ఆంధ్రప్రదేశ్ ప్రభుత్వం పెద్ద ఎత్తున టీచర్ ఉద్యోగాల భర్తీకి సిద్ధం చేసింది. రాష్ట్రవ్యాప్తంగా 16,347 టీచర్ పోస్టులకు సంబంధించిన మెగా డీఎస్సీ నోటిఫికేషన్ ఏప్రిల్ 20, 2025న విడుదలైంది. ఈ నోటిఫికేషన్ ద్వారా పాఠశాలల్లో ఖాళీగా ఉన్న టీచర్ పోస్టులను భర్తీ చేయనున్నారు. ఉద్యోగార్థులు ఏప్రిల్ 20 నుంచి మే 15 వరకు ఆన్లైన్‌లో దరఖాస్తు చేసుకోవచ్చు. ప్రభుత్వ రంగంలో ఉద్యోగాన్ని కలలుగా కంటున్న అభ్యర్థులకు ఇది ఒక గొప్ప అవకాశంగా మారింది.
మే 30న హాల్ టికెట్స్ విడుదల
పరీక్షల నిర్వహణకు సంబంధించి షెడ్యూల్ కూడా అధికారికంగా ప్రకటించారు. అభ్యర్థులకు హాల్ టికెట్లు మే 30న విడుదల కానున్నాయి. డీఎస్సీ పరీక్షలు జూన్ 6 నుంచి జులై 6 వరకు కంప్యూటర్ బేస్డ్ టెస్ట్ (CBT) విధానంలో నిర్వహించనున్నారు. పరీక్ష ముగిసిన రెండు రోజుల తరువాత ప్రాథమిక కీ విడుదల కానుంది. అభ్యర్థులు తమ అభ్యంతరాలను కీ విడుదలైన 7 రోజులలోగా సమర్పించవచ్చు. ఇది పరీక్షా పారదర్శకతను పెంచేందుకు తీసుకున్న మంచి చర్యగా భావించబడుతోంది.
జులై మూడో వారంలో ఫైనల్ కీ విడుదల
చివరిగా అభ్యంతరాలపై పరిశీలన అనంతరం ఫైనల్ కీ జులై మూడో వారంలో విడుదల కానుంది. అదే నెల చివరి వారంలో మెరిట్ లిస్టు విడుదల చేస్తామని అధికారులు తెలిపారు. మెరిట్ ఆధారంగా అభ్యర్థుల ఎంపిక ప్రక్రియ కొనసాగుతుంది. డీఎస్సీ 2025 నోటిఫికేషన్ ద్వారా వేల మంది అభ్యర్థులకు రాబోయే రోజుల్లో ఉపాధి అవకాశాలు ఏర్పడనున్నాయి. కాబట్టి, ఆసక్తి ఉన్న అభ్యర్థులు వెంటనే సిద్ధమై సన్నాహాలు ప్రారంభించాలి.
తెలంగాణలో చలి తీవ్రత మళ్లీ పెరుగుతున్నదని వాతావరణ శాఖ హెచ్చరిస్తోంది. జనవరి 8 నుంచి 10 వరకు రాష్ట్ర వ్యాప్తంగా బలమైన చలి గాలులు వీచే అవకాశం Read more
సౌత్ కొరియాలో జరిగిన విమాన ప్రమాదం తీవ్రమైన విషాదాన్ని మిగిల్చింది. సౌత్ కొరియా ఆగ్నిమాపక శాఖ 181 మందితో ఉన్న విమానంలో 179 మంది మృతి చెందారు. Read more
తెలంగాణ హైకోర్టులో వక్ఫ్ బోర్డు వ్యవహారశైలి పై తీవ్ర విమర్శలు వచ్చాయి. జస్టిస్ నగేశ్ భీమపాక నేతృత్వంలోని ధర్మాసనం వక్ఫ్ బోర్డు తీసుకుంటున్న నిర్ణయాలపై అసంతృప్తి వ్యక్తం Read more
హుజురాబాద్ ఎమ్మెల్యే పాడి కౌశిక్ రెడ్డి అరెస్టును బీఆర్ఎస్ వర్కింగ్ ప్రెసిడెంట్ కేటీ రామారావు ఖండించారు. తప్పుడు కేసులు పెట్టడం, బీఆర్ఎస్ నాయకులను తరచుగా అరెస్టు చేయడం Read more