫౌండేషన్‌తో అనుసంధానం చేయాలని సీఎం నిర్ణయం తీసుకున్నారు. గతంలో కూడా చంద్రబాబు నాయుడు హయాంలో మైక్రోసాఫ్ట్‌తో పాటు పలు అంతర్జాతీయ సంస్థల భాగస్వామ్యంతో ఏపీకి టెక్నాలజీ ప్రాతిపదికన అభివృద్ధి చేయాలని ప్రయత్నాలు జరిగాయి. అదే దారిలో గేట్స్ ఫౌండేషన్‌తో ఒప్పందం కుదరడం వల్ల ఆంధ్రప్రదేశ్ ప్రభుత్వానికి అనేక ప్రయోజనాలు ఉండనున్నాయి. ముఖ్యంగా ఆధునిక సాంకేతికతను ఉపయోగించి వ్యవసాయ రంగాన్ని మరింత ముందుకు తీసుకెళ్లే అవకాశాలు మెరుగుపడతాయి.
టాస్క్ ఫోర్స్ కార్యాచరణ ఏమిటి?
ఈ టాస్క్ ఫోర్స్ ముఖ్యంగా గేట్స్ ఫౌండేషన్‌తో రాష్ట్ర ప్రభుత్వానికి మధ్య అనుసంధానకర్తగా వ్యవహరిస్తుంది. ఒప్పందం ద్వారా తీసుకురాబోయే కొత్త కార్యక్రమాలను సమీక్షించడం, వాటి అమలు తీరు పరిశీలించడం, అవసరమైన మార్పులను సూచించడం వంటి బాధ్యతలు ఈ బృందానికి అప్పగించనున్నారు. ఈ ఒప్పందం ద్వారా ఆంధ్రప్రదేశ్‌లో అత్యాధునిక సాంకేతికతను అందుబాటులోకి తేనున్నట్టు ప్రభుత్వ వర్గాలు పేర్కొంటున్నాయి. ముఖ్యంగా ఆర్టిఫిషియల్ ఇంటెలిజెన్స్, డిజిటల్ టెక్నాలజీ, ఆరోగ్య సంరక్షణ, వ్యవసాయ రంగాల్లో గేట్స్ ఫౌండేషన్ అనుభవాన్ని ఉపయోగించుకునేందుకు వీలు కలుగుతుంది.
సాంకేతికతతో మెరుగైన భవిష్యత్తు
ఈ ఒప్పందంతో ఏపీ స్మార్ట్ టెక్నాలజీ హబ్‌గా మారే అవకాశాలు ఉన్నాయని, ఆంధ్రప్రదేశ్ అభివృద్ధికి ఇది మేలైన అవకాశమని పరిశీలకులు భావిస్తున్నారు. ముఖ్యంగా రాష్ట్రానికి అత్యుత్తమ సాంకేతిక పరిజ్ఞానం అందించడంలో బిల్ గేట్స్ ఫౌండేషన్ భాగస్వామ్యం కీలకంగా మారనుంది.ఈ టాస్క్ ఫోర్స్ రూపంలో రాష్ట్రాభివృద్ధికి మద్దతుగా బిల్ గేట్స్ ఫౌండేషన్‌తో ప్రభుత్వం పని చేయనున్నది. దీంతో వ్యవసాయం, ఆరోగ్యరంగాల్లో పెద్ద ఎత్తున మార్పులు వచ్చే అవకాశాలు ఉన్నాయి.
కాంగ్రెస్ అగ్రనేత రాహుల్ గాంధీ అర్ధరాత్రి ఢిల్లీ ఎయిమ్స్ ఆసుపత్రిని పర్యటించారు. ఈ సందర్బంగా ఆసుపత్రిలో చికిత్స పొందుతున్న రోగులతో ఆయన మాట్లాడి వారి సమస్యలు తెలుసుకున్నారు. Read more
తెలంగాణలో డ్రైవింగ్ లైసెన్స్ పునరుద్ధరణ ప్రక్రియను రవాణా శాఖ మరింత సులభతరం చేసింది. ఇకపై లైసెన్స్ రెన్యువల్ కోసం ఆర్టీఏ కార్యాలయం చుట్టూ తిరగాల్సిన అవసరం లేదు. Read more
ఇటీవల గుండెపోటు అనేది వయసు సంబంధం లేకుండా వస్తున్నాయి. అప్పటి వరకు సంతోషం తన పని తాను చేసుకుంటుండగా..సడెన్ గా కుప్పకూలి మరణిస్తున్నారు. ముఖ్యంగా కరోనా తర్వాత Read more
జమ్మూ మరియు కాశ్మీరు ప్రభుత్వం వాట్సాప్, జీమెయిల్ వంటి థర్డ్-పార్టీ టూల్స్‌ను అధికారిక డాక్యుమెంట్ల మార్పిడి కోసం ఉపయోగించవద్దని తాజాగా ఒక ఉత్తర్వును విడుదల చేసింది. ఈ Read more